അമ്മയുടെ റൊമാന്റിക് സീനുകൾ കാണുമ്പോൾ വല്ലാതാകും!! ഖുശ്ബുവിന്റെ സിനിമകൾ കാണാത്തതിനെ കുറിച്ച് മകൾ

എല്ലാവരും ചീത്ത പറയാറുണ്ട്

അമ്മ അഭിനയിക്കുന്ന ചിത്രങ്ങൾ കണ്ടിട്ടില്ലേ എന്ന് എല്ലാവരും ചോദിക്കാറുണ്ട്. എന്നാൽ ഇല്ലെന്ന് പറയുമ്പോൾ എല്ലാവരും എന്നെ ചീത്ത പറയാറാണ് പതിവ്. നടി എന്നതിലുപരി അവർ എനിയ്ക്ക് അമ്മയാണ്. അതിനാൽ തന്നെ സിനിമയിലെ അഭിനയം തനിയ്ക്ക് അംഗീകരിക്കാൻ കഴിയില്ലെന്നും അനന്ദിത സുന്ദർ വ്യക്തമാക്കി. നടനും സംവിധായകനുമായ സുന്ദറിന്റേയും ഖുശ്ബുവിന്റേയും ഇളയമകളാണ് അനന്ദിത.

ഖുശ്ബുവിന്റേയും കമൽഹാസന്റേയും റൊമാൻസ്

അമ്മ അഭിനയിച്ച ചിത്രങ്ങളായ മുറൈമാമൻ, മൈക്കിൾ മദന കാമരാജൻ എന്നീ ചിത്രങ്ങള‍ താൻ കണ്ടിട്ടുണ്ട്. മൈക്കിൾ മദനനിൽ അമ്മയും കമൽഹാസനുമായിട്ടുളള റൊമാന്റിക് രംഗമുണ്ട്. അതു കാണുമ്പോൾ വല്ലാത്ത ബുദ്ധിമുട്ട് അനുഭവപ്പെടാറുണ്ട്. താൻ അങ്കിൾ എന്ന് വിളിക്കുന്ന ആളല്ലേ അത്. തനിയ്ക്ക് ഇതൊന്നും കാണാൻ കഴിയില്ലെന്ന് പറഞ്ഞ് അവിടെ നിന്ന് എഴുന്നേറ്റ് പോകുകയും ചെയ്യും.

എന്നാൽ അച്ഛന്റെ കാര്യം അങ്ങനെയല്ല

എന്നാൽ അച്ഛന്റേ കാര്യത്തിൽ തനിയ്ക്ക് അങ്ങനെയല്ലെന്നും അനന്ദിത പറഞ്ഞു. അച്ഛൻ അഭിനയിക്കുമ്പോൾ അത് കേവലം ഒരു കഥാപാത്രം മാത്രമാണ്. എന്നാൽ അമ്മയുടെ കാര്യത്തിൽ അങ്ങനെ ചിന്തിക്കാൻ കഴിയില്ലെന്നും താരപുത്രി പറഞ്ഞു. അമ്മ ഏതെങ്കിലും സീരിയലിലോ മറ്റോ തെറ്റായ എന്തെങ്കിലും പറയുകയോ ദേഷ്യപ്പെടുകയോ ചെയ്താൽ അത് തെയ്യുന്നത് അമ്മയായിട്ടേ എനിയ്ക്ക് തോന്നുകയുളളൂ. അതു കൊണ്ട് തന്നെ അമ്മയുടെ സിനിമയും സീരിയലുകളും കാണാറില്ല.

കേൾക്കേണ്ടി വരുന്ന വിമർശനം

താരപുത്രിയായതിന്റെ പേരിൽ ഒരുപാട് വിമർശനങ്ങൾ കേൾക്കേണ്ടി വന്നിട്ടുണ്ടെന്നും അനന്ദിത പറഞ്ഞു. താൻ പുറത്തു പോകുമ്പോൾ ആളുകൾ വന്നു പറയാറുണ്ട് ഞാൻ നിങ്ങളുടെ അമ്മയുടെ വലിയ ഫാനാണ്, ഒരു ഫോട്ടോ എടുത്തോട്ടെ എന്നൊക്കെ ചോദിക്കാറുണ്ട്. എന്നോട് സമ്മതം ചോദിച്ചിട്ട് ചിത്രം എടുക്കുന്നതിൽ തനിയ്ക്ക് ഒരു തരത്തിലുമുള്ള പ്രശ്നവുമില്ല. പക്ഷെ ഞാൻ അറിയാതെ ചിത്രമെടുക്കുന്നത് തനിയ്ക്ക് ഇഷ്ടമല്ലെന്നും താര പുത്രി പറഞ്ഞു.

തന്റെ ജീവിതം

ഫോട്ടോ എടുക്കാൻ അനുവാദം തന്നാൽ മാത്രം എടുക്കുക. ഇല്ലെങ്കിൽ വിട്ട് കളയുക. കാരണം തനിയ്ക്കും ഒരു ജീവിതമുണ്ട്. തന്നോട് അനുവാദം ചോദിക്കാതെ ഫേട്ടോ എടുക്കുമ്പോൾ താൻ വേണ്ടെന്ന് പറഞ്ഞാൽ, നിന്റെ അമ്മയും അച്ഛനും ഇന്ന് ഈ നിലയിൽ എത്തിയത് ഞങ്ങൾ ഫാൻസ് ഉള്ളതു കൊണ്ട് മാത്രമാണ്, എന്നിട്ടാണോ ഇവൾ ഇങ്ങനെ ചെയ്യുന്നത് എന്ന് പറഞ്ഞ് വിമർശിക്കാറുണ്ട്. അത് ശരിയായ ഒരു പ്രവണത അല്ലെന്നും അനന്ദിത പറയുന്നു.