ഇത്രയും വര്‍ഷം ഒരുമിച്ച് ജീവിച്ചിട്ടും വേര്‍പിരിഞ്ഞു; ധനുഷും ഐശ്വര്യയും മാതൃകയാവുന്നത് മക്കളുടെ കാര്യത്തിലാണ്

കരിയറിലും മറ്റുമായി ഐശ്വര്യയും ധനുഷും ഒരുപോലെ തിരക്കിലായിരിക്കും. എന്നാല്‍ ഒരാള്‍ തിരക്കിലാവുമ്പോള്‍ മറ്റൊരാള്‍ കുട്ടികളുടെ കൂടെ ഉണ്ടായിരിക്കുമെന്ന് താരങ്ങള്‍ നേരത്തെ തീരുമാനിച്ചിരുന്നു. അത്തരം കാര്യങ്ങള്‍ പരസ്പരം സംസാരിക്കുകയും തീരുമാനിക്കുകയുമൊക്കെ ചെയ്യാറുണ്ട്. അടുത്തിടെ ഐശ്വര്യയ്ക്ക് കൊവിഡും അതിന് പിന്നാലെ വൈറല്‍ പനിയും വന്ന് ആശുപത്രിയില്‍ പ്രവേശിപ്പിക്കപ്പെട്ടിരുന്നു. ഈ ദിവസങ്ങളില്‍ മക്കള്‍ ധനുഷിനൊപ്പമാണ് താമസിച്ചത്.

ഊട്ടിയിലെ ഷൂട്ടിങ്ങിലായിരുന്നെങ്കിലും നടന്‍ അവരെ കൂടെ കൂട്ടുകായയിരുന്നു. മക്കള്‍ക്ക് വേണ്ടി സമയം ചിലവഴിക്കുന്നതിന് വേണ്ടി മാതാപിതാക്കള്‍ എന്നും കൂടെ ഉണ്ടാവുമെന്നും അതിനുള്ള വിട്ടുവീഴ്ചകള്‍ക്ക് ധനുഷും ഐശ്വര്യയും തയ്യാറാണെന്നാണ് പുതിയ റിപ്പോര്‍ട്ടുകള്‍. 2004 ല്‍ വിവാഹിതരായ ധനുഷും ഐശ്വര്യയും പതിനെട്ട് വര്‍ഷത്തോളം ഒരുമിച്ച് ജീവിച്ചതിന് ശേഷമാണ് വേര്‍പിരിയുന്നത്. ഇക്കഴിഞ്ഞ ജനുവരി പതിനേഴിനാണ് ഭാര്യ-ഭര്‍ത്താക്കന്മാര്‍ എന്ന റോളില്‍ നിന്നും മാറി നില്‍ക്കുകയാണെന്ന് താരങ്ങള്‍ പുറംലോകത്തോട് പറഞ്ഞത്. എന്നാല്‍ ഇത് വെറും കുടുംബവഴക്കിലൂടെ ഉണ്ടായ വേര്‍പിരിയലാണെന്നും മറ്റ് പ്രശ്‌നങ്ങളൊന്നും ഇല്ലെന്നുമാണ് ധനുഷിന്റെ പിതാവും പ്രശസ്ത നിര്‍മാതാവുമായ കസ്തൂരി രാജ പറഞ്ഞത്.

സാധാരണ ഭാര്യ-ഭര്‍ത്താക്കന്മാര്‍ക്കിടയില്‍ ഉണ്ടാവുന്ന കുടുംബവഴക്കുകള്‍ മാത്രമേ ധനുഷിനും ഐശ്വര്യയ്ക്കും ഇടയിലുള്ളു. അതുകൊണ്ട് എല്ലാം അവസാനിക്കും എന്നൊന്നും വിചാരിക്കേണ്ടതില്ല. ഞാന്‍ രണ്ട് പേരെയും ഫോണില്‍ വിളിച്ച് സംസാരിക്കുകയും അവരെ ഉപദേശിക്കുകയും ചെയ്തിട്ടുണ്ടെന്നും കസ്തൂരി രാജ വെളിപ്പെടുത്തി. അതേ സമയം വിവാഹശേഷം നടന്റെ തിരക്കുകളാണ് ഇതിനൊക്കെ കാരണമെന്നാണ് ചില ആരോപണങ്ങള്‍.

Recommended Video

Dhanush, Wife Aishwaryaa Separate After 18 Years Of Togetherness | FilmiBeat Malayalam

വര്‍ക്കിന്റെ കാര്യത്തില്‍ വിട്ട് വീഴ്ചകളൊന്നും ഇല്ലാത്ത ആളാണ് ധനുഷ്. അത് കുടുംബ ജീവിതത്തെ ബാധിച്ചുവെന്നാണ് ചില റിപ്പോര്‍ട്ടുകള്‍. മറ്റ് എന്തിനെക്കാളും അഭിനയത്തിനാണ് അദ്ദേഹം പ്രധാന്യം കൊടുക്കുന്നത് ധനുഷിനെ അറിയുന്ന എല്ലാവര്‍ക്കും അറിയാം. സിനിമയുടെ ഭാഗമായി പല രാജ്യങ്ങളിലേക്കും പുറത്തേക്കുമൊക്കെയുള്ള യാത്രയും ഷൂട്ടിങ്ങുമൊക്കെ അദ്ദേഹത്തിന്റെ ദാമ്പത്യ ജീവിതത്തിലെ പ്രശ്‌നങ്ങള്‍ക്ക് വഴിയൊരുക്കി. വേര്‍പിരിഞ്ഞെങ്കിലും പരസ്പരം നല്‍കുന്ന ബഹുമാനം മതിയാവും മുന്നോട്ടും ഇതുപോലെ പോകാന്‍ എന്നാണ് ആരാധകരുടെ അഭിപ്രായം.