ബസ് ഡ്രൈവറുടെ മകന്‍ ഇന്ന് കന്നഡ സിനിമയിലെ റോക്ക് സ്റ്റാർ!! യഷിന്റെ ഹൃദയസ്പർശിയായ കഥ പറഞ്ഞ് വിശാല്‍

പ്രവചനം ഫലിച്ചു

കർണ്ണാടകയിലെ സാധാരണ ഒരു ബസ് ഡ്രൈവറുടെ മകനാണ് നവീൻ കുമാർ. താൻ ഭാവിയിൽ വലിയ സ്റ്റാറായി തീരുമെന്ന് പറഞ്ഞ ആ യുവാവിനെ അന്ന് പലരും പരിഹസിച്ചിരുന്നു. എന്നാൽ വർഷങ്ങൾക്ക് ശേഷം ആ ബസ് ഡ്രൈവറിന്റെ മകൻ തെന്നിന്ത്യയിലെ സൂപ്പർസ്റ്റാറായി മാറിയിരിക്കുകയാണ്. അന്ന് പരിഹസിച്ചവർ ഇന്ന് കയ്യടിച്ചിരിക്കുകയാണ്. വർഷങ്ങൾ കഴിയുമ്പോൾ ആ പഴയ ബസ് ഡ്രൈവറുടെ മകൻ കന്നഡയിലെ സൂപ്പർ താരമായിരിക്കുകയാണ്.

പെട്ടെന്നുളള വളർച്ച

അഭിനയത്തിനോട് അടങ്ങാത്ത അഭിനിവേശമായിരുന്നു . അതിനാൽ തന്നെ പഠന ശേഷം നാടകത്തിൽ ചേർന്നു. പിന്നീട് മെല്ലേ മെല്ലേ മിനി സ്ക്രീനിലേയ്ക്ക് ചുവട് വയ്ക്കുകയായിരുന്നു. 2007 ൽ ജമ്പട ഹുഡിയ എന്ന ഫീച്ചർ ഫിലിമില്‌‍ സഹനാടനായി തുടങ്ങി. തൊട്ടടുത്ത വർഷം തന്നെ മോഗിന മനസു'വിലൂടെയാണ് നായകനായി വെള്ളിത്തിരയിൽ തിളങ്ങി. തന്റെ ആദ്യ ചിത്രത്തിലെ നായിക രാധിക പണ്ഡിറ്റ് ഇദ്ദേഹത്തിന്റെ ജീവിത സഖിയാവുകയും ചെയ്തു.

കഷ്ടപ്പാടുകൾ

സിനിമയിൽ ഇന്നു കാണുന്ന നിലയിൽ എത്തിപ്പെടാൻ ഒരുപാട് ത്യാഗങ്ങൾ അദ്ദേഹത്തിന് സഹിക്കേണ്ടി വന്നിരുന്നു. അതെല്ലാം വീഡിയോയിൽ പ്രതിപാദിക്കുന്നുമുണ്ട്. യഷ് എന്ന സൂപ്പർ താരത്തിലേയ്ക്കുളള കടമ്പ വളരെ വലുതായിരുന്നുയ യഷ് നായകനായി എത്തിയ സൂപ്പർ ഡ്യൂപ്പർ ഹിറ്റ് ചിത്രം കെജിഎഫ് ഏറെ പ്രതിസന്ധി തരണം ചെയ്താണ് റിലീസിനെത്തിയത്. പ്രതിസന്ധികൾ തരണം ചെയ്ത എത്തിയ ചിത്രം സൂപ്പർ ഡ്യൂപ്പർ ഹിറ്റായിരുന്നനു.

നൂറ് കോടി ക്ലബിൽ

ചിത്രം 2018 ഡിസംബർ 21 നായിരുന്നു റിലീസിനെത്തിയത്. ചിത്രം പ്രദർശിപ്പിക്കുന്നതിനെതിരെ ബൊംഗ്ലൂർ മജിസ്ട്രേറ്റ് കോടതി സ്റ്റേ ചെയ്തിരുന്നു.ഇത്തരത്തിലുള്ള പ്രതിസന്ധികളെ മറികടന്നാണ് ചിത്രം നൂറ് കോടി ക്ലബ്ബിലെത്തിയിരിക്കുന്നത്.യഷ് ദക്ഷിണേന്ത്യയിലെ മുന്‍നിര താരങ്ങള്‍ക്കൊപ്പമെത്തിക്കുകയാണ്‌. തെന്നിന്ത്യൻ ഭാഷകളായ കന്നട, തെലുങ്ക്, തമിഴ്, ഹിന്ദി, മലയാളം, ഭാഷകളിലായി രാജ്യത്താകെ 1500 തീയേറ്ററുകളിലാണ് ഈ ചിത്രം റിലീസ് ചെയ്തിരിക്കുന്നത്. എല്ലായിടത്തും നിന്നും മികച്ച അഭിപ്രായമാണ് ലഭിക്കുന്നത്.

തൊഴിലാഴളികളുടെ അടിമ ജീവിതം

1960-70 കാലഘട്ടത്തില്‍ കോലാര്‍ സ്വര്‍ണഖനി തൊഴിലാളികളുടെ അടിമ ജീവിതവും അവരുടെ അതിജീവനവും തുടര്‍ന്ന് അവിടെ നിന്നും അധോലോക നേതാവിലേക്കുള്ള നായകന്റെ വളർച്ചയും തുടർന്നുണ്ടാകുന്ന സംഭവ വികാസങ്ങളുമാണ് ചിത്രത്തിൽ. ഹോംബാള്‍ ഫിലിംസിന്റെ ബാനറില്‍ വിജയ് കിരഗണ്ടൂര്‍ നിര്‍മിച്ച ഈ ചിത്രത്തില്‍ ശ്രീനിധി ഷെട്ടിയാണ് നായിക. അയ്യപ്പ,ബി സുരേഷ്, ശ്രീനിവാസ് മൂര്‍ത്തി, ആനന്ദ് നാഗ്, രൂപാരായ്യപ്പ, അച്യുത്കുമാര്‍, നാഗാഭരണ, ഹാരീഷ് റോയ്, ദിനേഷ് മംഗളൂര്‍ അശ്വത്, നീനാസം, അര്‍ച്ചന ജോയ്‌സ്, മാളവിക തുടങ്ങിയവര്‍ക്കൊപ്പം തെന്നിന്ത്യന്‍ താരം തമന്നയും അതിഥി വേഷത്തിലെത്തുന്നുണ്ട്.