തമിഴിലെ 'മഹേഷിന്റെ പ്രതികാര'ത്തിന് ഒരു ഭാഗ്യമുണ്ടായി! അതെന്താണെന്ന് അറിയണോ?

മഹേഷിന്റെ പ്രതികാരം

ദിലീഷ് പോത്തന്‍ സംവിധാനം ചെയ്ത മഹേഷിന്റെ പ്രതികാരം തമിഴിലും നിര്‍മ്മിക്കാന്‍ പോവുകയാണ്. അതിനിടെ സിനിമയുടെ ഷൂട്ടിങ്ങ് ആരംഭിച്ചിരിക്കുകയാണ്.

പ്രിയദര്‍ശന്റെ സംവിധാനം

പ്രിയദര്‍ശനാണ് മഹേഷിന്റെ പ്രതികാരം തമിഴില്‍ സംവിധാനം ചെയ്യുന്നത്. സിനിമയുടെ ചിത്രീകരണം ആരംഭിച്ചതായി പറഞ്ഞ് കൊണ്ട് പ്രിയദര്‍ശന്‍ തന്റെ സോഷ്യല്‍ മീഡിയ പേജിലുടെ ഒരു ചിത്രവും പങ്കുവെച്ചിരുന്നു.

ഇനി ട്വിറ്ററിലും കാണാം

സുഹൃത്തുക്കളെ ഇനി മുതല്‍ നിങ്ങള്‍ക്ക് എന്നെ ട്വിറ്ററിലും കാണാം എന്ന് പറഞ്ഞ് കൊണ്ടാണ് താന്‍ ട്വിറ്ററില്‍ അക്കൗണ്ട് ഉണ്ടാക്കിയ കാര്യം പറഞ്ഞത്.

ആദ്യത്തെ ചിത്രം

തന്റെ ട്വിറ്ററിലെ ആദ്യത്തെ ചിത്രം പോസ്റ്റ് ചെയ്ത കൊണ്ടാണ് പ്രിയദര്‍ശന്‍ പുതിയ സിനിമയുടെ ചിത്രീകരണം തുടങ്ങിയ കാര്യം പുറത്ത് വിട്ടിരിക്കുന്നത്.

മഹേഷിന്റെ പ്രതികാരം കോപ്പിയടി അല്ല

മലയാളത്തില്‍ നിര്‍മ്മിച്ചതില്‍ നിന്നും ഏറെ വ്യത്യസ്തമായിട്ടാണ് ചിത്രം തമിഴില്‍ എത്തുന്നത്. തമിഴ് നാട്ടിലുള്ളവരുടെ ഇഷ്ടത്തിനനുസരിച്ചാണ് താന്‍ സിനിമ നിര്‍മ്മിക്കുന്നതെന്ന് സംവിധായകന്‍ മുമ്പ് തന്നെ പറഞ്ഞിരുന്നു.

തെങ്കാശിയില്‍ തുടക്കം

ഇടുക്കിയെ പശ്ചാതലമാക്കിയാണ് മലയാളത്തില്‍ സിനിമ എത്തിയതെങ്കില്‍ തമിഴില്‍ അത് തേനി, കമ്പം, തെങ്കാശി എന്നിങ്ങനെയുള്ള സ്ഥലമായിരിക്കും. ഇപ്പോള്‍ ചിത്രീകരണം ആരംഭിച്ചിരിക്കുന്നത് തെങ്കാശിയിലാണ്.