എന്റെ അച്ഛനല്ലെന്ന് പറയാന്‍ പറ്റില്ലല്ലോ; ജീവിതം തകര്‍ത്തത് അച്ഛനാണ്, ഇതൊരു മധുരപ്രതികാരമെന്ന് വനിത വിജയ്കുമാർ

മാനസികമായി ഞാനിപ്പോള്‍ വളരെ ശക്തയാണെന്നാണ് വനിത വിജയ്കുമാര്‍ പറയുന്നത്. തന്റെ ഈ മാറ്റത്തിന് കാരണം പിതാവായ വിജയ്കുമാറാണ്. എന്റെ അച്ഛന്‍ ഒരു മാധ്യമത്തിന് നല്‍കിയ അഭിമുഖം ഞാന്‍ കണ്ടിരുന്നു. അതില്‍ എന്റെ മക്കള്‍ എല്ലാവരും ഞാന്‍ പറയുന്നത് പോലെ അനുസരിക്കുന്നവരാണെന്ന് ഓരോരുത്തരുടെയും പേര് എടുത്ത് പറഞ്ഞു. കവിത, അനിത, അരുണ്‍, പ്രീത ശ്രീദേവി.. എന്നിങ്ങനെ മക്കളെ എല്ലാവരെയും പറഞ്ഞെങ്കിലും നടുവിലുള്ള എന്റെ പേര് മാത്രം വിട്ടു കളഞ്ഞു.

ഈ വീഡിയോ ആരോ അയച്ച് തന്നപ്പോഴാണ് ഞാന്‍ കാണുന്നത്. പത്ത് പതിനഞ്ചോളം പ്രാവശ്യമെങ്കിലും അച്ഛന്‍ മക്കളെ കുറിച്ച് പറഞ്ഞ ആ ഭാഗം മാത്രം ഞാന്‍ കണ്ടു. ഓരോ തവണ കാണുമ്പോഴും എനിക്ക് ദേഷ്യമാണ് തോന്നിയത്. ദേഷ്യത്തില്‍ ഞാന്‍ കരഞ്ഞ് പോയി. അച്ഛന്റെ വാക്ക് കേട്ടത് കൊണ്ട് മാത്രമാണ് എന്റെ ജീവിതം ഇങ്ങനെ താറുമാറായതെന്നാണ് വനിത പറയുന്നത്.

എന്റെ മക്കളില്‍ വനിത മാത്രം ഞാന്‍ പറയുന്നത് കേട്ടില്ലെന്ന് പറഞ്ഞിരുന്നുവെങ്കില്‍ ആ വാക്കുകൾക്ക് ഞാന്‍ കൈ കൊട്ടുമായിരുന്നു. കാരണം ഒരു സമയം കഴിഞ്ഞപ്പോള്‍ മുതല്‍ ഞാന്‍ അവരെ അനുസരിക്കാതെ നടന്നിട്ടുണ്ടെന്നും നടി പറയുന്നു.

അച്ഛനെ അനുസരിക്കാത്തതിന്റെ കാരണവും വനിത പറഞ്ഞു. 'അച്ഛന്‍ ജീവിതത്തില്‍ എനിക്ക് തെറ്റായ ഉപദേശമാണ് തന്നത്. അത് തിരിച്ചറിഞ്ഞപ്പോള്‍ മുതലാണ് ഞാന്‍ അവരെ അനുസരിക്കാതെ നടന്നത്. അതിന് മുന്‍പ് വരെ അച്ഛന്‍ പറഞ്ഞത് മാത്രം അനുസരിച്ചത് കൊണ്ട് എന്റെ ജീവിതം താറുമാറായി. നമ്മളെ മാറ്റി നിര്‍ത്തുമ്പോള്‍ വരുന്ന ആത്മവിശ്വാസമാണ് ഇപ്പോള്‍ എന്റെ കരുത്തെന്ന് പറഞ്ഞ വനിത അച്ഛന്റെ പേര് കൂടെ ചേര്‍ത്തത് മധുരപ്രതികാരമാണെന്നും പറഞ്ഞു.

വിജയകുമാര്‍ എന്റെ അച്ഛനല്ലെന്ന് അവര്‍ക്ക് പറയാന്‍ പറ്റില്ലല്ലോ. എന്റെ പേരിനൊപ്പം അച്ഛന്റെ പേരും ആവര്‍ത്തിച്ച് വിളിക്കുന്നുവോ, അത് അവര്‍ക്ക് നല്‍കുന്ന എന്റെ മധുരപ്രതികാരമാണെന്നാണ് വനിത പറയുന്നത്. അതുകൊണ്ട് തന്നെ താന്‍ ഒരിക്കലും ഈ പേര് മാറ്റില്ല. അച്ഛനും അത് നിഷേധിക്കാന്‍ കഴിയില്ലില്ലെന്നും വനിത പറഞ്ഞിട്ടുണ്ട്.