തമിഴിലെ മമ്മൂട്ടിയാണ് സൂര്യ! കോടികള്‍ വാരിക്കൂട്ടി ബോക്‌സ് ഓഫീസില്‍ തരംഗമായി താനാ സേര്‍ന്ത കൂട്ടം!!

താനാ സേര്‍ന്ത കൂട്ടം

സൂര്യയെ നായകനാക്കി വിഘ്‌നേശ്് ശിവന്‍ സംവിധാനം ചെയ്ത സിനിമയാണ് താനാ സേര്‍ന്ത കൂട്ടം. കീര്‍ത്തി സുരേഷാണ് ചിത്രത്തിലെ നായിക. പൊങ്കലിന് മുന്നോടിയായി ജനുവരി 12 ന് റിലീസിനെത്തിയ സിനിമയ്ക്ക് മികച്ച പ്രതികരണമായിരുന്നു കിട്ടിയിരുന്നത്. ആദ്യദിനം തന്നെ ഞെട്ടിക്കുന്ന കളക്ഷനാണ് സിനിമ ബോക്‌സ് ഓഫീസില്‍ നേടിയിരിക്കുന്നത്.

ചെന്നൈയില്‍ മാത്രം..

സിനിമ പലയിടത്തും പ്രദര്‍ശനത്തിനെത്തിയിരുന്നെങ്കിലും ചെന്നൈയില്‍ ബിഗ് റിലീസായിരുന്നു. സിനിമ വിമര്‍ശനകനായ രമേഷ് ബാല പുറത്ത് വിട്ട ട്വീറ്റില്‍ ചെന്നൈയില്‍ നിന്നും സിനിമ 74 ലക്ഷമാണ് ബോക്‌സ് ഓഫീസില്‍ കളക്ഷന്‍ നേടിയതെന്നാണ് പറഞ്ഞിരിക്കുന്നത്.

വിദേശത്തും,..

യുഎസ്എ യിലും സിനിമ മോശമില്ലാത്ത പ്രകടനമാണ് കാഴ്ച വെച്ചിരിക്കുന്നത്. തരണ്‍ ആദര്‍ശ് പുറത്ത് വിട്ട റിപ്പോര്‍ട്ടുകള്‍ പ്രകാരം താനാ സേര്‍ന്ത കൂട്ടം അവിടെ നിന്നും 26 ലക്ഷമാണ് റിലീസ് ദിനത്തില്‍ സ്വന്തമാക്കിയിരിക്കുന്നതെന്നാണ് പറയുന്നത്.

കേരളത്തിലും തരംഗം

താനാ സേര്‍ന്ത കൂട്ടത്തിന് കേരളത്തിലും ഗംഭീര വരവേല്‍പ്പാണ് കിട്ടിയിരിക്കുന്നത്. ജനുവരി 12 ന് മലയാളത്തില്‍ നിന്നും രണ്ട് സിനിമകളും തമിഴില്‍ നിന്ന് വിക്രമിന്റെ സിനിമയും കേരളത്തില്‍ റിലീസ് ചെയ്തിരുന്നു. മത്സരിച്ചാണ് എത്തിയിരുന്നതെങ്കിലും സിനിമ മോശമില്ലാത്ത പ്രകടനമാണ് കാഴ്ച വെച്ചിരുന്നത്.

ബിഗ് കളക്ഷന്‍

പ്രേക്ഷകരുടെ നല്ല വിലയിരുത്തല്‍ കിട്ടിയതോടെ വരും ദിവസങ്ങളില്‍ സിനിമ വലിയൊരു കളക്ഷന്‍ നേടുമെന്നാണ് കരുതുന്നത്. മുമ്പ് സൂര്യയുടെ സിങ്കം 3 കേരളത്തില്‍ നിന്നും 20 കോടിയാണ് കളക്ഷന്‍ നേടിയിരുന്നത്. അതിനെ താനാ സേര്‍ന്ത കൂട്ടം മറികടക്കുമെന്ന കാര്യത്തില്‍ ഉറപ്പാണ്.