അന്ന് മുസ്ലീം സംഘടനകള്‍, ഇന്നോ??? വിവാദത്തിന്റെ പുലിവാല് പിടിച്ച് കമല്‍ഹാസന്‍!!!

മഹാഭാരതത്തെ അപമാനിച്ചെന്നാണ് ആരോപണം. കമല്‍ ഹിന്ദു വിരുദ്ധനാണെന്നും തങ്ങളുടെ മതവികാരം വൃണപ്പെട്ടന്നുമാണ് ആരോപണം. മുമ്പ് ഖുറാനേക്കുറിച്ചോ ബൈബിളിനേക്കുറിച്ചോ മോശമായിട്ട് കമലഹാസന്‍ സംസാരിച്ചട്ടുണ്ടോയെന്നും എച്ച്എംകെ ചോദിക്കുന്നു. കമല്‍ഹാസന്റെ പരാമര്‍ശത്തിനെതിരെ നിരവധിപ്പേര്‍ രംഗത്തുവന്നിട്ടുണ്ട്.

സ്ത്രീയെ വെച്ച് ചൂതാട്ടം നടത്തിയെന്ന വരച്ചിടുന്ന മഹാഭാരതത്തെയാണ് ഇന്ത്യ ഇത്രയും ആദരവോടെ കാണുന്നത്. സ്ത്രീയെ ഒരു ഉത്പന്നം കണക്കെയാണ് ഗ്രന്ഥത്തില്‍ പറയുന്നതെന്നുമായിരുന്നു കമല്‍ഹാസന്‍ പറഞ്ഞത്.

കമല്‍ഹാസനെതിരെ ചില സംഘടനകള്‍ തമിഴ്‌നാട്ടില്‍ പ്രതിഷേധ പ്രകടനം നടത്തിയതായാണ് വിവരം. താരത്തിന്റെ പോസ്റ്ററുകള്‍ പ്രതിഷേധക്കാര്‍ കീറിയെറിഞ്ഞു. കമല്‍ഹാസന്റെ കോലം കത്തിക്കാനുള്ള ശ്രമം പോലീസ് വിഫലമാക്കിയെന്നും റിപ്പോര്‍ട്ടുണ്ട്.

കമല്‍ഹാസന്റെ സ്വപ്‌ന സിനിമയായ വിശ്വരൂപം റീലീസ് ചെയ്യുന്ന സമയത്തും സമാനമായ രീതിയില്‍ താരം വിവാദത്തില്‍ പെട്ടിരുന്നു. ചിത്രത്തില്‍ മുസ്ലീം വിഭാഗത്തെ മോശമായി ചിത്രീകരിക്കുകയായിരുന്നെന്നായിരുന്നു ആരോപണം. അന്ന് മുസ്ലീം സംഘടനകളായിരുന്നു അദ്ദേഹത്തിനെതിരെ പ്രതിഷേധവുമായി രംഗത്ത് വന്നത്.

വിവാദത്തേത്തുടര്‍ന്ന് തമിഴ് നാട്ടില്‍ ചിത്രത്തിന്റെ റിലീസ് തടഞ്ഞു. ലോകവ്യാപകമായി ചിത്രം റിലീസിനെത്തി രണ്ട് മാസം കഴിഞ്ഞാണ് ചിത്രം തമിഴ്‌നാട്ടില്‍ റിലീസിനെത്തിയത്. ഇതിന് പിന്നില്‍ ജയലളിതയായിരുന്നെന്നും കമല്‍ഹാസന്‍ കഴിഞ്ഞ ദിവസം ആരോപിച്ചിരുന്നു. അതിനെതിരെയും പ്രതിഷേധം ഉയരുന്നുണ്ട്.