Click it and Unblock the Notifications
'ലെറ്റ് മീ സിങ് എ കുട്ടി സ്റ്റോറി'! തരംഗമായി വിജയ് ചിത്രം മാസ്റ്ററിലെ ആദ്യ ഗാനം
ദളപതി വിജയുടെ മാസ്റ്റര് റിലീസിനായി ആകാംക്ഷകളോടെയാണ് ആരാധകര് കാത്തിരിക്കുന്നത്. മാനഗരം, കൈദി തുടങ്ങിയ സിനിമകളിലൂടെ ശ്രദ്ധേയനായ ലോകേഷ് കനകരാജാണ് ചിത്രം സംവിധാനം ചെയ്യുന്നത്. സൂപ്പര് താര ചിത്രത്തിലെ ആദ്യ ഗാനം സോഷ്യല് മീഡിയയില് പുറത്തിറങ്ങിയിരുന്നു.
ലെറ്റ് മീ സിങ് എ കുട്ടി സ്റ്റോറി എന്നു തുടങ്ങുന്ന ഗാനത്തിന്റെ ലിറിക്കല് വീഡിയോ ആണ് പുറത്തിറങ്ങിയിരിക്കുന്നത്. വിജയും അനിരുദ്ധ് രവിചന്ദറും ചേര്ന്നാണ് ഈ പാട്ട് പാടിയിരിക്കുന്നത്. അനിരുദ്ധ് തന്നെയാണ് മാസ്റ്ററിന് വേണ്ടി സംഗീതമൊരുക്കുന്നത്. വാലന്റൈന്സ് ഡേയില് പുറത്തിറങ്ങിയ പാട്ട് സോഷ്യല് മീഡിയയില് തരംഗമായിരിക്കുകയാണ്.
വിജയ് സേതുപതി വില്ലന് വേഷത്തില് എത്തുന്ന ചിത്രത്തില് മാളവിക മോഹനാണ് നായിക. നിലവില് സിനിമയുടെ അവസാന ഘട്ട ഷൂട്ടിംഗ് പുരോഗമിച്ചുകൊണ്ടിരിക്കുകയാണ്. അര്ജുന് ദാസ്, ശാന്തനു ഭാഗ്യരാജ്, ആന്ഡ്രിയ ജെര്മിയാഹ്, നാസര്, സഞ്ജീവ്, രമ്യ സുബ്രഹ്മണ്യന് തുടങ്ങിയവരാണ് ചിത്രത്തില് മറ്റു പ്രധാന വേഷങ്ങളിലെത്തുന്നത്. സേവ്യര് ബ്രിട്ടോയാണ് ദളപതി ചിത്രത്തിന്റെ നിര്മ്മാണം. സമ്മര് റിലീസായിട്ടാണ് വിജയുടെ മാസ്റ്റര് തിയ്യേറ്ററുകളിലേക്ക് എത്തുന്നത്.
Continue with Google