'മെര്‍സല്‍' ഒഴിവാക്കിയത് ബുദ്ധിമോശം.. നഷ്ടപ്പെടുത്തിയ ഭാഗ്യത്തെ പഴിച്ച് ജ്യോതിക!

മെര്‍സലിലെ വേഷം

ഇളയദളപതി ചിത്രമായ മെര്‍സലില്‍ പ്രധാന കഥാപാത്രമായി ജ്യോതികയെ പരിഗണിച്ചിരുന്നു. സാമന്ത. നിത്യാ മേനോന്‍ തുടങ്ങിയവര്‍ക്കൊപ്പം ജ്യോതികയെയും പരിഗണിച്ചിരുന്നു.

വിജയ് ചിത്രത്തില്‍ ജ്യോതികയും

അറ്റ് ലീയും വിജയ് യും ഒരുമിക്കുന്ന ചിത്രത്തില്‍ ജ്യോതികയും വേഷമിടുന്നുവെന്ന തരത്തിലായിരുന്നു ആദ്യം പുറത്തുവന്ന റിപ്പോര്‍ട്ടുകള്‍. എന്നാല്‍ പിന്നീട് ചിത്രത്തില്‍ താരം ഇല്ലെന്നും അറിയിച്ചു.

കാരണം വ്യക്തമല്ല

ജ്യോതിക ഈ സിനിമ വേണ്ടെന്ന് വെച്ചതിന് പിന്നിലുള്ള കാരണത്തെക്കുറിച്ച് വ്യക്തതയില്ല. മൂന്ന് നായികമാരോടൊപ്പം അഭിനയിച്ചാല്‍ തന്റെ കഥാപാത്രത്തിന് വേണ്ടത്ര പ്രാധാന്യം ലഭിക്കുമോ എന്ന് താരത്തിന് ആശങ്കയുണ്ടായിരുന്നുവെന്ന് റിപ്പോര്‍ട്ടുകളുണ്ടായിരുന്നു.

ഒതുങ്ങിപ്പോവുമെന്ന ഭയം അലട്ടിയിരുന്നു

തെന്നിന്ത്യന്‍ സിനിമയിലെ സൂപ്പര്‍ നായികമാരായ സാമന്തയ്ക്കും കാജല്‍ അഗര്‍വാളിനുമൊപ്പം അഭിനയിച്ചാല്‍ താന്‍ ഒതുങ്ങിപ്പോവുമോ എന്ന ഭയവും താരത്തെ അലട്ടിയിരുന്നുവത്രേ.

നിത്യാ മേനോന് ലഭിച്ച സൗഭാഗ്യം

ജ്യോതികയുടെ പിന്‍മാറ്റത്തില്‍ ഏറെ സന്തോഷിച്ചൊരു താരമാണ് നിത്യാ മേനോന്‍. ജ്യോതിക വേണ്ടെന്ന് വച്ച കഥാപാത്രമായി വേഷമിടാനുള്ള അവസരം ലഭിച്ചത് നിത്യയ്ക്കായിരുന്നു.

മികച്ച പ്രതികരണം നേടി മുന്നേറുന്നു

വിജയ് നായകനായെത്തിയ ചിത്രമായ മെര്‍സല്‍ മികച്ച പ്രകടനം നേടി മുന്നേറ്റം തുടരുകയാണ്. വേണ്ടെന്ന് വെച്ച ചിത്രവും കഥാപാത്രവും മികച്ച പ്രതികരണം നേടിയെന്നറിയുമ്പോള്‍ അഭിനേതാക്കള്‍ക്ക് നഷ്ടബോധം തോന്നുന്നത് സ്വാഭാവികമാണ്.

നിത്യാ മേനോന്റെ കഥാപാത്രവും ഏറെ ശ്രദ്ധിക്കപ്പെട്ടു

ജ്യോതികയ്ക്കായി മാറ്റി വെച്ചിരുന്ന കഥാപാത്രവും ഇതിനോടകം തന്നെ ഏറെ ശ്രദ്ധിക്കപ്പെട്ടു കഴിഞ്ഞു. നിത്യാ മേനോനാണ് ഇതിന്റെ ക്രഡിറ്റ് മുഴുവനും ലഭിച്ചത്. എസ് ജെ സൂര്യയാണ് ചിത്രത്തിലെ വില്ലന്‍. ഇദ്ദേഹത്തിനൊപ്പം അഭിനയിക്കുവാനുള്ള അവസരം കൂടിയാണ് താരം വേണ്ടെന്ന് വെച്ചത്.

കേരളക്കരയും ഏറ്റെടുത്തു

തമിഴകത്തിന്റെ മുന്‍നിര താരങ്ങളിലൊരാളായ വിജയ് യുടെ ചിത്രങ്ങള്‍ക്ക് കേരളത്തിലും മികച്ച സ്വീകാര്യതയാണ് ലഭിക്കാറുള്ളത്. മൂന്ന് ഗെറ്റപ്പിലെത്തിയ മെര്‍സലും ഇതിനോടകം തന്നെ പ്രേക്ഷകര്‍ ഏറ്റെടുത്തു കഴിഞ്ഞു.