പ്രഭുദേവ ചിത്രത്തില്‍ വേദിക, വേദിക ഒരു ഭാഗ്യ നടിയോ?

പ്രഭുദേവ അടുത്തതായി നിര്‍മ്മിക്കുന്ന ചിത്രത്തില്‍ വേദിക നായികയായി എത്തുന്നു. വിനോദ് രാജാണ് ഈ പുതിയ ചിത്രം സംവിധാനം ചെയ്യുന്നത്. ചിത്രം ഒരു ഇമോഷണല്‍ ത്രില്ലറാണെന്നാണ് അറിയുന്നത്.

രാഷ്ട്രീയക്കാരനും നടനുമായ ഇസാരി വേലന്റെ ചെറുമകന്‍ വരുണും ചിത്രത്തില്‍ പ്രധാന വേഷത്തിലെത്തുന്നുണ്ട്. സെപ്തംബറിലാണ് ചിത്രത്തിന്റെ ഷൂട്ടിങ് ആരംഭിക്കുന്നത്.

പരദേശി,കാവ്യതലൈവന്‍ എന്നീ ചിത്രങ്ങളിലേതു പോലെ ഈ ചിത്രത്തിലും വളരെ പ്രാധാന്യമുള്ള വേഷമാണ് വേദിക അവതരിപ്പിക്കുന്നത്. തന്റെ അഭിയ കഴിവുകള്‍ പ്രകടിപ്പിക്കാനാകുന്ന വേഷങ്ങള്‍ കിട്ടുന്നതില്‍ താന്‍ ഭാഗ്യവതിയാണെന്നും വേദിക പറയുന്നു.

ശിലിംഗ എന്ന കന്നട ചിത്രത്തിലാണ് വേദിക ഇപ്പോള്‍ അഭിനയിച്ചുക്കൊണ്ടിരിക്കുന്നത്. മലയാളത്തില്‍ പൃഥിരാജിന്റെ നായികയായും വേദിക ഒരു ചിത്രത്തില്‍ അഭിനയിക്കും.