അവളെ സന്തോഷിപ്പിക്കാന്‍ വേണ്ടി നല്‍കിയ ചുംബനം.. ചീത്തപ്പേരുണ്ടായതിനെക്കുറിച്ച് തുറന്നുപറച്ചില്‍!

ഓവിയയെ ഒഴിവാക്കാന്‍ ശ്രമിച്ചിരുന്നില്ല

മികച്ച വ്യക്തിത്വത്തിനുടമയാണ് ഓവിയ. മറ്റുള്ളവരെ അധിക്ഷേപിക്കുന്ന രീതിയില്‍ താരം പെരുമാറാന്‍ തുടങ്ങിയപ്പോഴാണ് പ്രശ്‌നങ്ങള്‍ തുടങ്ങിയതെന്നും ആരവ് പറയുന്നു. പ്രശസ്ത മാധ്യമത്തിന് നല്‍കിയ അഭിമുഖത്തിനിടയിലാണ് ആരവ് കാര്യങ്ങള്‍ വ്യക്തമാക്കിയത്.

ആരാധകരെക്കുറിച്ച് മനസ്സിലായത്

ഓവിയയുടെ പെരുമാറ്റത്തിലുണ്ടായ മാറ്റമാണ് പരിപാടിയില്‍ നിന്നും പുറത്താക്കുന്നതിലേക്ക് വഴി തെളിയിച്ചത്. ഓവിയ പുറത്തായപ്പോഴാണ് അവരുടെ ആരാധകരെക്കുറിച്ച് മനസ്സിലാക്കിയതെന്നും ആരവ് പറയുന്നു.

ബഹളത്തിന് കാരണം

തന്നെച്ചൊല്ലിയാണ് ബഹളങ്ങളുണ്ടായത്. എത്രയും പെട്ടെന്ന് പരിപാടിയില്‍ നിന്നും പുറത്തുപോയാല്‍ മതിയെന്ന ആഗ്രഹത്തിലായിരുന്നു അന്ന്. തന്നെച്ചൊല്ലിയുള്ള വാഗ്വാദങ്ങള്‍ ഏറെ അസ്വസ്ഥനാക്കിയിരുന്നു.

ചുംബനത്തിലൂടെ ലഭിച്ച ചീത്തപ്പേര്

അവളെ സന്തോഷിപ്പിക്കാന്‍ വേണ്ടി നല്‍കിയ ചുംബനത്തിലൂടെയാണ് തനിക്ക് ചീത്തപ്പേര് ലഭിച്ചത്. അതില്‍ പ്രശ്‌നമൊന്നും തോന്നുന്നില്ലെന്നും ആരവ് പറയുന്നു. അവളുടെ സന്തോഷത്തിനായിരുന്നു പ്രാധാന്യം നല്‍കിയത്.

വിജയിച്ചതിന് കാരണം

ഓവിയ കാരണമാണ് താന്‍ വിജയിച്ചതെന്ന തരത്തില്‍ ചിലര്‍ പ്രസ്താവന ഇറക്കിയത് ശ്രദ്ധയില്‍പ്പെട്ടിരുന്നു. എന്നാല്‍ അത് തന്നെ സന്തോഷിപ്പിക്കുന്നു. വിമര്‍ശനങ്ങളെ പോസിറ്റീവായാണ് സമീപിക്കുന്നത്.

ആരവിനോടുള്ള പ്രണയം

ആരവുമായി പ്രണയത്തിലാണെന്നും ആ ഇഷ്ടം നിയന്ത്രിക്കാന്‍ കഴിയാത്തതിനാലാണ് താന്‍ പരിപാടിയില്‍ നിന്നും പിന്‍വാങ്ങുന്നതെന്നും ഓവിയ വ്യക്തമാക്കിയിരുന്നു.

മലയാളത്തിലൂടെ തുടക്കം

2007 ല്‍ പുറത്തിറങ്ങിയ പൃഥ്വിരാജ് ചിത്രം കങ്കാരുവിലൂടെ സിനിമയില്‍ അരങ്ങേറ്റം കുറിച്ച ഓവിയ അഞ്ചോളം മലയാള ചിത്രങ്ങളില്‍ അഭിനയിച്ചിട്ടുണ്ട്. തമിഴില്‍ 14 ചിത്രങ്ങളിലും അഭിനയിച്ചു കഴിഞ്ഞു. അപൂര്‍വ, പുതിയ മുഖം, മനുഷ്യമൃഗം എന്നിവയിലും വേഷമിട്ടെങ്കിലുംമലയാളത്തില്‍ വേണ്ടത്ര ശ്രദ്ധ നേടാനായില്ല.