അച്ഛന്റെയോ അമ്മയുടെ കൂടെയോ ആരുടെ കൂടെ പോവും? ധനുഷിന്റെ മകനോടുള്ള ചോദ്യത്തിന് ലഭിച്ച മറുപടിയിങ്ങനെ

സൂപ്പര്‍താരം രജനികാന്തിന്റെ മകളായ ഐശ്വര്യ 2004 ലാണ് ധനുഷിനെ വിവാഹം കഴിക്കുന്നത്. ഇരുവര്‍ക്കും യാത്ര, ലിംഗ എന്നിങ്ങനെ രണ്ട് ആണ്‍മക്കളാണുള്ളത്. ധനുഷും ഐശ്വര്യയും വേര്‍പിരിഞ്ഞതോട് കൂടി പതിനഞ്ചും പതിനൊന്നും വയസുള്ള മക്കളുടെ കാര്യം എന്താവുമെന്ന ചോദ്യവും ഉയര്‍്ന്ന് വന്നിരുന്നു. ധനുഷിന്റെയോ ഐശ്വര്യയുടെയോ ആരുടെ കൂടെ ആയിരിക്കും മക്കള്‍ പോവുക എന്നറിയാനും പലരും കാത്തിരിക്കുകയായിരുന്നു. ഇതിനിടെയിലാണ് മക്കളുടെ തന്നെ പ്രതികരണം പുറത്ത് വരുന്നത്.

അച്ഛനും അമ്മയും വേര്‍പിരിയാന്‍ തീരുമാനിച്ച സ്ഥിതിയ്ക്ക് നിങ്ങള്‍ ആരുടെ കൂടെയാണ് താമസിക്കുന്നത് എന്ന് മൂത്തമകനോട് കുടുംബാംഗങ്ങളില്‍ ഒരാള്‍ ചോദിച്ചിരുന്നു. 'ഈ ചോദ്യം ധനുഷിനോടും ഐശ്വര്യയോടും ചോദിച്ചാല്‍ എന്ത് മറുപടിയാണോ കിട്ടുക, അത് തന്നെയാണ് എനിക്കും പറയാനുള്ളത് എന്നായിരുന്നു മകന്‍ യാത്രയുടെ മറുപടി എന്നാണ് പ്രചരിക്കുന്ന റിപ്പോര്‍ട്ടുകളില്‍ പറയുന്നത്. എന്തായാലും ശക്തമായ തീരുമാനങ്ങളെടുക്കാന്‍ താരപുത്രന്മാര്‍ വളര്‍ന്നു എന്നത് ഇതില്‍ നിന്നും വ്യക്തമാവുകയാണ്. മാത്രമല്ല, ഒറ്റയടിക്ക് വിമർശകരുടെയൊക്കെ വായടപ്പിക്കുന്ന മറുപടിയാണ് താരപുത്രൻ്റെ ഭാഗത്ത് നിന്ന് ചോദ്യമായി വന്നിരിക്കുന്നത്. ഒപ്പം ഇത്തരം അന്വേഷങ്ങൾക്ക് മുതിരേണ്ടതില്ലെന്ന മുന്നറിയിപ്പ് കൂടി നൽകുകയാണ്.

ഒരാഴ്ച മുന്‍പാണ് പതിനെട്ട് വര്‍ഷത്തോളം നീണ്ട ദാമ്പത്യ ജീവിതം അവസാനിപ്പിക്കുകയാണെന്ന് ധനുഷും ഐശ്വര്യയും പ്രഖ്യാപിച്ചത്. ഏറെ കാലത്തെ പ്രണയത്തിനൊടുവില്‍ വിവാഹിതരായ താരങ്ങള്‍ സന്തുഷ്ട കുടുംബജീവിതം നയിച്ച് വരികയായിരുന്നു. ഇടയ്ക്ക് ധനുഷിനെ സംബന്ധിച്ച് പല ഗോസിപ്പുകള്‍ പ്രചരിച്ചിരുന്നെങ്കിലും അന്നൊക്കെ പിന്തുണ നല്‍കി കൂടെ നിന്നത് ഐശ്വര്യയാണ്. പെട്ടെന്ന് ഇരുവര്‍ക്കുമിടയില്‍ എന്താണ് പ്രശ്‌നമുണ്ടായതെന്ന ചോദ്യം ഉയര്‍ന്ന് വന്നു കൊണ്ടിരിക്കുകയാണ്.

Recommended Video

Dhanush, Wife Aishwaryaa Separate After 18 Years Of Togetherness | FilmiBeat Malayalam

നിലവില്‍ രണ്ടാളും ഹൈദരാബാദിലെ ഒരു ഹോട്ടലില്‍ ആണുള്ളത്. ധനുഷ് സിനിമാ സംബന്ധമായ തിരക്കുകളിലും ഐശ്വര്യയും സമാനമായ രീതിയില്‍ തിരക്കിലായത് കൊണ്ടുമാണ് ഹൈദരബാദിലേക്ക് പോയതെന്നാണ് അറിയുന്നത്. മകളുടെ ദാമ്പത്യ ജീവിതത്തിലെ പ്രശ്‌നം പരിഹരിക്കാന്‍ രജനികാന്തും ശ്രമിക്കുന്നതായിട്ടാണ് വിവരം. എന്തായാലും താരങ്ങൾ ശത്രുക്കളെ പോലെയല്ല പിരിഞ്ഞതെന്നും മക്കൾക്ക് വേണ്ടിയും അല്ലാതെയും എന്തിനും ഒരുമിച്ച് തന്നെ ഉണ്ടായിരിക്കും എന്നും അടുത്ത വൃത്തങ്ങൾ സൂചിപ്പിച്ചിട്ടുണ്ട്. മാത്രമല്ല താരങ്ങളെ ഇനിയും ഒരുമിപ്പിക്കാനുള്ള ശ്രമങ്ങളും നടക്കുന്നതായിട്ടും അറിയുന്നു.