രാജകുമാരി മുതല്‍ ലൈംഗിക തൊഴിലാളി വരെ ആയ നടി; ഇനിയോ...?

രാജകുമാരിയായി തമിഴ് സിനിമയില്‍ എത്തി

രാം ഗോപാല്‍ വര്‍മ സംവിധാനം ചെയ്ത സത്യ2 എന്ന ചിത്രത്തിലൂടെയാണ് അനൈകയുടെ അഭിനയാരങ്ങേറ്റം. വസന്തബാലന്‍ സംവിധാനം ചെയ്ത കാവ്യതലൈവ എന്ന ചിത്രത്തിലൂടെ തമിഴ് സിനിമയില്‍ എത്തി. ഒരു രാജകുമാരിയുടെ വേഷമായിരുന്നു ചിത്രത്തില്‍

ലൈംഗിക തൊഴിലാളിയായി അടുത്ത ചിത്രം

രാജകുമാരിയായി കാവ്യ തലൈവയില്‍ അഭിനയിച്ച അനൈകയ്ക്ക് തൊട്ടടുത്ത ചിത്രത്തില്‍ കിട്ടിയ വേഷം ലൈംഗിക തൊഴിലാളിയുടേതാണ്. അതര്‍വ നായകനായി എത്തുന്ന ചിത്രത്തിന്റെ പേര് സെമ്മ ബോധയാകത് എന്നാണ്. ചിത്രം റിലീസിങ് ഘട്ടത്തിലാണ്.

മാധ്യമപ്രവര്‍ത്തകയായി മൂന്നാമത്തെ ചിത്രം

തമിഴില്‍ അനൈക ചെയ്യുന്ന മൂന്നാമത്തെ ചിത്രമാണ് കീ. മുന്നെ ചെയ്ത മറ്റ് രണ്ട് ചിത്രങ്ങളില്‍ നിന്നും വ്യത്യസ്തമായി ഒരു മാധ്യമപ്രവര്‍ത്തകയായിട്ടാണ് അനൈക ചിത്രത്തിലെത്തുന്നത്. കരിയറിന്റെ തുടക്കത്തില്‍ ഇത്തരം വ്യത്യസ്ത വേഷങ്ങള്‍ ലഭിയ്ക്കുന്നതില്‍ സന്തോഷമുണ്ടെന്ന് നടി പറയുന്നു.

എനിക്ക് ലഭിയ്ക്കുന്ന സുന്ദരന്മാരായ നായകന്മാര്‍

ലഭിയ്ക്കുന്ന നായകന്മാരുടെ കാര്യത്തിലും താന്‍ ഭാഗ്യവതിയാണെന്ന് അനൈക പറയുന്നു. സുന്ദരന്മാരായ നായകന്മാരെയാണ് എനിക്ക് ലഭിയ്ക്കുന്നത്. ആദ്യ ചിത്രത്തില്‍ സിദ്ധാര്‍ത്ഥായിരുന്നു നായകന്‍. പിന്നെ അതര്‍വ, ഇപ്പോള്‍ ജീവ. എല്ലാവരും ഒന്നിനൊന്ന് മെച്ചമാണെന്നും നടി പറഞ്ഞു.