എനക്ക് ഇന്നൊരു മുഖമിരിക്ക്..!! വീണ്ടും നയൻതാരയ്ക്കെതിരെ രാധാ രവി... മാപ്പ് പറയില്ലെന്ന് നടൻ

ചെയ്തത് കൊലകുറ്റമല്ല

നയൻസിനെ ആക്ഷേപിച്ച സംഭവത്തിൽ താൻ മാപ്പ് പറയാന്‌ ഉദ്യേശിക്കുന്നില്ലെന്ന് രാധാ രവി വ്യക്തമാക്കിയിട്ടുണ്ട്. മാപ്പ് പറയാൻ താൻ കൊലക്കുറ്റമൊന്നും ചെയ്തിട്ടില്ലെന്ന് നടൻ പറ‍ഞ്ഞു. ഒരു സിനിമ പ്രേമോഷന്റെ ഭാഗമായി നടത്തിയ പത്ര സമ്മേളനത്തിൽ സംസാരിക്കവെയാണ് ഇക്കാര്യം വെളിപ്പെടുത്തിയത്.

ഭയം എന്തെന്ന് അറിയില്ല

ഭയം എന്തെന്ന് അറിയാത്ത ഒരു കുടുംബത്തിൽ ജനിച്ചു വളർന്ന ആളാണ് താൻ. താൻ കൊലക്കുറ്റം ചെയ്തിട്ടില്ലെന്നും അതു കൊണ്ട് നടിയോട് താൻ ഒരിക്കലും മാപ്പ് പറയില്ലെന്നും അദ്ദേഹം പറഞ്ഞു.അന്ന് തന്റെ പ്രസംഗത്തിന് മാധ്യമ പ്രവർത്തകർ അടക്കം കയ്യടിച്ചതാണ്. അന്ന് ഇതിനെ കുറിച്ച് ആരും ഒന്നും മിണ്ടിയിരുന്നില്ല. മോശം പരാമർശമാണെങ്കിൽ അപ്പോൾ തന്നെ പ്രതികരിക്കണമായിരുന്നു എന്നും രാധാരവി പറഞ്ഞു.

നയൻതാരയുടെ സ്വകാര്യ ജീവിതം

തമിഴ് ജനത എല്ലാ കാര്യവും പെട്ടെന്ന് മറക്കുന്ന വരാണ് ശിവാജി ഗണേശൻ, രജനികാന്ത്, ജയലളിത എന്നിവരുടെ കൂട്ടത്തിൽ ഒരിക്കലും നയൻസിനെ ഉൾപ്പെടുത്തരുതെന്നും അവരോടൊപ്പം ൻടിയെ താരതമ്യം ചെയ്യരുതെന്നും രാധാ രവി പറഞ്ഞു. നയൻ താരയുടെ ജീവിതത്തിൽ നടന്ന കാര്യങ്ങളൊക്കെ എല്ലാവർക്കും അറിയാം എന്നാൽ തമിഴ് ജനത പണ്ടത്തെ കാര്യങ്ങളൊക്കെ വേഗം മറക്കുന്നു വരാണെന്നും അന്നത്തെ പ്രസംഗത്തിൽ പറഞ്ഞിരുന്നു. കൂടാതെ താരത്തിന്റെ സ്വകാര്യ ജീവിതത്തെ കുറിച്ചും പ്രതിപാദിച്ചിരുന്നു.

നയൻസിന്റെ കഥാപാത്രങ്ങൾ

നയൻതാര ഒരേ സമയം തെലുങ്കിൽ സീതയായും തമിഴിൽ പ്രേതമായും അഭിനയിക്കും. പണ്ടത്തെ കാലത്ത് കെ ആർ വിജയയെ പോലെയുളളവരായിരുന്നു സീതിയായി അഭിനയിക്കുന്നത്. ഇന്ന് ആ വേഷം ആർക്ക് വേണോ ചെയ്യാം. ഏത് സ്വഭാവമുളളവർക്കും സീതയാകമെന്നായിരുന്നു രാധാ രവിയുടെ പരാമർശം. ഇത് വലിയ വിവാദം സൃഷ്ടിച്ചിരുന്നു.

നയൻസിനെതിരെ മോശം പറഞ്ഞില്ല

അതേസമയം തന്റെ വാക്കുകൾ മാധ്യമങ്ങളും മറ്റും ചേർന്ന് വളച്ചൊടിക്കുകയായിരുന്നു. താനിയ്ക്ക് നയൻസുമായി ഒരു പ്രശ്നവുമില്ല. രണ്ട് തവണയാണ് ആകെ കണ്ടിട്ടുള്ളത്. താൻ അവർക്കെതിരെ നല്ലത് മാത്രമാണ് പറഞ്ഞതെന്നും രാധാ രവി പറഞ്ഞിരുന്നു. നടന്റെ വിവാദ പ്രസ്തവാനയ്ക്കെതിരെ സഹോദരിയും നടിയുമായ രാധികം ശരത് കുമാർ ഉൾപ്പെടെയുള്ളവർ രംഗത്തെത്തിയിരുന്നു. പ്രശ്നം ശാന്തമായപ്പോഴായിരുന്നു നടന്റെ പ്രതികരണം