ചില റോളുകൾ പണത്തിന്, മറ്റൊന്ന് പ്രശസ്തിയ്ക്ക്, പോൺ താരമായി അഭിനയിച്ചതിനെ കുറിച്ച് രമ്യാകൃഷ്ണ

പോൺസ്റ്റാറായി

സൂപ്പർ ഡിലക്സ് എന്ന ചിത്രത്തിൽ പോൺ സ്റ്റാറിന്റെ വേഷമാണ് ചെയ്യുന്നതെന്ന് രമ്യ പറഞ്ഞു. തന്റെ കരിയറിലെ ചലഞ്ചിങ്ങായിട്ടുളള കഥപാത്രമാണിതെന്നും താരം പറഞ്ഞു. ചിത്രത്തിലെ മല്ലു അൺകട്ട് എന്ന സിനിമഭാഗത്തിലാണ് രമ്യ പ്രത്യക്ഷപ്പെടുന്നത്. തന്റെ കരിയറിൽ ഏറ്റവും വെല്ലുവിളി നിറഞ്ഞ വേഷമാണിതെന്നും രമ്യ കൂട്ടിച്ചേർത്തു.

ഒരു സീനിന് 37 റീ ടേക്ക്

തന്റെ കഥാപാത്രങ്ങളില്‌ യാതൊരു വിട്ട് വീഴ്ചയ്ക്കും തയ്യാറാവാത്ത സംവിധായകനാണ് കുമാരരാജ. ഇത് സൂപ്പർ ഡീലക്സിന്റെ ലൊക്കേഷനിൽ എത്തുന്നതിനു മുൻപ് തന്നെ തനിയ്ക്ക് അറിയാമായിരുന്നു. അദ്ദേഹത്തിന്റെ തന്നെ അസിസ്റ്റന്റുമാരെ തന്നെ ഞെട്ടിപ്പിച്ച ഒരു സംഭവത്തെ കുറിച്ചും രമ്യ തുറന്നു പറ‍ഞ്ഞു. ചിത്രത്തിൽ ഒരു സീൻ ഓക്കെയാകാൻ വേണ്ടി താൻ 37 ടേക്ക് വരെ എടുത്തുവെന്നും രമ്യ കൂട്ടിച്ചേർത്തു.100 മുതൽ 150 വരെ ടേക്ക് എടുത്താണ് ചിത്രം പൂർത്തികരിച്ചതെന്ന് സിനിമയുടെ തിരക്കഥകൃത്തുക്കളും പറയുന്നു.

പോൺസ്റ്റാറായത്

ചില റോളുകൾ ചെയ്യുന്നത് പണത്തിനു വേണ്ടിയാണ്, മറ്റു ചിലത് ചെയ്യുന്നത് പ്രശസ്തിയ്ക്ക് വേണ്ടിയും, പാഷനു വേണ്ടിയും സിനിമകൾ ചെയ്യുന്നവരുണ്ടെന്ന് രമ്യ പറഞ്ഞു. താൻ സൂപ്പർ ഡീലക്സ് എന്ന ചിത്രം ചെയ്തത് പാഷന് വേണ്ടിയാണെന്ന് രമ്യ പറയുന്നു. അതേസമയം ഈ ചിത്രത്തിലെ പോൺസ്റ്റാർ കഥാപാത്രത്തിനായി ആദ്യം സമീപിച്ചത് നടി നദിയ മെയ്തുവിനെയായിരുന്നു. എന്നാൽ പിന്നീട് ഈ കഥാപാത്രം രമ്യയിൽ എത്തുകയായിരുന്നു

വീഡിയോ ഞെട്ടി ആരാധകർ

സൂപ്പർഡീലക്സിലെ ആദ്യ ട്രെയിലർ കണ്ട് വണ്ടറടിച്ച് നിൽക്കുകയായിരുന്നു പ്രേക്ഷകർ. വിജയ്സേതുപതിയുടെ ശബ്ദത്തോടെയായിരുന്നു ട്രെയിലറിന്റെ തുടക്കം. ഫഹദ്, സമാന്ത, രമ്യ കൃഷ്ണും വീഡിയോയുടെ ഭാഗമായിരുന്നു. നീണ്ടു നിവർന്ന ഒരു ഡയലോഗിന്റെ പശ്ചാത്തലത്തിലായിരുന്നു ട്രെയിലർ. വിജയ് സേതുപതി ഈ വീഡിയോ ഡബ്ബ് ചെയ്യാനെടുത്ത കഷ്ടപ്പാട് ചില്ലറ അല്ലായിരുന്നു. ഡബ്ബിങ് വീഡിയോയും അണിയറ പ്രവർത്തകർ പുറത്തു വിട്ടിരുന്നു. മാർച്ച് 29 നാണ് ചിത്രം പ്രദർസനത്തിനായി എത്തുന്നത്. ഫഹദ് ഫാസിലിന്റെ രണ്ടാമത്തെ തമിഴ് ചിത്രമാണിത്.