സ്വാതന്ത്ര്യത്തോടെ, പേടികൂടാതെ ജീവിക്കാന്‍ സ്വാതന്ത്ര്യ ദിനത്തില്‍ ചിമ്പു അത് ഉപേക്ഷിച്ചു!!!

പോസിറ്റീവല്ല നെഗറ്റീവ്

പോസ്റ്റീവ് ചിന്തകളല്ല നെഗറ്റീവ് ചിന്തകളാണ് സോഷ്യല്‍ മീഡിയ തനിക്ക് നല്‍കുന്നതെന്ന് ചിമ്പു ട്വീറ്ററിലെ അവസാന സന്ദേശത്തില്‍ പറഞ്ഞു. ഒരു സെലിബ്രിറ്റിക്ക് സോഷ്യല്‍ മീഡിയ അത്യാവശ്യമാണെന്ന് തിരിച്ചറിഞ്ഞിട്ടും ചിമ്പും അത് ഉപേക്ഷിക്കുന്നതിന് പിന്നില്‍ ശക്തമായ കാരണങ്ങളുണ്ട്.

വിട പറയന്നതിന് മുമ്പ്

'സോഷ്യല്‍ മീഡിയ അത്യാവശ്യമാണെന്ന് തനിക്കറിയാമെങ്കിലും ഹൃദയത്തെ പിന്തുടരാനാണ് എനിക്ക് താല്പര്യം. അതില്‍ തന്നെ വിടപറയുന്നതിന് മുമ്പായി ഒരു കാര്യം പറയാന്‍ ആഗ്രഹിക്കുന്നു. എപ്പോഴും സ്‌നേഹിക്കുക. എല്ലാവര്‍ക്കും സ്വാതന്ത്ര്യ ദിനാശംസകള്‍.' ഇതായിരുന്നു ചിമ്പുവിന്റെ ലാസ്റ്റ് പോസ്റ്റ്.

ട്വിറ്റ് വിവാദം

ചിമ്പുവിന്റെ പേരിലുള്ള ട്വിറ്റര്‍ അക്കൗണ്ടില്‍ നിന്നും അടുത്തിടെ ചില വ്യാജ ട്വീറ്റുകള്‍ വന്നിരുന്നു. അത് ചിമ്പുവിനെ ഏറെ വിഷമിപ്പിച്ചിരുന്നു. ചിമ്പുവിന്റേതെന്ന് കരുതി പ്രചരിച്ച ട്വീറ്റുകള്‍ വൈറലായതോടെ അത് വ്യാജമാണെന്ന് പറഞ്ഞ് താരം രംഗത്തെത്തി.

ഓവിയയും ചിമ്പുവും

ബിഗ് ബോസ് റിയാലിറ്റി ഷോയിലൂടെ തമിഴ് പ്രേക്ഷകരുടെ പ്രിയ താരമായി മാറിയ ഓവിയയുമായി ബന്ധപ്പെടുത്തിയായിരുന്നു ട്വീറ്റ്. ഓവിയയെ വിവാഹം കഴിക്കാന്‍ ചിമ്പു തയാറാണെന്ന് പറഞ്ഞായിരുന്നു ട്വീറ്റ്. ഷോയിലെ മത്സാരാര്‍ത്ഥിയായ ആരവുമായുള്ള പ്രണയം തകര്‍ന്നതിന്റെ മനോവിഷമത്തിലായിരുന്നു ഓവിയ ഷോ പൂര്‍ത്തിയാക്കാതെ പുറത്ത് പോയത്.

ചിമ്പുവിനെ വേദനിപ്പിച്ചു

തന്റെ പേര് നശിപ്പിക്കുക എന്ന ലക്ഷ്യത്തോടെ ചിലര്‍ പ്രവര്‍ത്തിക്കുന്നുണ്ട്. ഇതാദ്യമല്ല അവരുടെ ഭാഗത്ത് നിന്നും നീക്കങ്ങളുണ്ടാകുന്നത്. പക്ഷെ, ബിഗ് ബോസ് മത്സരാര്‍ത്ഥിയായ നടിയുമായി ബന്ധപ്പെടുത്തി തനിക്കെതിരെ വന്ന വാര്‍ത്ത ശരിക്കും വേദനിപ്പിച്ചുവെന്ന് താരം പറഞ്ഞിരുന്നു.

അവസാനത്തെ താക്കീത്

ഈ വ്യാജ വാര്‍ത്തയ്ക്ക് പിന്നില്‍ പ്രവര്‍ത്തിച്ചത് ആരാണെന്ന് തനിക്ക് അറിയാം. ഇത് അവര്‍ക്കുള്ള അവസാനത്തെ താക്കീതാണ്. ഇനിയും ഇത് ആവര്‍ത്തിച്ചാല്‍ മറുപടി വേറെ രീതിയിലായിരിക്കുമെന്നും ചിമ്പു വ്യക്തമാക്കിയിരുന്നു. അതിന് പിന്നാലെയാണ് ട്വിറ്റര്‍ ഉപേക്ഷിക്കാനുള്ള തീരുമാനം താരം എടുത്തത്.