വീടിന് പുറത്ത് പ്രിയപ്പെട്ടവനേയും കാത്ത് താരപത്നി, രജനികാന്തിനെ ഭാര്യ ലത സ്വീകരിച്ചത് ഇങ്ങനെ...

മകൾ ഐശ്വര്യയ്ക്കൊപ്പം ചാർട്ടേട് വിമാനത്തിലാണ് രജനി ഹൈദരാബാദിൽ നിന്ന് ചെന്നൈയിൽ എത്തിയത്. ഭാര്യ ലത താരത്തെ ആരതിയുഴിഞ്ഞാണ് സ്വീകരിച്ചത്. ഈ ചിത്രം സോഷ്യൽ മീഡിയയിൽ വൈറലായിട്ടുണ്ട്. കൂടാതെ തന്നെ കാത്ത് നിന്നവർക്ക് നേരെ കൈകൂപ്പി നന്ദി പറഞ്ഞിന് ശേഷമാണ് താരം തന്റെ വസതിയിലേയ്ക്ക് പോയത്. രജനിയുടെ മടങ്ങിയ വരവ് പ്രേക്ഷകരെ സന്തോഷത്തിലാഴ്ത്തിയിട്ടുണ്ട്. അതേസമയം ന‍ടന്റെ രാഷ്ട്രീയപ്പാർട്ടി പ്രഖ്യാപനം പ്രതിസന്ധിയിലായിട്ടുണ്ട്. പാർട്ടി പ്രഖ്യാപിക്കുന്ന തീയതി ഈ മാസം 31 ന് അറിയിക്കാനായിരുന്നു രജനി തീരുമാനിച്ചിരുന്നത്.

കോളിവുഡ് പ്രേക്ഷകരുടെ പ്രിയപ്പെട്ട താരദമ്പതികളാണ് രജനിയും ലതയും. സ്റ്റൈൽ മന്നനോടൊപ്പം ഒരു നിഴലു പോലെ സിനിമ സെറ്റിൽ ലതയും എത്താറുണ്ട്. ഇന്നും തമിഴ് സിനിമാ കോളങ്ങിൽ ഇവരുടെ പ്രണയകഥ ചർച്ചാ വിഷയമാണ്. പ്രണയ വിവാഹമായിരുന്നു ഇവരുടേത്.ഒരു അഭിമുഖത്തിനിടെയാണ് പ്രണയത്തിലാവുന്നത്. തുടർന്ന് 1981 ഫെബ്രുവരി 26 ന് ഇരുവരും വിവാഹിതരാവുകയായിരുന്നു.

തില്ലു മല്ലു എന്ന സിനിമയുടെ ലൊക്കേഷനിൽ വെച്ചാണ് ഇരുവരും ആദ്യമായി കാണുന്നത്. രജനിയെ ഇന്റവ്യൂ ചെയ്യാനായിട്ടായിരുന്നു ലത അന്ന് അവിടെ എത്തിയത്. ആദ്യ കാഴ്ചയിൽ തന്നെ സ്റ്റൈൽ മന്നന് ലതയോട് പ്രണയം തോന്നി. തുടർന്ന് വിവാഹാഭ്യർഥന നടത്തുകയും ചെയ്തു. എന്നാൽ വീട്ടുകാരോട് സംസാരിക്കാനായിരുന്നു ലത അന്ന് രജനിയോട് പറഞ്ഞത്. വിവാഹാലോചന വീട്ടിൽ എത്തുകയും വീട്ടുകാരുടെ സമ്മതത്തോടെ ഇരുവരും വിവാഹം കഴിക്കുകയായിരുന്നു. വിവാഹം കഴിഞ്ഞ് 39 വർഷങ്ങൾ പിന്നിടുമ്പോൾ ഇന്നും ആ പഴയ സ്നേഹം ഇവർക്കിടയിൽ അതുപോലെ നിലനിൽക്കുന്നുണ്ട്.

Recommended Video

Happy Birthday Rajinikanth: PM Modi, Mohanlal and others wish Thalaiva on 70th birthday

1975 ൽ പുറത്തു വന്ന അപൂർവ രാഗങ്ങൾ എന്ന ചിത്രത്തിലൂടെയാണ് രജനി തമിഴ് സിനിമയിൽ എത്തുന്നത്. 1977 ൽ എസ്.പി. മുത്തുരാമൻ സംവിധാനം ചെയ്ത ചിത്രമായ ഭുവന ഒരു കേൾവിക്കുറിയാണ് രജനിയെ പ്രേക്ഷകരുടെ ഇടയിൽ കൂടുതൽ ശ്രദ്ധേയനാക്കിയത്. പിന്നീട് തൊട്ട് അടുത്ത വർഷം മുള്ളും മലരും എന്ന ചിത്രത്തിലൂടെ രജനി തമിഴ് സിനിമാ ലോകത്ത് തന്റേതായ സ്ഥാനം ഉറപ്പിക്കുകയായിരുന്നു.