Click it and Unblock the Notifications
പാതിവഴിയിൽ ഷോ ഉപേക്ഷിച്ച് സരിക; കാരണം കമലുമായുള്ള അടുപ്പം; എല്ലാം ഇട്ടെറിഞ്ഞ് ജീവിതമാരംഭിച്ചെങ്കിലും...
നടൻ കമൽ ഹാസന്റെ ജീവിതത്തിൽ വന്ന് പോയ സ്ത്രീകൾ ഇന്നും സിനിമാ ലോകത്ത് ചർച്ചയാകാറുണ്ട്. തെന്നിന്ത്യൻ സിനിമാ രംഗത്ത് ഏറ്റവും കൂടുതൽ ഗോസിപ്പ് കോളങ്ങളിൽ ചർച്ചയായ നടൻ ഇന്നും കമൽ ഹാസൻ തന്നെയാണ്. നടി ശ്രീവിദ്യയായിരുന്നു സിനിമയിലെ തുടക്ക കാലത്ത് കമൽ ഹാസന്റെ കാമുകി. അപൂർവ രാഗങ്ങൾ എന്ന സിനിമയിൽ ഒരുമിച്ച് അഭിനയിക്കവെയാണ് ശ്രീവിദ്യയും കമലും പ്രണയത്തിലാകുന്നത്. എന്നാൽ ഒരു ഘട്ടത്തിൽ ഇവർ പിരിഞ്ഞു. നർത്തകി വാണി ഗണപതിയെ കമൽ വിവാഹം ചെയ്തു.
വാണി ഗണപതിയുമായുള്ള വിവാഹബന്ധം നിലനിൽക്കെയാണ് നടി സരികയുമായി കമൽ അടുക്കുന്നത്. അന്ന് മുംബെെയിൽ അറിയപ്പെടുന്ന നടിയാണ് സരിക. കമൽ-സരിക ബന്ധം അക്കാലത്ത് വലിയ ചർച്ചയായിരുന്നു. വാണി ഗണപതിയുടെ വിവാഹ ജീവിതം തകർത്തന്നെ കുറ്റപ്പെടുത്തൽ സരികയ്ക്കും ഭാര്യയെ ഉപേക്ഷിച്ച് പോയെന്ന കുറ്റപ്പെടുത്തൽ കമലിനും കേൾക്കേണ്ടി വന്നു.
വാണി ഗണപതിയുമായി പിരിഞ്ഞ ശേഷം 1988 ൽ കമൽ സരികയെ വിവാഹം ചെയ്തു. വിവാഹത്തിന് മുമ്പേ ഇവർ ഒരുമിച്ചാണ് കഴിഞ്ഞിരുന്നത്. 1986 ൽ ആദ്യത്തെ മകൾ ശ്രുതി ഹാസൻ ജനിച്ചു. 1999 ൽ രണ്ടാമത്തെ മകൾ അക്ഷര ഹാസനും ജനിച്ചു. 1984 ൽ രാജ് തിലക് എന്ന സിനിമയുടെ സെറ്റിൽ വെച്ചാണ് കമലും സരികയും അടുക്കുന്നത്. സരികയെക്കുറിച്ച് നടൻ കൻവൽജിത് സിംഗ് പറഞ്ഞ വാക്കുകളാണിപ്പോൾ ശ്രദ്ധ നേടുന്നത്. തന്നോടൊപ്പം അഭിനയിക്കാനിരുന്ന ചപ്തേ ചപ്തേ എന്ന ടിവി ഷോയിൽ നിന്ന് സരിക പാതി വഴിയിൽ പിന്മാറിയതിനെക്കുറിച്ചാണ് കൻവൽജിത് സിംഗ് സംസാരിച്ചത്.
കമൽ ഹാസനുമായി പ്രണയത്തിലായതോടെ പ്രൊജക്ടിൽ നിന്ന് സരിക പിന്മാറിയെന്നാണ് കൻവൽജിത് സിംഗ് പറയുന്നത്. സരികയായിരുന്നു എനിക്കൊപ്പം അഭിനയിക്കുന്നത്. അവർ മദ്രാസിലെ ഒരാൾക്കൊപ്പം പ്രണയത്തിലായി. ഷോ പാതിവഴിയിൽ ഉപേക്ഷിച്ച് അവൾ പോയി. സരികയ്ക്ക് പകരം അനുരാധ പട്ടേൽ നായികയായെത്തി. അനുരാധ പിന്നീട് തന്റെ ഭാര്യയായെന്നും കൻവൽജിത് സിംഗ് ചൂണ്ടിക്കാട്ടി.
ബാലതാരമായി അഭിനയ രംഗത്തേക്ക് വന്നതാണ് സരിക. പിന്നീട് നായികയായും തിളങ്ങി. എന്നാൽ മുൻനിര താരമായില്ല. അതിന് മുമ്പേ കമലിനൊപ്പമുള്ള ജീവിതത്തിലേക്ക് കടന്നു. സരികയുടെ ബാല്യത്തിൽ അച്ഛൻ മരിച്ചു. അഞ്ച് വയസ് മുതൽ സരിക അഭിനയം തുടങ്ങി. സരികയ്ക്ക് കിട്ടുന്ന വരുമാനത്തിലായിരുന്നു അന്ന് കുടുംബം കഴിഞ്ഞത്. ഗീത് ഗാത ചൽ ആണ് നായികയായുള്ള ആദ്യ സിനിമ. പിന്നീട് റസിയ സുൽത്താൻ, ജാനി ദുശ്മൻ, ഗൃഹ പ്രവേശ്, പർസനിയ. ബാബുൽ തുടങ്ങിയ സിനിമകളിൽ അഭിനയിച്ചു.
അക്കാലത്ത് സരികയുടെ അമ്മയായിരുന്നു നടിയുടെ സാമ്പത്തിക കാര്യങ്ങൾ നോക്കിയിരുന്നത്. കമലുമായി ജീവിതം തുടങ്ങിയതോടെ സരിക കരിയറും മുംബൈയും വിട്ട് ചെന്നെെയിലേക്ക് പോയി. എന്നാൽ 2002 ഓടെ ഇവർ അകന്നു. 2004 ൽ നിയമപരമായി വിവാഹമോചിതരായി. റിപ്പോർട്ടുകൾ പ്രകാരം മുംബെെയിലെ സ്വത്തുക്കളെല്ലാം സരികയ്ക്ക് അപ്പോഴേക്കും നഷ്ടപ്പെട്ടിരുന്നു.
Continue with Google