സമയം കിട്ടുമ്പോൾ ഓഫീസിൽ വരൂ!! നയൻതാരയെ പിന്തുണച്ച രാധിക ചിന്മയിയോട് പറഞ്ഞത്...

ഗുരുതര ആരോപണവുമായി ചിൻമയി

രാധാ റവിയുടെ സ്ത്രീ വിരുദ്ധ നിലപാടുകൾക്കെതിരെ ആദ്യം ശബ്ദമുയർത്തി രംഗത്തെത്തിയത് ചിന്മായി ആയിരുന്നു. താരത്തിന്റെ വെളിപ്പെടുത്തലും ആരോപണവും വൻ വാർത്ത പ്രധാന്യം നേടിയിരുന്നു. രധാ രവിയ്ക്ക് എതിരെയുളള വെളിപ്പെടുത്തൽ ചിൻമയിയ്ക്ക് അത്ര സുഖകരമായിരുന്നില്ല. ഗായിക എന്നതിൽ ഉപരി ഡബ്ബിങ് ആർട്ടിസ്റ്റ് കൂടിയായിരുന്നു ഇവർ. സംഘടന തലവനായിരുന്നു രാധാ രവി ചിന്മയിയെ വിലക്കുകയായിരുന്നു.

നയൻതാരയെ അപമാനിച്ചു

മീ ടൂ ആരോപണങ്ങൾ ഒന്ന് ഒതുങ്ങി വന്നപ്പോഴായിരുന്നു നടി നയൻതാരയ്ക്കെതിരെ അധിക്ഷേപവുമായി നടൻ വീണ്ടും രംഗത്തെത്തിയത്. പൊതുവേദിയിലായിരുന്നു താരത്തെ മോശമായി ഭാഷയിൽ വിമർശിച്ചത്. നയൻസിനെ കൂടാതെ പൊള്ളാച്ചി പീഡനത്തിന് ഇരയായ സ്ത്രീകളോയും ഇയാൾ പൊതുനിരത്തിൽ പരിഹസിക്കുകയായിരുന്നു. ഇത് സിനിമ ലോകത്തിൽ മാത്രമല്ല രാഷ്ട്രരീയ സാംസ്കാരിക ലോകത്തിൽ തന്നെ ചരർച്ച വിഷയമായിരുന്നു. ‍ഡിഎംകെ ഇദ്ദേഹത്തിന് നൽകിയിരുന്ന പാർട്ടി പദവിയിൽ നിന്ന് താൽക്കാലികമായി ഒഴിവാക്കുകയായിരുന്നു. കൂടാതെ പ്രമുഖ നിർമാണ കമ്പനികളും ഇദ്ദേഹത്തെ കൈയൊഴിയുകയായിരുന്നു. ഇദ്ദേഹത്തിനോട് സിനിമ ചെയ്യില്ലെന്നും പല താരങ്ങളും അറിയിച്ചിട്ടുണ്ട്.

രാധികയോട് ചോദ്യവുമായി ചിന്മയി

രാധാ രവിയുടെ സഹോദരിയാണ് നടി രാധിക ശരത് കുമാർ. രാധികയോട് ഒരു ചോദ്യവുമായി ചിന്മയി രംഗത്തെത്തിയിരിക്കുകയാണ്. പ്രിയപ്പെട്ട രാധിക മാഡം, സിനിമാമേഖലയില്‍ വിജയം കൈവരിക്കാന്‍ നിങ്ങള്‍ ഒരുപാട് കഠിനാധ്വാനം ചെയ്ത ഒരു വ്യക്തിയാണ്.ശക്തരായ പുരുഷന്‍മാര്‍ സ്ത്രീകളെ പീഡിപ്പിക്കുന്നതിനെക്കുറിച്ചും തുടര്‍ന്ന് അവര്‍ അനുഭവിക്കുന്ന മാനസിക ആഘാതങ്ങളെക്കുറിച്ചും നിങ്ങള്‍ക്ക് അറിവുണ്ടായിരിക്കും. എന്നിട്ടും ഒരു സീരിയലില്‍ മീ ടൂ ക്യാമ്പയിനിനെ പുരുഷന്‍മാരെ ബ്ലാക്ക് മെയില്‍ ചെയ്യാന്‍ സ്ത്രീകള്‍ ഉപയോഗിക്കുന്ന തന്ത്രമാണെന്ന് തരത്തില്‍ എന്തുകൊണ്ട് പ്രചരിപ്പിക്കാൻ ശ്രമിക്കുന്നു എന്നും ചിന്മയി ചോദിക്കുന്നു.

ഓഫീസിൽ വന്നു കാണൂ ഉത്തരം നൽകാം

താൻ സിനിമയിൽ എത്തിയിട്ട് വർഷങ്ങളായി. എല്ലാവരുടേയും ഉന്നമനത്തിനായി പ്രവർത്തിക്കാറുണ്ട്. അത് ഇവിടെയുളള സ്ത്രീകൾക്കും അറിയാം. മീടുവിനെ കുറിച്ചുള്ള സീരിയൽ സംഭവത്തെ കുറിച്ച് അറിയണമെങ്കിൽ സമയം കിട്ടുകയാണെങ്കില്‍ എന്നെ എന്റെ ഓഫീസില്‍ വന്ന് കാണുക എന്ന് രാധിക മറുപടി പറഞ്ഞു.