വിവാഹത്തിന് മുന്‍പ് താമസവും തുടങ്ങി; നടന്‍ ചിമ്പുവും നടി നിധി അഗര്‍വാളും ഉടനെ വിവാഹിതരാവുമെന്ന് റിപ്പോര്‍ട്ട്

കഴിഞ്ഞ വര്‍ഷം ചിമ്പു എന്തായാലും വിവാഹം കഴിച്ചേക്കും എന്ന തരത്തിലായിരുന്നു പ്രവചനങ്ങള്‍. തൃഷയുമായി രണ്ടാമതും പ്രണയം തുടങ്ങിയെന്ന തരത്തിലും റിപ്പോര്‍ട്ടുകള്‍ പ്രചരിച്ചു. എന്നിരുന്നാലും ആ ബന്ധങ്ങളൊന്നും അധികകാലം നീണ്ട് നിന്നില്ല. ഇപ്പോള്‍ തെന്നിന്ത്യന്‍ നടി നിധി അഗര്‍വാളും ചിമ്പുവും തമ്മില്‍ പ്രണയത്തിലാണെന്നാണ് വിവരം. നായകി-നായകന്മാരായി ഒന്നിച്ച് അഭിനയിച്ചപ്പോള്‍ തുടങ്ങിയ സൗഹൃദമാണെന്നും ആലോചിച്ചപ്പോള്‍ നല്ലതായി തോന്നിയെന്നുമൊക്കെ വാര്‍ത്തകളില്‍ പറയുന്നു.

2020 ലെ ലോക്ഡൗണില്‍ ചിത്രീകരിച്ച് 2021 ജനുവരിയില്‍ റിലീസ് ചെയ്ത ചിമ്പുവിന്റെ സിനിമയാണ് 'ഈശ്വരന്‍'. സുശീന്ദ്രന്‍ സംവിധാനം ചെയ്ത ഫാമിലി ആക്ഷന്‍ ഡ്രാമ ചിത്രത്തില്‍ നടി നിധി അഗര്‍വാള്‍ ആയിരുന്നു ചിമ്പുവിന്റെ നായികയായി എത്തിയത്. ഈ സിനിമയുടെ ചിത്രീകരണത്തിനിടെയില്‍ ചിമ്പുവും നിധിയും തമ്മില്‍ പ്രണയത്തിലായതെന്നും ഏകദേശം രണ്ട് വര്‍ഷത്തോളമായി ഇരുവരും തമ്മില്‍ പ്രണയത്തിലായിരുന്നു എന്നുമുള്ള റിപ്പോര്‍ട്ടുകളാണ് ഇപ്പോള്‍ പ്രചരിക്കുന്നത്.

പ്രണയം എന്നതിന് പുറമേ ചെന്നൈയിലുള്ള വീട്ടില്‍ ഇരുവരും ഒരുമിച്ചാണ് താമസിക്കുന്നതെന്നും ഉടന്‍ വിവാഹിതരാകാന്‍ പദ്ധതിയിടുന്നതായും പുറത്ത് വന്ന റിപ്പോര്‍ട്ടില്‍ പറയുന്നു. അതേ സമയം ചിമ്പുവോ നിധിയോ അവരുടെ കുടുംബമോ ഇതുവരെ വാര്‍ത്തകളിലെ സത്യമെന്താണെന്ന് വെളിപ്പെടുത്തിയിട്ടില്ല. മുന്‍പും താരത്തിന്റെ പേരില്‍ പ്രചരിച്ച ഗോസിപ്പുകള്‍ മാത്രമായി ഇത് ചുരുങ്ങി പോവുമോ എന്ന കാര്യം വ്യക്തമല്ല. എന്നിരുന്നാലും താരവിവാഹം വൈകാതെ ഉണ്ടാവുമെന്ന പ്രതീക്ഷയിലാണ് ആരാധകര്‍.

Recommended Video

ആരാധകര്‍ക്ക് കൊറോണ വന്നാലും വിജയ്ക്കും ചിമ്പുവിനും കുഴപ്പമില്ല

മാനാട് എന്ന സിനിമയാണ് ഏറ്റവുമൊടുവില്‍ ചിമ്പുവിന്റേതായി പുറത്ത് ഇറങ്ങിയത്. 'വെന്ത് തനിന്തത് കാട്' ആണ് ഉടനെ വരാനിരിക്കുന്ന ചിമ്പുവിന്റെ സിനിമ. പത്തു തലൈ, കൊറോണ കുമാര്‍ എന്നിങ്ങനെ രണ്ട് സിനിമകള്‍ കൂടി ചിമ്പുവിന്റേതായി അണിയറയില്‍ ഒരുങ്ങുന്നുണ്ട്. തമിഴിന് പുറമേ തെലുങ്ക് ഭാഷയിലേക്ക് കൂടി അഭിനയിക്കാന്‍ ഒരുങ്ങുകയാണ് നടി നിധി അഗര്‍വാള്‍. സിനിമാ തിരക്കുകള്‍ക്കിടയില്‍ താരങ്ങളുടെ വിവാഹത്തെ കുറിച്ചറിയാനാണ് ആരാധകര്‍ക്കും താല്‍പര്യം.