Don't Miss!
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- News ഒന്നിലധികം ക്രെഡിറ്റ് കാർഡുകൾ ഉണ്ടോ? എങ്കിൽ ഇക്കാര്യങ്ങൾ നിർബന്ധമായും ശ്രദ്ധിക്കണം, ഇല്ലെങ്കിൽ...
- Automobiles എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
നടി സ്നേഹ വീണ്ടും അമ്മയായി! മാലാഖ കുഞ്ഞ് പിറന്ന സന്തോഷം പങ്കുവെച്ച് താരദമ്പതികള്
തെന്നിന്ത്യന് സിനിമാലോകത്ത് നിറഞ്ഞ് നില്ക്കുന്ന താരദമ്പതികളായിരുന്നു പ്രസന്നയും സ്നേഹയും. കഴിഞ്ഞ വര്ഷമാണ് പ്രസന്ന ആദ്യമായി മലയാളത്തില് അഭിനയിക്കുന്നത്. പൃഥ്വിരാജിനൊപ്പം അഭിനയിച്ച സിനിമയിലെ വില്ലന് വേഷത്തിലൂടെ പ്രസന്ന കേരളത്തില് നിന്നും അതിവേഗമാണ് പ്രേക്ഷക പ്രശംസ സ്വന്തമാക്കിയത്.
വര്ഷങ്ങള്ക്ക് മുന്പ് മുതല് മലയാളത്തിലും തമിഴിലുമായി തിളങ്ങി നില്ക്കുകയായിരുന്നു സ്നേഹ. പ്രസന്നയുമായിട്ടുള്ള വിവാഹത്തോടെ സിനിമയില് നിന്നും ചെറിയ ഇടവേള എടുത്തിരുന്നെങ്കിലും ഇപ്പോള് ടെലിവിഷന് പരിപാടികളിലും മറ്റുമായി സജീവമായിരുന്നു നടി. ഇതിനിടെ താരകുടുംബത്തിലേക്ക് പുതിയൊരു അതിഥി കൂടി എത്തിയിരിക്കുകയാണ്.
രണ്ടാമത്തെ കണ്മണിയ്ക്ക് വേണ്ടിയുള്ള കാത്തിരിപ്പിലായിരുന്നു താരദമ്പതികളായ പ്രസന്നയും സ്നേഹയും. പരമ്പരാഗതമായി നടത്തി വന്നിരുന്ന വളക്കാപ്പ് ചടങ്ങ് വലിയ ആഘോഷത്തോടെ നടത്തിയിരുന്നു. ഈ പരിപാടിയുടെ ചിത്രങ്ങള് പുറത്ത് വിട്ട് കൊണ്ടായിരുന്നു വീണ്ടുമൊരു കുഞ്ഞതിഥി വീട്ടിലേക്ക് വരുന്നതിനെ കുറിച്ച് താരദമ്പതികള് പുറംലോകത്തോട് പറഞ്ഞത്. ഇപ്പോഴിതാ ഇരുവര്ക്കും ഒരു മകള് പിറന്നിരിക്കുകയാണ്. പ്രസന്ന തന്നെയാണ് സോഷ്യല് മീഡിയയിലൂടെ ഈ വാര്ത്ത പുറത്ത് വിട്ടിരിക്കുന്നത്.
പിങ്ക് നിറമുള്ള കുഞ്ഞിന്റെ ഷൂ ഫോട്ടോയാക്കി ആ ചിത്രം പങ്കുവെച്ച താരം 'മാലാഖ എത്തിയിരിക്കുകയാണ്' എന്ന ക്യാപ്ഷനും കൊടുത്തിരുന്നു. മാത്രമല്ല ഈ ഫോട്ടോയ്ക്ക് പിന്നില് അവ്യക്തമായി ആശുപത്രിയില് കിടക്കുന്ന സ്നേഹയെയും കാണാം. അമ്മയും കുഞ്ഞും സുഖമായിരിക്കുന്നു എന്ന് സൂചിപ്പിച്ച് കൊണ്ടാണ് പ്രസന്ന പങ്കുവെച്ച ചിത്രമെന്നാണ് കരുതുന്നത്. പ്രസന്നയുടെ പോസ്റ്റിന് താഴെ താരദമ്പതികള്ക്ക് ആശംസകളുമായി ആരാധകര് എത്തി കൊണ്ടിരിക്കുകയാണ്.
2012 ലായിരുന്നു താരവിവാഹം. ഇരുവര്ക്കും വിഹാന് എന്നൊരു മകന് കൂടിയുണ്ട്. 2008 ലാണ് സ്നേഹയും പ്രസന്നയും ആദ്യം പരിചയപ്പെടുന്നത്. സ്നേഹ നായികയായി അഭിനയിക്കുന്ന ചിത്രത്തില് നായകനായി നിശ്ചയിച്ചിരുന്ന പ്രസന്നയെ സ്നേഹയുടെ നിര്ദ്ദേശപ്രകാരം മാറ്റിയിരുന്നു. ഇതിന് മുന്നോടിയായിട്ടാണ് ഇരുവരും പരിചയപ്പെടുന്നത്. പിന്നീട് 2009 ല് പുറത്തിറങ്ങിയ 'അച്ചമുണ്ട് അച്ചമുണ്ട്' എന്ന ചിത്രത്തിലൂടെയാണ് ഇരുവരും ആദ്യമായി ഒരുമിച്ച് അഭിനയിക്കുന്നത്.
സ്നേഹയെ അടുത്തറിയുന്നത് ഈ സിനിമയില് അഭിനയിച്ചപ്പോഴാണെന്ന് അടുത്തിടെ ഒരു അഭിമുഖത്തില് പ്രസന്ന വെളിപ്പെടുത്തിയിരുന്നു. ജീവിതത്തില് അഭിനയിക്കാത്ത നടിയാണ് സ്നേഹ. അവര്ക്ക് സാധാരണക്കാരി ആകാനാണ് കൂടുതല് താല്പര്യം എന്ന് തിരിച്ചറിഞ്ഞതോടെ ഞങ്ങള് സൗഹൃദമായി. ഇടയ്ക്ക് ചില ഗോസിപ്പുകള് വന്നെങ്കിലും അതെല്ലാം ഞാന് നിഷേധിച്ചിരുന്നു. ഒരു സിനിമാ നടിയെ വിവാഹം ചെയ്യുമെന്ന് സ്വപ്നത്തില് പോലും ചിന്തിക്കാത്ത ആളാണ് ഞാനെന്നും പിന്നീട് അത് തന്നെ നടക്കുകയായിരുന്നെന്നും പ്രസന്ന മുന്പ് പറഞ്ഞിരുന്നു.