മോഹന്‍ലാലിനെപ്പോലെയല്ല മമ്മൂട്ടി.. വിക്രമിനും സൂര്യയ്ക്കുമൊപ്പം ഏറ്റുമുട്ടാന്‍ ചങ്കൂറ്റമുണ്ട്!

വിക്രമിനും സൂര്യയ്ക്കുമൊപ്പം മമ്മൂട്ടിയും മത്സരിക്കുന്നു

പ്രേക്ഷകര്‍ക്ക് ഏറെ പ്രിയപ്പെട്ട തമിഴ് താരങ്ങളാണ് സൂര്യയും വിക്രമും. മലയാള സിനിമയില്‍ നിന്നും തമിഴകത്തെത്തി താരമായി മാറിയതാണ് വിക്രം. യുവതലമുറയ്ക്ക് ഏറെ ഇഷ്ടമുള്ള തെന്നിന്ത്യന്‍ താരങ്ങളിലൊരാളാണ് സൂര്യ. ഇവര്‍ക്കൊപ്പം മമ്മൂട്ടിയും മത്സരിക്കുകയാണ്.

നീണ്ട ഇടവേളയ്ക്ക് ശേഷം

നീണ്ട ഇടവേളയ്ക്ക് ശേഷമാണ് മമ്മൂട്ടി നായകനായി ഒരു തമിഴ് സിനിമയെത്തുന്നത്. ദേസീയ അവാര്‍ഡ് ജേതാവായ റാമാണ് ചിത്രം ഒരുക്കുന്നത്. മാസങ്ങള്‍ക്ക് മുന്‍പേ ചിത്രീകരണം ആരംഭിച്ച ചിത്രത്തിന്റെ റിലീസ് അനിയന്ത്രിതമായി നീണ്ടുപോവുകയായിരുന്നു

പൊങ്കല്‍ ചിത്രങ്ങള്‍ക്കൊപ്പം

തമിഴകത്തിന്റെ സ്വന്തം ഉത്സവമായ പൊങ്കലിനാണ് പേരന്‍പ് റിലീസ് ചെയ്യുന്നത്. ഇതേ സമയം തന്നെയാണ് വിമക്രമിന്റെ സ്‌കെച്ച്, സൂര്യയുടെ താനെ സേര്‍ന്ത കൂട്ടം, വിശാലിന്റെ ഇരുമ്പ് തിരൈ റിലീസ് ചെയ്യുന്നത്.

മലയാളത്തിലേക്ക് റീമേക്ക് ചെയ്യാന്‍ മമ്മൂട്ടി നിര്‍ദേശിച്ചു

പേരന്‍പിന്റെ തമിഴ് പതിപ്പില്‍ അഭിനയിക്കുന്നതിനാലാണ് മമ്മൂട്ടി സിനിമ മലയാളത്തിലേക്ക് റീമേക്ക് ചെയ്യാന്‍ നിര്‍ദേശിച്ചത്. ട്രാന്‍സ് ജെന്‍ഡര്‍ അഞ്ജലി അമീറാണ് ചിത്രത്തില്‍ നായികയായി എത്തുന്നത്.

പ്രമേയത്തിന്റെ പ്രസക്തി

ചിത്രത്തിന്റ പ്രമേയത്തിന്റെ പ്രസക്തിയാണ് മമ്മൂട്ടിയെ ആകര്‍ഷിച്ചത്. ഇതോടെ അദ്ദേഹം ഈ ചിത്രം മലയാളത്തിലേക്ക് റീമേക്ക് ചെയ്യാന്‍ നിര്‍ദേശിക്കുകയായിരുന്നു. ശരത് കുമാര്‍, കനിഹ, സുരാജ് വെഞ്ഞാറമൂട് തുടങ്ങിയവരും ചിത്രത്തില്‍ വേഷമിടുന്നുണ്ട്.