തമിഴില്‍ മികച്ച് നില്‍ക്കുന്നതാര്? ധനുഷും സൂര്യയുമെന്ന് ആരാധകന്‍, തെറ്റ് ചൂണ്ടി കാണിച്ച് നിരൂപകന്‍

തമിഴ് സിനിമാലോകത്തെ മിന്നും താരങ്ങളാണ് വിജയ്, അജിത്ത്, സൂര്യ, ധനുഷ് എന്നിവര്‍. ഓരോരുത്തരും അവര്‍ക്ക് ലഭിക്കുന്ന സിനിമകള്‍ സൂപ്പര്‍ ഹിറ്റാക്കി മാറ്റുന്നതില്‍ മുന്‍പന്തിയിലുള്ളവരാണ്. എന്നാല്‍ ഇവരുടെ സിനിമാ ചരിത്രം പരിശോധിക്കുമ്പോള്‍ ബ്ലോക്ക്ബസ്റ്റര്‍ മൂവികളുടെയും ഹിറ്റ് സിനിമകളുടെയും പേരില്‍ ചിലര്‍ മുന്നിലെത്തിയതായി അനുമാനിക്കാം. അങ്ങനെ ട്വിറ്ററിലൂടെ വൈറലായ ഒരു ട്വീറ്റിനെ കുറിച്ച് വാര്‍ത്തകള്‍ വന്നിരിക്കുകയാണ്. നാല് താരങ്ങളുടെയും ഫിലിമോഗ്രാഫി പരിശോധിക്കുമ്പോള്‍ സൂര്യയും ധനുഷും ആണ് മുന്നില്‍ നില്‍ക്കുന്നത്. അജിത്തും വിജയിയും തൊട്ട് പിന്നിലാണ്. എന്നാല്‍ ഇത് തെറ്റാണെന്ന് ചൂണ്ടി കാണിച്ച് പ്രമുഖരും എത്തിയിരിക്കുകയാണ്.

ട്വീറ്റില്‍ പറഞ്ഞ പ്രകാരം സൂര്യയുടേതായി റിലീസിനെത്തിയിരിക്കുന്നത് 36 ഓളം സിനിമകളാണ്. കഴിഞ്ഞ ആഴ്ച റിലീസ് ചെയ്ത കാപ്പാന്‍ ഇക്കൂട്ടത്തില്‍ പെടുത്തിയിട്ടില്ല. ഇതില്‍ 4 ബ്ലോക്ക്ബസ്റ്റര്‍ സിനിമകളും 6 സൂപ്പര്‍ഹിറ്റുകളും 10 ഹിറ്റ് സിനിമകളുമാണ് സൂചിപ്പിച്ചിരിക്കുന്നത്. 8 സിനിമകള്‍ പരാജയമാവുകയും 8 എണ്ണം ആവറേജ് പ്രകടനം നടത്തിയതുമാണ്. അജിത്തിന് 52 സിനിമകളില്‍ 4 ബ്ലോക്ക്ബസ്റ്റര്‍, 6 സൂപ്പര്‍ഹിറ്റ്, 9 ഹിറ്റ് ഉണ്ട്, വിജയിയ്ക്ക് 61 സിനിമകള്‍. 5 ബ്ലോക്ക്ബസ്റ്റര്‍, 5 സൂപ്പര്‍ ഹിറ്റ്, 11 സൂപ്പര്‍ഹിറ്റ്.

ധനുഷിന് 1 ബ്ലോക്ക്ബസ്റ്റര്‍, 6 സൂപ്പര്‍ഹിറ്റ്, 7 ഹിറ്റ് സിനിമകളും. ഇതില്‍ പരാജയ ചിത്രങ്ങളുടെ എണ്ണം കൂടുതല്‍ വിജയിക്കാണ്. 15 സിനിമകള്‍ ആവേറജ് ആയി പറഞ്ഞതിനൊപ്പം വിജയിയുടെ 25 ഓളം സിനിമകള്‍ പരാജയമായിരുന്നെന്നാണ് റിപ്പോര്‍ട്ട്. താരങ്ങളുടെ എല്ലാവരുടെയും സിനിമകളെ കുറിച്ച് ഇങ്ങനൊണ് റിപ്പോര്‍ട്ട് വന്നത്. എന്നാല്‍ ഇത് തെറ്റാണെന്ന് സൂചിപ്പിച്ച് കൊണ്ടുള്ള മറുപടിയുമായി ആരാധകരുമെത്തി. ട്വിറ്ററിലൂടെ തന്നെയാണ് സിനിമകളുടെയും താരങ്ങളുടെയും പേരില്‍ പോരാട്ടം നടന്ന് കൊണ്ടിരിക്കുന്നത്.

പ്രമുഖ സിനിമ നിരൂപകനായ കൗഷിക് എല്‍ എം ആണ് പ്രചരിച്ച റിപ്പോര്‍ട്ടിലെ തെറ്റ് ചൂണ്ടി കാണിച്ച് എത്തിയിരിക്കുന്നത്. തല അജിത്ത് ഇതിനകം 59 ഓളം സിനിമകളില്‍ അഭിനയിച്ചു. എന്നാല്‍ 52 സിനിമയേ പട്ടികയില്‍ ഉള്ളു. അതില്‍ തന്നെ 2 ബ്ലോക്ക്ബസ്റ്ററും 3 ഹിറ്റ് സിനിമകളും ഒഴിവാക്കിയിരിക്കുകയാണെന്നാണ് കൗഷിക് പറയുന്നത്. വിജയിയ്ക്ക് 62 വസിനിമകളാണ് ഇതുവരെ ഉള്ളത്. എന്നാല്‍ 61 സിനിമകളാണ് പട്ടികയിലുള്ളതെന്നും അദ്ദേഹം സൂചിപ്പിച്ചിരിക്കുകയാണ്. ധനുഷിന്റെയും സൂര്യയുടെയും സിനിമകളും ഇതുപോലെ തന്നെയാണെന്നും വ്യക്തമാണ്.