ഹോം

തമിഴ് സിനിമ

തുടരെ രണ്ട് സിനിമകള്‍ പരാജയപ്പെട്ടതോടെ അടുത്ത ചിത്രം വിജയ്ക്കണം എന്നത് നയന്‍താരയുടെ അത്യാവശ്യമാണ്. ശിവകാര്‍ത്തികയേനോടൊപ്പം അഭിനയിച്ച മിസ്റ്റര്‍ ലോക്കലും വളരെ അധികം പ്രതീക്ഷയോടെ വന്ന അയ്‌റ എന്ന ചിത്രവും ബോക്‌സോഫീസില്‍ പരാജയപ്പെട്ടു.

ഇനി നയന്‍താരയ്ക്ക് പ്രതീക്ഷ കൊലയുതിര്‍ കാലം എന്ന ഹൊറര്‍ ചിത്രത്തിലാണ്. എന്നാല്‍ ചക്രി ടുലറ്റി സംവിധാനം ചെയ്യുന്ന ചിത്രം പ്രഖ്യാപിച്ച നാള്‍ മുതല്‍ വിവാദത്തിലാണ്. രാധാരവിയുടെ വിവാദ പ്രസംഗവും ചിത്രത്തിന്റെ കോപ്പി റൈറ്റ്‌സിനെ കുറിച്ചുള്ള പ്രശ്‌നവുമൊക്കെ ഏറെ ചര്‍ച്ചയായിരുന്നു.

പലതവണ റിലീസ് തീരുമാനിച്ച് നീണ്ടു നീണ്ടു പോവുന്നതാണ് സിനിമ ഇപ്പോള്‍ നേരിട്ടുകൊണ്ടിരിയ്ക്കുന്ന പ്രശ്‌നം. ജൂലൈ 26 ന് സിനിമ റിലീസ് ചെയ്യുമെന്നായിരുന്നു ഏറ്റവും ആദ്യം വന്ന വാര്‍ത്തകള്‍. പിന്നീടത് ആഗസ്റ്റ് ഒന്നിനേക്ക് നീട്ടി. അല്ല ആഗസ്റ്റ് 2 ന് തീര്‍ച്ചയായും റിലീസ് ചെയ്യും എന്ന ഉറപ്പോടെ പോസ്റ്ററും ഇറക്കി.

ഞാന്‍ പൂര്‍ണമായും മുലയൂട്ടാന്‍ തയ്യാറായിരിക്കുന്നു, എമി ജാക്‌സണ്‍ പറയുന്നു

എന്നാല്‍ വീണ്ടും ചിത്രത്തിന്റെ റിലീസ് നീണ്ടു പോകുകയാണ്. ആഗസ്റ്റ് രണ്ടും കഴിഞ്ഞു. ഇനി എന്നാണ് ചിത്രം റിലീസ് ചെയ്യുന്നത് എന്ന് പറയാന്‍ അണിയറ പ്രവര്‍ത്തകര്‍ക്ക് കഴിയുന്നില്ല. നയന്‍താരയ്‌ക്കൊപ്പം ഭൂമികയും പ്രതാപ് പോത്തനും ചിത്രത്തില്‍ പ്രധാന കഥാപാത്രങ്ങളായി എത്തുന്നുണ്ട്.