സിനിമയിലേക്ക് വരാന്‍ കാരണം ഹൃത്വിക് റോഷനാണെന്ന് തമന്നയുടെ വെളിപ്പെടുത്തല്‍!

ഹൃത്വികും തമന്നയും തമ്മിലുള്ള ആത്മബന്ധം

തമന്നയും ഹൃത്വികും തമ്മിലുള്ള ആത്മബന്ധത്തെക്കുറിച്ച് കഴിഞ്ഞ ദിവസമാണ് എല്ലാവര്‍ക്കും മനസ്സിലായത്. തമന്ന തന്നെയാണ് ഹൃത്വികുമൊത്തുള്ള ചിത്രങ്ങള്‍ ഇന്‍സ്റ്റഗ്രാമിലൂടെ പങ്കുവെച്ചത്.

ഹൃത്വികിനെ കണ്ടുമട്ടിയപ്പോള്‍

പ്രിയപ്പെട്ട താരമായ ഹൃത്വിക് റോഷനെ കാണാനുള്ള ഭാഗ്യം അടുത്തിടെയാണ് തമന്നയ്ക്ക് ലഭിച്ചത്. ഫറാ ഖാന്‍ അവതരിപ്പിക്കുന്ന ലിപ് സിങ്ക് ബാറ്റില്‍ ഷോയുടെ റിഹേഴ്‌സലിനായി യാഷ് രാജ് സ്റ്റുഡിയോയിലേക്ക് പോയപ്പോഴാണ് ആ കൂടിക്കാഴ്ച നടന്നത്.

തുടക്കം മുതല്‍ അറിയാം

താന്‍ സിനിമയിലെത്താന്‍ കാരണക്കാരന്‍ ഹൃത്വികാണ്. തുടക്കം മുതലേ അദ്ദേഹത്തെ അറിയാം. അദ്ദേഹത്തിന്റെ ആത്മാര്‍ത്ഥയും സിനിമയോടുള്ള അര്‍പ്പണ ബോധവും തന്നെ പ്രചോദിപ്പിച്ചിട്ടുണ്ടെന്നും തമന്ന പറയുന്നു.

ഇഷ്ടപ്പെട്ട നടന്‍

തനിക്ക് ഏറെ ഇഷ്ടമുള്ള താരം കൂടിയാണ് ഹൃത്വിക് റോഷന്‍. നൃത്തത്തെ ഏറെ ഇഷ്ടപ്പെടുന്ന താന്‍ ഇക്കാര്യത്തിലും അദ്ദേഹത്തെ തന്നെയാണ് മാതൃകയാക്കുന്നത്.

ഒപ്പം അഭിനയിക്കാന്‍ ആഗ്രഹമുണ്ട്

അവസരരം കിട്ടിയാല്‍ ഹൃത്വികിനോടൊപ്പം അഭിനയിക്കാനും തനിക്ക് ആഗ്രഹമുണ്ടെന്ന് താരം പറയുന്നു. ഏറെ പ്രിയപ്പെട്ട താരത്തോടൊപ്പം അഭിനയിക്കാനുള്ള അവസരം തമന്നയ്ക്ക് ലഭിക്കണമെന്നാണ് ആരാധകര്‍ ആഗ്രഹിക്കുന്നത്.

കാണണമെന്ന് ആഗ്രഹിച്ചിരുന്നു

ഒരുപാട് ഇഷ്ടമുള്ള താരമായിരുന്നുവെങ്കിലും ഇതുവരെ അദ്ദേഹത്തെ നേരില്‍ കാണാന്‍ സാധിച്ചിരുന്നില്ല. ഇപ്പോല്‍ ആ മോഹവും സഫലമായിരിക്കുകയാണ്. വളരെ വിനീതനായ വ്യക്തിയാണ് അദ്ദേഹം. മുന്‍പൊരിക്കലും ഫോട്ടോയെടുക്കുമ്പോള്‍ താന്‍ ഇത്ര നെര്‍വസായിട്ടില്ലെന്നും തമന്ന ഇന്‍സ്റ്റഗ്രാമില്‍ കുറിച്ചിട്ടുണ്ട്.