ഭാര്യയായതിന് ശേഷം ഇത് ആദ്യമായിട്ടാണ്; നീയിപ്പോൾ കൂടുതൽ സുന്ദരിയാണ്, നയൻതാരയുടെ പിറന്നാൾ ദിനത്തിൽ വിഘ്‌നേശ്

നയന്‍, ഞാന്‍ നിന്റെ കൂടെ ഉണ്ടായിരുന്ന ഒന്‍പതാമത്തെ ജന്മദിനമാണിന്ന്. നിന്റെ ഓരോ ജന്മദിനങ്ങളും സ്‌പെഷ്യലും അവിസ്മരണീയവും വ്യത്യസ്തവുമായിരിക്കും. എന്നാല്‍ ഇത്തവണയാണ് ഏറ്റവും സവിശേഷമായത്. കാരണം ഭാര്യ ഭര്‍ത്താക്കന്മാരായി നമ്മള്‍ ഒരുമിച്ചുള്ള ജീവിതം ആരംഭിച്ചതിന് ശേഷമുള്ള ആദ്യ ജന്മദിനമാണിത്. അതിനൊപ്പം മനോഹരമായി അനുഗ്രഹിക്കപ്പെട്ട രണ്ട് കുട്ടികളുടെ അച്ഛനും അമ്മയുമാണ് നമ്മൡപ്പോള്‍.

നിന്നെ എപ്പോഴും അറിയാനായി ഞാന്‍ ശ്രമിച്ചിട്ടുണ്ട്. നീയൊരു ശക്തയായ വ്യക്തിയായിട്ടാണ് എപ്പോഴും കാണപ്പെട്ടിട്ടുള്ളത്. നീ ചെയ്യുന്നതെന്തിലാണെങ്കിലും ആത്മവിശ്വാസവും അര്‍പ്പണബോധവും ഉള്ളവളായിരിക്കും. അതിനുള്ള കരുത്ത് നിനക്കുണ്ട്. ഈ വര്‍ഷങ്ങളില്‍ ഞാന്‍ കണ്ടത് മറ്റൊരു വ്യക്തിയെയാണ്. ജീവിതത്തോട് അടക്കം എല്ലാത്തിനോടും നിങ്ങള്‍ കാണിക്കുന്ന സത്യസന്ധതയും ആത്മാര്‍ഥതയും എല്ലായിപ്പോഴും പ്രചോദനം ഉള്‍കൊള്ളുന്നതാണ്.

എന്നാല്‍ ഇന്ന് നിന്നെയൊരു അമ്മയായി കാണുമ്പോള്‍, ഇതാണ് നിന്റെ ഏറ്റവും സന്തോഷത്തോടെയും പൂര്‍ണമായിട്ടുള്ള രൂപീകരണമെന്ന് മനസിലാവുന്നു. നീയിപ്പോള്‍ പൂര്‍ണവതിയാണ്. ഏറ്റവും സന്തോഷത്തിലാണ് നീയുള്ളതെന്ന് തോന്നുന്നു. നീ കൂടുതല്‍ സുന്ദരിയായിട്ടാണ് ഇപ്പോള്‍ കാണപ്പെടുന്നത്. കുട്ടികള്‍ നിന്റെ മുഖത്ത് ചുംബിക്കുന്നത് കൊണ്ട് ഈ ദിവസങ്ങളിലൊന്നും മേക്കപ്പിട്ട് നിന്നെ കണ്ടിട്ടില്ല. എന്നിട്ടും കഴിഞ്ഞ വര്‍ഷങ്ങളിലെല്ലാം നിന്നെ കണ്ടതിനെക്കാളും സുന്ദരിയായിട്ടാണ് ഞാനിപ്പോള്‍ കാണുന്നത്.

ഇപ്പോള്‍ നിന്റെ മുഖത്ത് കാണുന്ന ഈ പുഞ്ചിരിയും സന്തോഷവും ഇനി മുതല്‍ സ്ഥിരമായി കാണുന്നതിന് വേണ്ടിയുള്ള ക്രമീകരണങ്ങള്‍ ഞാനും നടത്തും. അതിന് വേണ്ടി പ്രാര്‍ഥിക്കുകയും ചെയ്യും. എനിക്കൊരു സ്ഥിരത വന്നതായി തോന്നുന്നു. ജീവിതം മനോഹരമാണെന്ന് തോന്നുന്നു. സംതൃപ്തിയും നന്ദിയുമുണ്ട്. നിന്റെ എല്ലാ ജന്മദിനങ്ങളും ഇതുപോലെ സന്തോഷകരമായിരിക്കണമെന്ന് ഞാന്‍ ആഗ്രഹിക്കുന്നു. നമ്മളും കുഞ്ഞുങ്ങളുടെ കൂടെ വളരുകയാണ്.

നമ്മളെല്ലാവരും ഇതിനെതിരെ പോരാടാന്‍ പഠിക്കുകയാണ്. അതോടൊപ്പം ഇവിടെ യുദ്ധം ചെയ്യുന്നത് ആസ്വദിക്കുന്നു. ദൈവത്തിന്റെ അനുഗ്രഹവും പ്രപഞ്ചത്തിന്റെ സാക്ഷ്യവും ഉപയോഗിച്ച് അത്ഭുതകരമായ ജീവിതം ഉണ്ടാക്കാം. ഇപ്പോഴും എന്നന്നേക്കും എന്റെ പ്രിയപ്പെട്ട പൊണ്ടാട്ടി, എന്റെ തങ്കമേ, എപ്പോഴും നീയെന്റെ ഉയിരും ഉലകവും നീയാണ്. പിറന്നാള്‍ ആശംസകള്‍ നയന്‍താര, നീയെന്റെ ലേഡി സൂപ്പര്‍സ്റ്റാറാണ്...' എന്നും പറഞ്ഞാണ് വിഘ്‌നേശ് ശിവന്‍ കുറിപ്പ് അവസാനിപ്പിക്കുന്നത്.