വില്ലനെ എഴുതിത്തള്ളാന്‍ വരട്ടെ, മലയാളികള്‍ക്ക് വേണ്ടെങ്കിലും സ്വീകരിക്കാന്‍ ആളുകള്‍ വേറെയുണ്ട്!!

തമിഴ്‌നാട്ടിലെ മികച്ച തുടക്കം

ഒരേ സമയം മലയാളത്തിലും തമിഴിലുമായിട്ടായിരുന്നു വില്ലന്‍ നിര്‍മ്മിച്ചിരുന്നത്. തമിഴ്‌നാട്ടിലും മികച്ച തുടക്കമായിരുന്നു വില്ലന് കിട്ടിയിരുന്നത്. ആദ്യദിനം തന്നെ 27 ലക്ഷമാണ് തമിഴ്‌നാട്ടില്‍ നിന്നും കിട്ടിയിരുന്നത്.

മറ്റ് ഭാഷകളിലേക്കും

ഹിന്ദി ഡബ്ബ് ചെയ്ത് റിലീസ് ചെയ്യുന്നതിന് വേണ്ടി കോടികള്‍ വാങ്ങിയതും മറ്റൊരു ചരിത്രമായിരുന്നു. മലയാളം, തമിഴ്, ഹിന്ദി, എന്നിവയ്ക്ക് ശേഷം തെലുങ്കില്‍ കൂടി റിലീസ് ചെയ്യാനുള്ള തയ്യാറെടുപ്പുകള്‍ നടക്കുകയാണ്. തെലുങ്കില്‍ മോഹന്‍ലാലിന് വലിയ ആരാധകരുണ്ട്.

പുതിയൊരു റെക്കോര്‍ഡ്

തമിഴ്‌നാട്ടില്‍ നിന്നും രാമലീല 63 ലക്ഷത്തിന് മുകളില്‍ നേടിയിരിക്കുകയാണ്. തമിഴില്‍ നിന്നും മികച്ച കളക്ഷന്‍ നേടുന്ന സിനിമകളുടെ പട്ടികയിലാണ് രാമലീല എത്തിയിരിക്കുന്നത്. പിന്നാലെ വന്ന വില്ലന്‍ അത് മറികടക്കുമോ എന്നതാണ് ഇനി കാണാനുള്ളത്.

വിദേശത്ത് നിന്നും മികച്ച കളക്ഷന്‍

ഒക്ടോബര്‍ 27 നാണ് കേരളത്തില്‍ റിലീസ് ചെയ്തിരുന്നതെങ്കിലും പിന്നാലെ തന്നെ സിനിമ വിദേശത്തും റിലീസിനെത്തിയിരുന്നു. ചിത്രം റിലീസ് ചെയ്ത ആദ്യ ആഴ്ച തന്നെ യുഎസില്‍ നിന്നും പതിനേഴ് ലക്ഷമായിരുന്നു സിനിമ നേടിയിരുന്നത്.

കൊച്ചി മള്‍ട്ടിപ്ലെക്‌സില്‍

റിലീസ് ദിനത്തില്‍ തന്നെ വില്ലന്‍ കൊച്ചി മള്‍ട്ടിപ്ലെക്‌സിലും എത്തിയിരുന്നു. തുടര്‍ന്ന് അവിടെ നിന്നും നല്ലൊരു തുകയാണ് സിനിമയ്ക്ക് കിട്ടിയിരിക്കുന്നത് ഏഴ് ദിവസം പ്രദര്‍ശിപ്പിച്ചപ്പോഴെക്കും 46.72 ലക്ഷമായിരുന്നു മള്‍ട്ടിപ്ലെക്‌സില്‍ നിന്നും സിനിമ നേടിയിരിക്കുന്നത്.