ഹൃത്വിക് റോഷൻ തെന്നിന്ത്യൻ സിനിമയിലേയ്ക്ക്!! ആദ്യ ചിത്രം അന്ന് നിഷേധിച്ച് ആ സംവിധായകന്റെ...

ശങ്കർ ചിത്രം

ശങ്കർ ചിത്രത്തിലൂടെയാണ് താരത്തിന്റെ എൻട്രി. കമൽ ഹാസൻ-ശങ്കർ കൂട്ട്കെട്ടിൽ പിറക്കുന്ന ബിഗ് ബഡ്ജറ്റ് ചിത്രം ഇന്ത്യൻ 2 ന് ശേഷമാകും ഈ ചിത്രത്തിന്റെ ഷൂട്ടിങ് നടക്കുക. ഇതുമായി ബന്ധപ്പെട്ടിട്ടുള്ള ചർച്ചയുടെ അവസാന ഘട്ടത്തിലാണ്. ഹൃത്വികിനെ നായകനാക്കി സയൻസ് ഫിക്ഷൻ ചിത്രമാണ് ശങ്കർ ഒരുക്കുന്നത്. മറ്റു വിവരങ്ങളൊന്നു പുറത്ത് വന്നിട്ടില്ല.

ഐയിൽ നടക്കാതെ പോയത്

തെന്നിന്ത്യൻ സിനിമ ചരിത്രത്തിൽ ശ്രദ്ധിക്കപ്പെട്ട ഒരു ചിത്രമായിരുന്നു ശങ്കർ- വിക്രം കൂട്ട്കെട്ടിൽ പിറന്ന ഐ. തെന്നിന്ത്യയിൽ മാത്രമല്ല ബോളിവുഡിലും ചിത്രം ശ്രദ്ധിക്കപ്പെട്ടിരുന്നു. മികച്ച പ്രകടനമായിരുന്നു ഐ യിൽ വിക്രം കാഴ്ചവെച്ചത്. എന്നാൽ ഈ ചിത്രത്തിലേയ്ക്ക് ശങ്കർ ആദ്യം പരിഗണിച്ചത് ഹൃത്വിക് റോഷനെയായിരുന്നു. എന്നാൽ താരം ആ വേഷം നിരസ്സിക്കുകയായിരുന്നു. ആ അവസരത്തിലാണ് ഐ വിക്രമിന്റെ കൈകളിൽ എത്തുന്നത്. ഇതിനു മുൻപ് ഇത്തരത്തിലുളള ചലഞ്ചിങ്ങായിട്ടുള്ള കഥാപാത്രങ്ങൾ വിക്രം അഭിനയിച്ച കയ്യടി നേടിയിട്ടുണ്ട്.

ഇന്ത്യ 2

വർഷങ്ങൾക്ക് ശേഷമാണ് കമൽ ഹാസനും- ശങ്കറും വീണ്ടും ഒന്നിക്കുന്നത്. അതിനാൽ തന്നെ പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ചിത്രമാണ് ഇന്ത്യൻ 2. പൊങ്കലിനോട് അനുബന്ധിച്ച് ചിത്രത്തിന്റെ ഷൂട്ടിങ് താൽക്കാലിതമായി നിർത്തിവെച്ചിരിക്കുകയാണ്. പെങ്കലിനു ശേഷം ഇതു വീണ്ടും ആരംഭിക്കുന്നതായിരിക്കും. ഇന്ത്യയ്ക്ക് യുക്രൈന്‍ തായ്‌വാന്‍ എന്നിവിടങ്ങളില്‍ സിനിമയുടെ ചിത്രീകരണം നടക്കുമെന്നാണ് ഇപ്പോള്‍ വരുന്ന റിപ്പോര്‍ട്ടുകൾ.

രണ്ടാം ഭാഗം

1996 ൽ പുറത്തു വന്ന ഇന്ത്യന്റെ രണ്ടാം ഭാഗമാണ് വർഷങ്ങൾക്ക് ശേഷം പുറത്തു വരുന്നത്. കമൽ ഹാസൻ, മനീഷ കെയ് രാള, ഊർമിള മണ്ഡോത്കർ എന്നിവരാണ് കേന്ദ്ര കഥാപാത്രങ്ങളിൽ എത്തിയത്. അതിന്റെ രണ്ടാം ഭാഗമാണ് ഇപ്പോൾ അണിയറി ഒരുങ്ങുന്നത്. കാജൽ അഗർവാളാണ് കമലിന്റെ നായികയായി എത്തുന്നത്. കഥാപാത്രത്തിനായി താരം കളരി അഭ്യസിക്കുന്നുവെന്നുള്ള റിപ്പോർട്ടുകൾ ഉണ്ടായിരുന്നു.