'എല്ലാവർക്കും ക്ഷമ കുറവാണ്'; സെൽവരാഘവനുമായുള്ള വിവാഹമോചനത്തെ കുറിച്ച് സോണിയ അ​ഗർവാൾ!

ചിത്രം വിജയിച്ചതിനൊപ്പം ചിത്രത്തിലെ ഗാനങ്ങളും ശ്രദ്ധേയമായിരുന്നു. യുവൻ ശങ്കർ രാജയാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്. ചിത്രത്തിന്റെ കഥയും സെൽവരാഘവന്റേത് തന്നെയായിരുന്നു. കാതൽ കൊണ്ടേനിന് ശേഷം സെൽവരാഘവന്റെ സെവൻ ജി റെയിൻ ബോ കോളനി, പുതുപേട്ടയ് തുടങ്ങിയ സിനിമകളിലും സോണിയ അ​ഗർവാൾ അഭിനയിച്ചിരുന്നു. ഏറെ നാളത്തെ പ്രണയത്തിന് ശേഷമാണ് ഇരുവരും വിവാഹിതരായത്. 2006 ഡിസംബറിലായിരുന്നു ആഘോഷമായി സെൽവരാഘവന്റേയും സോണിയ അ​ഗർവാളിന്റേയും വിവാഹം നടന്നത്. അത്രത്തോളം അടുത്തറിയാവുന്നവർ ആയിരുന്നിട്ടും രണ്ട് വർഷം മാത്രം ദാമ്പത്യ ജീവിതം ഒരുമിച്ച് കൊണ്ടുപോകാനെ സെൽവരാഘവനും സോണിയയ്ക്കും സാധിച്ചുള്ളൂ. 2009ൽ വിവാഹമോചനത്തിന് അപേക്ഷിക്കുകയും 2010ൽ പിരിയുകയും ചെയ്തു. വിവാഹമോചനത്തിന് പിന്നിലെ കാരണം ഇരുവരും വെളിപ്പെടുത്തിയിട്ടില്ല. അതേസമയം അന്നും ഇന്നും സെൽവരാഘവൻ തന്റെ ​ഗുരുവാണെന്നാണ് അഭിമുഖങ്ങളിലടക്കം സോണിയ പറയാറുള്ളത്.

ഇപ്പോൾ സോണിയ വിവാഹ മോചനത്തെ കുറിച്ച് തുറന്ന് പറയുന്ന ഒരു വീഡിയോ വൈറലാവുകയാണ്. 'വിവാഹം കഴിക്കാമെന്ന തീരുമാനം സന്തോഷത്തോടെയും ബന്ധം പിരിയാം എന്നത് സങ്കടത്തോടെയും ഹൃദയ വേ​ദനയോടെയുമായിരിക്കും എല്ലാവരും തീരുമാനിക്കുക. വിവാഹമോചനം എന്നത് എല്ലാവരുടേയും പെട്ടന്നുള്ള തീരുമാനമാണ്. ചിലപ്പോൾ സമ്മർദം സഹിക്കാൻ സാധിക്കില്ല. ബന്ധത്തിൽ നിന്ന് പുറത്ത് കടക്കാൻ തോന്നികൊണ്ടേയിരിക്കും. പലരും പരമാവധി പ്രശ്നങ്ങൾ പരിഹരിച്ച് മുന്നോട്ട് പോകാൻ‍ ശ്രമിക്കാറുണ്ട്. ചിലപ്പോഴൊക്കെ തോന്നിയിട്ടുണ്ട്. ഇപ്പോൾ വിവാഹമോചനങ്ങൾ കൂടി വരുന്നതിന് കാരണം ആർക്കും ക്ഷമയില്ലാത്തതിനാലാണെന്ന്' സോണിയ അ​ഗർവാൾ പറയുന്നു.

സെൽവരാഘവനുമായുള്ള വിവാഹമോചനത്തിന് ശേഷം മറ്റൊരു വിവാഹത്തെ കുറിച്ച് ചിന്തിക്കാതെ മറ്റ് ജീവിത തിരക്കുകളുമായി കഴിയുകയാണ് സോണിയ അ​ഗർവാൾ. അതേസമയം 2011ൽ സെൽവരാഘവൻ വീണ്ടും വിവാഹിതനായി. ​ഗീതാഞ്ജലി രാമനെയാണ് സെൽവരാഘവൻ വിവാഹം ചെയ്തത്. മയക്കം എന്ന സിനിമയിൽ സഹ സംവിധായികയായി ​ഗീതാഞ്ജലി പ്രവർത്തിച്ചിരുന്നു. സാനി കൈദം എന്ന ചിത്രത്തിലൂടെ അഭിനയത്തിലേക്കും ചുവടുവെച്ചിരിക്കുകയാണ് സെൽവരാഘവൻ. അതേസമയം കയ്പക്ക എന്ന മലയാളം സിനിമയാണ് ഇനി റിലീസിനെത്താനുള്ള സോണിയയുടെ ഏറ്റവും പുതിയ ചിത്രം. ഒരിടവേളയ്ക്ക് ശേഷം സോണിയ ചെയ്യുന്ന മലയാളം സിനിമ കൂടിയാണ് കയ്പക്ക.