വിജയ്ക്കൊപ്പം ഖുഷിയിൽ ഉറപ്പായും അഭിനയിക്കും!! പക്ഷെ ഒരു നിബന്ധനയുണ്ട്, ജ്യോതിക വെളിപ്പെടുത്തുന്നു

ജ്യോതിക- വിജയ് കോമ്പിനേൻ

തമിഴിലെ മുൻനിര നായകൻമാർക്കൊപ്പം തിളങ്ങിയ താരമാണ് ജ്യോതിക. സൂര്യ, വിജയ്, കമൽ ഹാസൻ, രജനികാന്ത്. എന്നിങ്ങനെ സൂപ്പർ താരങ്ങളോടൊപ്പം മികച്ച കഥാപാത്രങ്ങൾ ചെയ്യാൻ താരത്തിന് അവസരം ലഭിച്ചിരുന്നു. സൂര്യ-ജ്യോതിക കോമ്പിനേഷൻ കൂടാതെ പ്രേക്ഷകരുടെ ഇഷ്ടപ്പെട്ട ജോഡിയായിരുന്നു വിജയ്- ജ്യോതിക. ഇവരുടെ ചിത്രങ്ങളെല്ലാം സൂപ്പർ ഹിറ്റുകളായിരുന്നു.

ഖുഷി

2000 ൽ പുറത്തിറങ്ങിയ സൂപ്പർ ഹിറ്റ് ചിത്രമായിരുന്നു ഖുഷി. വിജയ്, ജ്യോതിക എന്നിവർ കേന്ദ്രകഥാപാത്രങ്ങളെ അവതരിപ്പിച്ച ചിത്രം അന്ന് ബോക്സ് ഓഫീസിൽ സൂപ്പർ ഡ്യൂപ്പർ ഹിറ്റായിരുന്നു. ഇരു താരങ്ങളുടെ കരിയറിൽ ഈ ചിത്രം വൻ ചലനം സൃഷ്ടിച്ചിരുന്നു. ഇന്നും ഈ കോമ്പോയുടെ പ്രിയപ്പെട്ട ചിത്രത്തെ കുറിച്ച് ആരാഞ്ഞാൽ പ്രേക്ഷകർ ആദ്യം പറയുക ഖുഷി എന്ന ചിത്രത്തെ കുറിച്ചാകും.

ഖുഷിയുടെ രണ്ടാം ഭാഗം

ഖുഷിയുടെ രണ്ടാം ഭാഗം വരുന്നതിനെ കുറിച്ചുള്ള റിപ്പോർട്ടുകൾ പ്രചരിച്ചിരുന്നു. ആദ്യ ഭാഗത്തെ പോലെ രണ്ടാം ഭാഗത്തിലും വിജയ് തന്നെയാണ് നായകനായി എത്തുന്നത്. എന്നാൽ നായിക ജ്യോതികയാണോ അല്ലയോ എന്നുളള ചർച്ച കോളിവുഡ് മാധ്യമങ്ങളിൽ പുരോഗമിക്കുന്നുണ്ട്. ഈ അവസരത്തിൽ ജ്യോതിക തന്നെ ഇതിനെ കുറിച്ച് വെളിപ്പെടുത്തുകയാണ്. ഒരു തമിഴ് മാധ്യമത്തിന് നൽകിയ അഭിമുഖത്തിലാണ് താരം ഇക്കാര്യം പറഞ്ഞത്. പുറത്തു വന്ന വാർത്തകൾ ശരിയാണെങ്കിൽ ചിത്രത്തിന്റെ ഭാഗമാകുക തന്നെ ചെയ്യും. എന്നാൽ കഥാപാത്രം പക്വതയുളളതും ബുദ്ധിമതിയുമായിരിക്കണമെന്നുള്ള ഒരു നിബന്ധനയുണ്ടെന്ന് ജ്യോതിക പറഞ്ഞു.

വിജയ് ചിത്രം ഉപേക്ഷിച്ചു

കോളിവുഡിലെ മികച്ച അഭിനയത്രിയാണ് ജ്യോതിക. . രണ്ടാം വരവിൽ സിനിമയെ സമീപിക്കുന്ന രീതിയിൽ മാറ്റമുണ്ടായിരുന്നു. കൂടുതൽ നായിക പ്രധാന്യമുളള ചിത്രങ്ങളിലായിരുന്നു ജ്യോതിക അഭിനയിച്ചത്. മെർസലിൽ നിത്യ മേനോൻ അവതരിപ്പിച്ച കഥാപാത്രവുമായി സംവിധായകൻ ആദ്യം തേടിയെത്തിയത് ജ്യോതികയെയായിരുന്നു. എന്നാൽ കഥയിൽ പ്രധാന്യം കുറവ് എന്ന് പറഞ്ഞ് മെർസലിൽ നിന്ന് ജ്യോ പിൻമാറിയിരുന്നു. തുടർന്നാണ് ഈ കഥാപാത്രത്തിലേയ്ക്ക് നിത്യ മേനോനെ പരിഗണിച്ചത്.

നോ പറയണം

സിനിമയിൽ കഥാപാത്രത്തിന് പ്രാധാന്യമില്ലാത്ത സിനിമകളോട് നോ പറയുന്നതിൽ ഒരു മടിയുമില്ലെന്ന് താരം പറഞ്ഞു. ചില സിനിമകൾ കാണുമ്പോൾ നായികമാർ ചെയ്തത് ശരിയായില്ല എന്നുളള തോന്നൽ തനിക്ക് തോന്നാറുണ്ട്. ആദ്യകാലങ്ങളിൽ ഇതു പോലുളള വേഷങ്ങൾ താനു ചെയ്തിട്ടുണ്ട്. നമ്മൾ സ്ത്രീകൾ കുറച്ചു കൂടി ഉത്തരവാദിത്വത്തോടെ ചിന്തിക്കണം. എന്തിനാണ് സ്ത്രീകളെ ഇങ്ങനെ പ്രദർശിപ്പിക്കുന്നതെന്ന്, സിനിമയിൽ നിന്ന് പുറത്തു നിന്നു നോക്കുമ്പോഴാണ് തനിയ്ക്ക് ഇനിതിനെ കുറിച്ച് ചിന്തിക്കാൻ കഴിഞ്ഞതെന്നു ജ്യോതിക പറഞ്ഞു.