ആര്യ വധുവിനെ തേടുന്നു! വിവാഹം റിയാലിറ്റി ഷോയിലൂടെ, ''എങ്ക വീട്ടു മാപ്പിളൈ''

ഫേസ്ബുക്ക് ലൈവ്

ഫേസ്ബുക്ക് ലൈവിലൂടെ താരം തന്റെ വിവാഹ വാർത്ത വെളിപ്പെടുത്തിയത്. ഭാവി വധു സിനിമ ലോകത്ത് നിന്നു വേണമെന്ന് യാതൊരുവിധ നിർബന്ധവുമില്ല. തന്നെ ഇഷ്ടപ്പെടുന്ന ഒരാൾ മാത്രം മതി. വേറെ ആരായാലും തനിക്ക് പ്രശ്നമില്ലെന്നും ആര്യ കൂട്ടിച്ചേർത്തു.

സംഭവം സത്യം തന്നെ

ആദ്യം താരത്തിന്റെ ലൈവ് ആരും കാര്യമായി എടുത്തിരുന്നില്ല. പറ്റിക്കാൻ ചെയ്യുന്നതാണോ എന്നു വരെ സംശയം പ്രകടിപ്പിച്ചിരുന്നു. എന്നാൽ പിന്നിട് ആര്യ തന്റെ ഫോൺ നമ്പർ നൽകി. തന്നെ ഇഷ്ടപ്പെടുന്നവർ വിളിക്കു. ഞാൻ നിങ്ങളുടെ വിളിക്കായി കാത്തിരിക്കുന്നുവെന്നും വീഡിയോയിൽ പറഞ്ഞു. കൂടാതെ താൻ ചെയ്യുന്നത് കുട്ടിക്കളിയല്ലെന്നും താരം തന്നെ വ്യക്തമാക്കുകയും ചെയ്തു.

ലക്ഷത്തോളം ഫോൺകോളുകൾ

ആര്യക്ക് വിവാഹാഭ്യർഥനയുമായി ഇതുവരെ ഒരു ലക്ഷത്തോളം ഫോൺ കോളുകളാണ് ലഭിച്ചിരിക്കുന്നത്. കൂടാതെ എഴായിരത്തിലധികം വിവാഹ അപേക്ഷകളും. ലഭിച്ച ഏഴായിരം അപേക്ഷകളിൽ നിന്ന് താരം 16 പെൺക്കുട്ടികളെ തിരഞ്ഞെടുത്തു കഴിഞ്ഞു. ഇതിൽ നിന്ന് അനിയോജ്യമായ പെൺകുട്ടിയെ തിരഞ്ഞെടുക്കുമെന്നും ആര്യ പറഞ്ഞു.

റിയാലിറ്റി ഷോ

ഒരു റിയാലിറ്റി ഷോയിലൂടെയാണ് താരം തന്റെ വധുവിനെ തിരഞ്ഞെടുക്കുന്നത്. എങ്ക വീട്ടു മാപ്പിളൈ എന്നാണ് ഷോയുടെ പേര്. കളേഴ്സ് ടിവിയുടെ തമിഴ് ചാനലാണ് ഷോ സംപ്രേഷണം ചെയ്യുന്നത്.