നായക വേഷത്തിനെക്കാള്‍ കൂടുതല്‍ ആകര്‍ഷിച്ചത് മറ്റൊരു കാര്യമാണെന്ന് വിജയ് യേശുദാസ്

പാടായി വീരനിലെ നായകന്‍

പാടായി വീരന്‍ എന്ന ചിത്രത്തിലൂടെ നായകനാവാന്‍ ഒരുങ്ങുകയാണ് വിജയ്. ചിത്രത്തില്‍ ഒരു ഗ്രാമീണ കഥാപാത്രമായാണ് വിജയ് വേഷമിടുന്നത്. തേനി, കമ്പം എന്നിവിടങ്ങളിലായാണ് ചിത്രത്തിന്റെ ഷൂട്ടിങ്ങ് നടത്താന്‍ നിശ്ചയിച്ചിട്ടുള്ളത്.

നായക വേഷമല്ല ആകര്‍ഷിച്ചത്

നായക വേഷം എന്നതിനെക്കാളുപരി ചിത്രത്തിന്റെ കഥയാണ് തന്നെ ആകര്‍ഷിച്ചതെന്നാണ് വിജയ് യേശുദാസ് പറയുന്നത്. വളരെ വ്യത്യസ്തവും ആകര്‍ഷകവുമായ കഥയാണ് ചിത്രത്തിന്റേത്. അതു കൊണ്ടാണ് ഈ വേഷം ഏറ്റെടുക്കാന്‍ തീരുമാനിച്ചത്.

പ്രമുഖര്‍ അണിനിരക്കുന്നു

ചിത്രത്തില്‍ വിജയ് യേശുദാസിനൊപ്പം മുന്‍കാല സംവിധായകന്‍ ഭാരതിരാജ, തമിഴ് താരം അഖില്‍ എന്നിവരും വേഷമിടുന്നുണ്ട്. മാര്‍ച്ചിലാണ് ചിത്രത്തിന്‍രെ റിലീസെന്നാണ് ഇപ്പോള്‍ അറിയിച്ചിട്ടുള്ളത്.

സംവിധായകനെക്കുറിച്ച്

മണിരത്‌നത്തിന്റെ അസിസ്റ്റന്റായിരുന്ന ധനയാണ് പാടായി വീരന്‍ സംവിധാനം ചെയ്യുന്നത്. ചിത്രത്തില്‍ നായികാ വേഷത്തിലെത്തുന്നത് ആരാണെന്നുള്ള വിവരം ഇതുവരെയും പുറത്തുവിട്ടിട്ടില്ല.