മലയാളത്തിന്റെ വില്ലനാണ്; 14 വയസിൻ്റെ വ്യത്യാസമുണ്ടെങ്കിലും രാഹുല്‍ ദേവുമായിട്ടുള്ള പ്രണയത്തെ കുറിച്ച് മുക്ത

വളരെയധികം ജനപ്രീതി നേടിയ നടനാണ് രാഹുല്‍ ദേവ്. ബാല്യകാല സുഹൃത്തായിരുന്ന റീനയെ ആണ് താരം വിവാഹം കഴിക്കുന്നത്. വര്‍ഷങ്ങളോളം ഇരുവരും വളരെ സന്തുഷ്ടരായി ദാമ്പത്യ ജീവിതം മുന്നോട്ട് കൊണ്ട് പോയി. ഇതിനിടയിലാണ് റീനയ്ക്ക് ക്യാന്‍സര്‍ വരുന്നതും 2009 ല്‍ മരിക്കുന്നതും. റീനയുമായുള്ള ബന്ധത്തില്‍ ഒരു കുഞ്ഞും താരത്തിനുണ്ട്. ഭാര്യയുടെ വേര്‍പാട് കഴിഞ്ഞ് വര്‍ഷങ്ങള്‍ക്കിപ്പുറം രാഹുല്‍ മറ്റൊരു പ്രണയത്തിലാണെന്ന വാര്‍ത്തകളാണ് ശ്രദ്ധേയമാവുന്നത്.

കഴിഞ്ഞ വര്‍ഷങ്ങളില്‍ നടി മുക്ത ഗോഡ്സെയുമായി രാഹുല്‍ ഡേറ്റിങ്ങിലാണെന്ന് അഭ്യൂഹങ്ങളാണ് വ്യാപകമായി പ്രചരിക്കപ്പെട്ടത്. തുടക്കത്തില്‍ ഇതേ കുറിച്ച് താരങ്ങള്‍ വ്യക്തത വരുത്തിയിരുന്നില്ല. എന്നാല്‍ 2015 ല്‍ പ്രണയം സത്യമാണെന്ന് ഇരുവരും വ്യക്തമാക്കുകയും ചെയ്തു. പിന്നീട് ഇവരെ കുറിച്ച് കൂടുതല്‍ വിവരങ്ങളൊന്നും ഇല്ലായിരുന്നു. ഇപ്പോഴിതാ പ്രണയത്തെ കുറിച്ച് മുക്ത ചില വെളിപ്പെടുത്തലുകള്‍ നടത്തിയിരിക്കുകയാണ്.

രാഹുലിനൊപ്പം ആയിരിക്കുന്ന സമയങ്ങളിള്‍ ഞാന്‍ അത്രയധികം കംഫര്‍ട്ടിബിള്‍ ആണെന്നാണ് മുക്ത പറയുന്നത്. എനിക്ക് രാഹുലുമായി പതിനാല് വയസിന്റെ വ്യത്യാസമുണ്ട്്. അതൊന്നും ഞങ്ങള്‍ക്കിടയില്‍ ഒരു പ്രശ്നങ്ങളും ഇതുവരെ സൃഷ്ടിച്ചിട്ടില്ല. ഈ ബന്ധത്തിലൂടെ രണ്ട് പേര്‍ക്കും വലിയ മാറ്റങ്ങളാണ് ജീവിതത്തില്‍ ഉണ്ടായിരിക്കുന്നതെന്നും അടുത്തിടെ ഒരു അഭിമുഖത്തിലൂടെ മുക്ത പറയുന്നു. രാഹുലുമായുള്ള പ്രണയം നല്ലൊരു തീരുമാനമായിരുന്നുവെന്ന് കൂടി നടി സൂചിപ്പിച്ചിരിക്കുകയാണ്.

മോഹന്‍ലാലിന്റെയും മമ്മൂട്ടിയുടെയുമൊക്കെ സിനിമകളില്‍ വില്ലന്‍ വേഷത്തിലെത്തി മലയാളത്തില്‍ ശ്രദ്ധ പിടിച്ച് പറ്റിയ താരമാണ് രാഹുല്‍ ദേവ്. മുക്ത അരവിന്ദ് സ്വാമിയുടെ ഭാര്യയായി തനി ഒരുവന്‍ എന്ന ചിത്രത്തിലഭിനയിച്ച് കൈയടി വാങ്ങിയിരുന്നു. താരദമ്പതിമാര്‍ക്ക് എല്ലാവിധ ആശംസകളും അറിയിക്കുകയാണ് ആരാധകര്‍. എന്നും സന്തുഷ്ടരായി കഴിയണമെന്നുള്ള ഉപദേശവും ആരാധകര്‍ നല്‍കുന്നു.