സ്ത്രീകള്‍ക്കെതിരായ അതിക്രമങ്ങളില്‍ പുരുഷന്‍മാരെ മാത്രം കുറ്റപ്പെടുത്താന്‍ സാധിക്കില്ല: ഭാഗ്യരാജ്

എല്ലായ്‌പ്പോഴും ആണ്‍കുട്ടികളെ മാത്രം കുറ്റപ്പെടുത്താന്‍ സാധിക്കില്ല. ഒരു സ്ത്രീക്ക് അന്യായം സംഭവിക്കുന്നത് അവര്‍ അതിന് അനുവദിക്കുമ്പോഴാണ്. താനൊരു കൂട്ടു കുടുംബ വ്യവസ്ഥയില്‍ നിന്ന് വന്ന വ്യക്തിയായതുകൊണ്ട് എന്റെ സിനിമകളില്‍ സ്ത്രീകള്‍ക്ക് വലിയ പ്രാധാന്യം നല്‍കാറുണ്ട്. മുന്‍പ് സ്ത്രീകള്‍ക്ക് ചില നിയന്ത്രണങ്ങള്‍ ഉണ്ടായിരുന്നെങ്കിലും ഇപ്പോള്‍ ടെലിഫോണ്‍ വ്യാപകമായതോടെ ആ നിയന്ത്രണങ്ങള്‍ ഇല്ലാതായി.

മൊബൈല്‍ ഫോണുകളുടെ വരവോടെ സ്ത്രീകള്‍ക്ക് ആത്മനിയന്ത്രണം നഷ്ടപ്പെട്ടിരിക്കുകയാണ്. എപ്പോഴുേം ഫോണ്‍ ചെവിയില്‍ വെച്ചാണ് നടത്തം. സ്ത്രീകള്‍ക്ക് അവരെ ആവശ്യമുളളവരെ വിളിക്കാനും മെസേജ് അയക്കാനും മൊബൈല്‍ ഫോണുകളുടെ ഉപയോഗത്തിലൂടെ അവസരമുണ്ടാകുന്നു, സ്ത്രീകള്‍ തെറ്റുകള്‍ സംഭവിക്കാന്‍ അനുവദിക്കുന്ന ഒരു സാഹചര്യം സൃഷ്ടിക്കുന്നു. നിങ്ങള്‍ സ്ത്രീകള്‍ ശരിയായി പെരുമാറി കഴിഞ്ഞാല്‍ കാര്യങ്ങള്‍ ശരിയാകും.

നിങ്ങള്‍ക്ക് എല്ലായ്‌പ്പോഴും ആണ്‍കുട്ടികളെ കുറ്റപ്പെടുത്താന്‍ കഴിയില്ല. ഭാഗ്യരാജ് പറയുന്നു. പൊളളാച്ചി കൂട്ടബലാത്സംഗ കേസിനെക്കുറിച്ചും ചടങ്ങില്‍ ഭാഗ്യരാജ് സംസാരിച്ചിരുന്നു. ആ കേസില്‍ ആണ്‍കുട്ടികള്‍ മാത്രമല്ല കുറ്റക്കാര്‍, പെണ്‍കുട്ടികളുടെ ദൗര്‍ബല്യത്തെ ചൂഷണം ചെയ്താണ് ആണ്‍കുട്ടികള്‍ കുറ്റകൃത്യം നടത്തിയിരിക്കുന്നത്. അതിന് പെണ്‍കുട്ടികളാണ് അവസരമുണ്ടാക്കി കൊടുത്തിരിക്കുന്നത്. സ്ത്രീകള്‍ക്ക് അവസരമുണ്ടാക്കി കൊടുക്കുന്നത് കൊണ്ടാണ് പുരുഷന്മാര്‍ തെറ്റ് ചെയ്യുന്നതെന്നും ഭാഗ്യരാജ് ചടങ്ങില്‍ സംസാരിക്കവേ പറഞ്ഞു.

പരസ്ത്രീ പരപുരുഷ ബന്ധത്തെക്കുറിച്ചും ചടങ്ങില്‍ ഭാഗ്യരാജ് സംസാരിച്ചിരുന്നു. ഒന്നിലധികം സ്ത്രീകളുമായുളള ബന്ധം കൈകാര്യം ചെയ്യാന്‍ ഒരു പുരുഷന്‍ വൈകാരികപരമായി സജ്ജനാണെന്നും അതേസമയം സ്ത്രീകള്‍ക്ക് ഒന്നിലധികം പങ്കാളികളെ ഒന്നിച്ച് കൈകാര്യം ചെയ്തു കൊണ്ടുപോവാന്‍ കഴിയില്ലെന്നും ഭാഗ്യരാജ് പറഞ്ഞു. ഭാര്യാ ഭര്‍ത്താവിനെയും കുഞ്ഞിനെയും കൊന്നതിന് ശേഷം കാമുകനൊപ്പം പോയെന്ന വാര്‍ത്തകള്‍ നമ്മള്‍ പത്രങ്ങളില്‍ വായിക്കാറില്ലേ സ്ത്രീകള്‍ സ്വയം നിയന്ത്രിക്കേണ്ടതുണ്ടെന്നും അവര്‍ സ്വയം ഒരു പരിധി പാലിക്കണമെന്നും ചടങ്ങില്‍ ഭാഗ്യരാജ് പറഞ്ഞു.