സ്വിമ്മിങ് പൂളില്‍ ആടിപ്പാടി ദുല്‍ഖര്‍! കണ്ണും കണ്ണും കൊളളയടിത്താലിന്റെ കിടിലന്‍ മേക്കിങ് വീഡിയോ

കണ്ണും കണ്ണും കൊളളയടിത്താലുമായി ദുല്‍ഖര്‍

നവാഗതനായ ദേസിംഗ് പെരിയസാമിയുടെ സംവിധാനത്തില്‍ ഒരുങ്ങുന്ന ദുല്‍ഖര്‍ ചിത്രമാണ് കണ്ണും കണ്ണും കൊളളയടിത്താല്‍. ഇത്തവണയും ഒരു റൊമാന്റിക്ക് ചിത്രവുമായാണ് ദുല്‍ഖര്‍ തമിഴിലേക്ക് എത്തുന്നത്. ചിത്രത്തിന്റെതായി പുറത്തിറങ്ങിയ പോസ്റ്ററുകള്‍ക്കെല്ലാം മികച്ച സ്വീകാര്യത സമൂഹ മാധ്യമങ്ങളില്‍ ലഭിച്ചിരുന്നു. സിദ്ധ് എന്ന കഥാപാത്രമായാണ് ചിത്രത്തില്‍ ദുല്‍ഖര്‍ എത്തുന്നത്. ഒകെ കണ്‍മണിയിലെ ആദി പോലൊരു കഥാപാത്രമായിരിക്കും ഇതെന്നാണ് അറിയുന്നത്. എല്ലാതരം പ്രേക്ഷകര്‍ക്കും ഇഷ്ടപ്പെടുന്ന ഒരു മികച്ച എന്റര്‍ടെയ്‌നറായിരിക്കും ചിത്രമെന്നാണ് അറിയുന്നത്.

മേയ്ക്കിങ് വീഡിയോ വൈറല്‍

ചിത്രത്തിന്റെതായി പുറത്തിറങ്ങിയ ഒരു മേക്കിങ് വീഡിയോ സമൂഹ മാധ്യമങ്ങളില്‍ വൈറലായി മാറിയിരുന്നു. ചിത്രത്തിലെ ഒരു പാര്‍ട്ടി ഗാനത്തിന്റെ മേക്കിങ് വീഡിയോ ആണ് സമൂഹ മാധ്യമങ്ങളില്‍ പുറത്തുവന്നിരിക്കുന്നത്. സ്വിമിങ്ങ് പൂളില്‍ വെച്ചാണ് പാട്ടിന്റെ രംഗങ്ങള്‍ ചിത്രീകരിച്ചിരിക്കുന്നത്.

ദുല്‍ഖര്‍ പറഞ്ഞത്

ഇതൊരു പാര്‍ട്ടി ഗാനമാണെന്നും ആദ്യമായാണ് ഇങ്ങനെ ഒരു ഗാനവുമായി എത്തുന്നതെന്നും വീഡിയോയില്‍ ദുല്‍ഖര്‍ പറയുന്നുണ്ട്. ത്രില്ലിങ് ലവ് സ്റ്റോറിയാണ് ചിത്രം. വിവിധയിടങ്ങളിലായാണു ചിത്രീകരണം പൂര്‍ത്തിയാക്കുന്നത്. തമാശയും പ്രണയവും എല്ലാമുണ്ട്. തീര്‍ച്ചയായും ഈ ചിത്രം എല്ലാവര്‍ക്കും ഇഷ്ടപ്പെടുമെന്നാണ് പ്രതീക്ഷ. വീഡിയോയില്‍ ദുല്‍ഖര്‍ പറഞ്ഞു,

വീഡിയോ കാണൂ

വീഡിയോ കാണൂ

ഒക്ടോബറില്‍ റിലീസ്

ഒക്ടോബര്‍ അഞ്ചിനാണ് ദുല്‍ഖറിന്റെ പുതിയ തമിഴ് ചിത്രം തിയ്യേറ്ററുകളിലേക്ക് എത്തുന്നത്. കെഎം ഭാസ്‌ക്കരന്‍ ചായാഗ്രഹണം നിര്‍വ്വഹിച്ചിരിക്കുന്ന ചിത്രത്തിന് പ്രവീണ്‍ ആന്റണിയാണ് എഡിറ്റിങ്ങ് ചെയ്തിരിക്കുന്നത്. സംവിധാനത്തിനു പുറമെ ദേസിംഗ് പെരിയസാമി തന്നെയാണ് ചിത്രത്തിന് തിരക്കഥയെഴുതിയിരിക്കുന്നത്.

ചിത്രത്തിലെ താരങ്ങള്‍

തെലുങ്ക് ചിത്രങ്ങളിലൂടെ ശ്രദ്ധേയയായ നടി റിതു വര്‍മ്മയാണ് ചിത്രത്തില്‍ ദുല്‍ഖറിന്റെ നായികയായി എത്തുന്നത്. ചിത്രത്തില്‍ മീര എന്നൊരു കഥാപാത്രമായാണ് റിതു എത്തുന്നത്. തെലുങ്കില്‍ വിജയ് ദേവരകൊണ്ടയുടെ നായികയായി അഭിനയിച്ച റിതു അടുത്തിടെ ധനുഷിന്റെ വി ഐപി 2വിലും എത്തിയിരുന്നു. രക്ഷന്‍, നിരഞ്ജിനി തുടങ്ങിയവരാണ് ചിത്രത്തിലെ മറ്റു താരങ്ങള്‍

ദുല്‍ഖറിന്റെ ഗാനവും

അഭിനയത്തിനു പുറമെ ചിത്രത്തിലെ ഒരു ഗാനം ദുല്‍ഖര്‍ ആലപിക്കുന്നുണ്ട്. കേരളത്തിലെ പ്രമുഖ മ്യൂസിക്ക് ബാന്‍ഡുകളിലൊന്നായ മസാല കോഫിയാണ് കണ്ണും കണ്ണും കൊളളയടിത്താലിന് സംഗീതമൊരുക്കുന്നത്. മലയാളത്തില്‍ നിരവധി സിനിമകളില്‍ പാടിയിട്ടുണ്ടെങ്കിലും തമിഴില്‍ ആദ്യമായിട്ടാണ് ദുല്‍ഖര്‍ ഒരു ചിത്രത്തിനു വേണ്ടി പാടുന്നത്. ദുല്‍ഖര്‍ ആരാധകരെല്ലാം തന്നെ ആകാംക്ഷകളോടെയാണ് ചിത്രത്തിനു വേണ്ടി കാത്തിരിക്കുന്നത്.