നയൻതാരയുടെ ഫ്ലാറ്റിന് മുന്നിൽ സ്ഥിരം ലെജന്റിന്റെ കാർ; ബുദ്ധിമുട്ടായപ്പോൾ അടുത്ത് ഫ്ലാറ്റ് വാങ്ങി; കാരണം

കൈ നിറയെ അവസരങ്ങളുമായി കരിയറിലെ തിരക്കേറിയ സമയത്താണ് നയൻതാര. ലേഡി സൂപ്പർ സ്റ്റാറായി ആരാധകർ വാഴ്ത്തുന്ന നയൻതാര ഇന്ന് സിനിമയ്ക്കൊപ്പം ബിസിനസ് രം​ഗത്തും ശ്രദ്ധേയ സാന്നിധ്യമാണ് നയൻതാര. അടുത്തിടെ നടി ഒന്നിലേറെ ബിസിനസ് സംരഭങ്ങൾക്ക് തുടക്കം കുറിച്ചു. കരിയറിലെ തിരക്കേറിയ സമയത്തും ബിസിനസിലേക്കും ശ്രദ്ധ നൽകാൻ താരത്തിന് കഴിയുന്നു. ഒപ്പം എല്ലാ പിന്തുണയും നൽകി ഭർത്താവ് വിഘ്നേശ് ശിവനുണ്ട്. സിനിമയിൽ നിന്നും ബിസിനസിൽ നിന്നുമായി കോടികളുടെ വരുമാനം നയൻതാരയ്ക്കുണ്ട്.

തെന്നിന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന നടിമാരിൽ ഒരാളാണ് നയൻതാര. പ്രതിഫലത്തിന്റെ കാര്യത്തിൽ താരം വലിയ വിട്ടു വീഴ്ചകൾ ചെയ്യാറില്ല. എന്നാൽ ഇര‌ട്ടി പ്രതിഫലം വാ​ഗ്ദാനം ചെയ്തി‌ട്ടും നടി സിനിമ നിരസിച്ച സാഹചര്യവും ഉണ്ടായിട്ടുണ്ട്. തമിഴ്നാട്ടിലെ ബിസിനസ് ഭീമനായ ലെജന്റ് ശരവണന്റെ സിനിമയാണ് നടി വേണ്ടെന്ന് വെച്ചത്. ദ ലെജന്റ് എന്ന പേരിൽ 2022 ലാണ് ഇദ്ദേഹം നായകനായ സിനിമ പുറത്തിറങ്ങിയത്.

സിനിമ നിർമ്മിച്ചതും ശരവണനാണ്. നടി ഉർവശി റാട്ട്വാലയാണ് സിനിമയിൽ നായികയായത്. നയൻതാരയെ നായികയാക്കാൻ വേണ്ടി ലെജന്റ് ശരവണൻ നടത്തിയ ശ്രമങ്ങളെക്കുറിച്ചുള്ള വിവരങ്ങളാണിപ്പോൾ ശ്രദ്ധ നേടുന്നത്. ഒരു തമിഴ് മീഡിയയിൽ ഫിലിം ജേർണലിസ്റ്റ് ചെയ്യാർ ബാലുവാണ് ഇതേക്കുറിച്ച് സംസാരിച്ചത്. ലെജന്റ് ശരവണന്റെ സിനിമാ ശ്രമങ്ങൾക്കിടെ നടന്ന ഒരു സംഭവത്തെക്കുറിച്ച് അവതാരകൻ ചൂണ്ടിക്കാണിച്ചപ്പോഴാണ് ചെയ്യാറു ബാലു സംസാരിച്ചത്.

നയൻതാരയുടെ ഫ്ലാറ്റിന് മുന്നിൽ റോൾസ് റോയ്സിന്റെ കാർ എപ്പോഴുമുണ്ടാകും. ആ കാർ ആരുടേതാണെന്ന് ചിന്തിച്ചു. പിന്നീട് ഒരു കല്യണ ഫംങ്ഷനിൽ വെച്ച് ഇതേ കാർ കണ്ടു. ലെജൻഡ് ശരവണന്റെ കാറായിരുന്നു അത്. അദ്ദേഹം ഇടയ്ക്കി‌ടെ അവിടെ പോകുന്നതിനെക്കുറിച്ച് അഭ്യൂഹങ്ങൾ വന്നു. തന്റെ സിനിമയിൽ അഭിനയിക്കാൻ വേണ്ടിയാണ് നയൻതാരയെ ലെജൻഡ് ശരവണൻ സമീപിക്കുന്നതെന്ന് അന്ന് റിപ്പോർട്ടുകൾ വന്നിരുന്നെന്ന് അവതാരകൻ ചൂണ്ടിക്കാട്ടി.

ഇതേക്കുറിച്ച് ചെയ്യാറു ബാലു വിശദീകരിച്ചു. നയൻതാരയുടെ ഫ്ലാറ്റിന് മുമ്പിൽ ലെജന്റിന്റെ കാർ എന്നൊക്കെ വാർത്തകൾ അന്ന് വന്നിട്ടുണ്ട്. ആ അപ്പാർട്മെന്റുള്ള ഏരിയ വിവിഐപികളുടേതാണ്. അത്രയും സെക്യൂരിറ്റി സിസ്റ്റം ഉണ്ട്. ലെജന്റിന്റെ ആദ്യ സിനിമയിൽ നയൻതാര ജോഡിയായി അഭിനയിക്കണമെന്ന് അദ്ദേഹം ഭയങ്കരമായി ആ​ഗ്രഹിച്ചു. നയൻതാര വാങ്ങുന്നതിന്റെ രണ്ടിരട്ടി പ്രതിഫലം വാ​ഗ്ദാനം ചെയ്തു. പത്ത് കോടിയല്ല, നൂറ് കോ‌ടി തന്നാൽ പോലും ഞാൻ അഭിനയിക്കില്ലെന്ന് നയൻതാര പറഞ്ഞു.

ആ ദേഷ്യത്തിലാണ് ബോളിവുഡ് നടിയെ കൊണ്ട് വന്നതെന്ന് ചെയ്യാറു ബാലു പറയുന്നു. നയൻതാരയുടെ ഫ്ലാറ്റുള്ള സ്ഥലത്ത് ലെജന്റ് ശരവണനും ഫ്ലാറ്റുണ്ടെന്ന് ചെയ്യാറു ബാലു പറയുന്നു. ഇടയ്ക്കിടെ നടിയെ പോയിക്കണ്ട് സിനിമയുടെ കാര്യം സംസാരിക്കാൻ ബുദ്ധിമുട്ടുള്ളതിനാൽ ഒരു ഫ്ലാറ്റ് സ്വന്തമായി ലെജന്റ് വാങ്ങിയതായിരിക്കാമെന്നും ചെയ്യാർ ബാലു അഭിപ്രായപ്പെട്ടു.

നയൻതാര സിനിമ നിരസിച്ചതോടെ നടിയെ പോലെ തന്നെയുള്ള ഒരു നായികയെ അദ്ദേഹം തേടി. നയൻതാരയെ പോലെയുള്ള നടിക്കായി ഓഡിഷൻ വെച്ചു. എന്നാൽ ഉർവശി റാട്ട്വേലിനെയാണ് നായികയാക്കിയത്. ബോളിവുഡിൽ വലിയ ശമ്പളമൊന്നും വാങ്ങാത്ത നടിയാണ്. വലിയ തുക ഉർവശിക്ക് പ്രതിഫലമായി നൽകിയെന്നും ചെയ്യാർ ബാലു ചൂണ്ടിക്കാട്ടി.