കങ്കണ ചെയ്താൽ തെറ്റില്ല!! ഇവിടെയാണ് പ്രശ്നം, കാജലിന്റെ വിവാദ രംഗത്തെ കുറിച്ച് സംവിധായകൻ

നാട്ടിൻ പുറത്ത് നിന്ന് പരിസിലേയ്ക്ക്

നിശ്ചയിച്ച വിവാഹം മുടങ്ങുന്നതിനെ തുടർന്ന് 24 വയസ്സുകാരിയായ യുവതി ഒറ്റയ്ക്ക് പാരിസിൽ പോകുന്നതും അവിടെയുണ്ടാകുന്ന രസകരമായ സംഭവങ്ങളുമാണ് ചിത്രത്തിന്റെ പ്രമേയം. ഹിന്ദയിൽ കങ്കണ അവിസ്മരണീയമാക്കിയ റാണി എന്ന കഥാപാത്രം മലയാളത്തിൽ മഞ്ചിമ മോഹനും, തമിഴിൽ കാജലും തെലുങ്കിൽ തമന്നയും കന്നടയിൽ പാറുൽ യാദവുമാണ് അവതരിപ്പിക്കുന്നത്.

വിവാദമായത് തമിഴ് ടീസർ

ക്വീനിന്റെ തമിഴ് പതിപ്പാണ് പരിസ് പരിസ്. ഹിന്ദിയിൽ കങ്കണ അവിസ്മരണീയമാക്കിയ കഥാപാത്രം തമിഴിൽ അവതരിപ്പിക്കുന്നത് കാജൽ അഗർവാളാണ്. ബോളിവുഡിലെ റാണി കോളിവുഡിൽ എത്തുമ്പോൾ മഹലക്ഷ്മിയാകുന്നു. ക്വീനിന്റെ ഹിന്ദി പതിപ്പ് പരിസ് പരിസ് എന്ന ചിത്രത്തിനു നേരെയാണ് വിവാദങ്ങൾ തലപൊക്കിയിരിക്കുന്നത്. ടീസറിലെ രംഗമാണ് വിവാദത്തിന് കാരണം.

ശരീരത്ത് പിടിക്കുന്ന രംഗം

ഗ്രമത്തിൽ നിന്ന് പാരിസിലേയ്ക്ക് എത്തുന്ന യുവതിയ്ക്ക് അനുഭവിക്കേണ്ടി വരുന്ന സംഭവങ്ങളാണ് സിനിമയിലൂടെ ചർച്ച ചെയ്യുന്നത്. ചിത്രത്തിൽ കാജൽ അഗർവാളിന്റെ മാറിടത്തിൽ സഹതാരം എല്ലി അവിരാം സ്പർശിക്കുന്ന രംഗമുണ്ട്. ഇതാണ് വിവാദത്തിനടിസ്ഥാനം . പ്രാധാന്യമില്ലാത്ത രംഗം ട്രെയിലറിൽ ഉൾപ്പെടുത്തി സംവിധായകൻ സിനിമയെ മാർക്കറ്റ് ചെയ്യാൻ ശ്രമിക്കുകയാണെന്നാണ് വിമർശകരുടെ വാദം. ഈ രംഗത്തിനെതിരെ നിരവധി വിമർശനങ്ങള്‌‍ ഉയർന്നു വരുന്നുണ്ട്.

‌

സംവിധായകൻ പറയുന്നത്

ക്വീനിന്റെ റീമേക്കാണ് പാരിസ് പാരിസ്. ഹിന്ദിയിൽ കങ്കണയും ലിസ ഹെയ്ഡനും ഒരുമിച്ച് ഇതേ രംഗം ചെയ്തിരുന്നു. അന്ന് ഈ രംഗത്തിനെതിരെ ആരും വിമർശനം ഉന്നയിച്ചിരുന്നില്ല. ആരും വിവാദവും ഉയർത്തിയിരുന്നില്ല. ഇതിൽ മോശമായി ഒന്നുമില്ല. പിന്നെ ഇപ്പോൾ മാത്രമെന്തിനാണ് ഈ അനാവശ്യ വിവാദമെന്ന് സംവിധായകൻ രമേശ് അരവിന്ദ് ചോദിക്കുന്നു.