ഞങ്ങള്‍ മേഡ് ഫോര്‍ ഈച്ച് അതര്‍ അല്ല; പക്ഷേ ഭ്രാന്തമായി സ്‌നേഹിക്കുണ്ട്; സ്നേഹത്തെ കുറിച്ച് വൈറൽ കപ്പിൾസ്

ആഴ്ചകള്‍ക്ക് മുന്‍പാണ് തമിഴ് സിനിമാലോകത്ത് ഏറ്റവും ചര്‍ച്ചയായൊരു താരവിവാഹം നടക്കുന്നത്. തമിഴിലെ ശ്രദ്ധേയമായ സിനിമകള്‍ നിര്‍മ്മിച്ച രവീന്ദ്രര്‍ സീരിയല്‍ നടിയെ വിവാഹം കഴിച്ചതായിരുന്നു. ഇരുവരും നേരത്തെ വിവാഹമോചനം നേടിയവരാണ്. തമിഴ് ആചാരപ്രകാരമുള്ള വിവാഹത്തിന്റെ ഫോട്ടോസ് പുറത്ത് വന്നത് മുതല്‍ സൈബര്‍ ലോകം പലവിധത്തിലും ചോദ്യവുമായി എത്തി. പണം കണ്ടിട്ട് വിവാഹം കഴിച്ചതാണെന്നും ആരോപണം വന്നു.

വിവാഹത്തെ കുറിച്ച് വ്യാപകമായി വാര്‍ത്ത വന്നതോടെയാണ് അതിലൊന്നും കഥയില്ലെന്ന് ദമ്പതിമാര്‍ ഒരുമിച്ച് അഭിമുഖങ്ങളിലൂടെ പറഞ്ഞത്. എന്നിട്ടും വിമര്‍ശനം അവസാനിച്ചില്ലെന്നുള്ളതാണ് ശ്രദ്ധേയം. തങ്ങളെ ട്രോളാന്‍ വരുന്നതിന് മുന്‍പേ തിരിച്ച് മറുപടി പറഞ്ഞ് മഹാലക്ഷ്മിയും രവീന്ദ്രറും ആളുകളുടെ വായടപ്പിച്ച് കൊണ്ടിരിക്കുകയാണ്. ഇതിനിടയിലാണ് മഹാലക്ഷ്മിയെ ചേര്‍ത്ത് പിടിച്ച് നില്‍ക്കുന്ന പുതിയ ഫോട്ടോയുമായി നിര്‍മാതാവ് എത്തിയത്.

ഇരുവരും ഏതോ വിവാഹത്തിനോ മറ്റോ പോയപ്പോഴുള്ള ഫോട്ടോയായിരുന്നു. രവീന്ദ്രന്റെ പിന്നീലായി ചുവനന്ന നിറമുള്ള ഗൗണില്‍ സുന്ദരിയായി നില്‍ക്കുകയാണ് മഹാലക്ഷ്മി. വെള്ള നിറമുള്ള വേഷമാണ് നിര്‍മാതാവിന്. 'ഞങ്ങള്‍ മേഡ് ഫോര്‍ ഈച്ച് അതര്‍ അല്ല. പക്ഷേ ഞങ്ങള്‍ രണ്ടാള്‍ക്കും പരസ്പരം ഭ്രാന്തമായി ഇഷ്ടമാണ്' എന്നാണ് ഫോട്ടോയ്ക്ക് ക്യാപ്ഷനായി രവീന്ദ്രര്‍ എഴുതിയിരിക്കുന്നത്. ലവ് യു എന്ന കമന്റുമായി മഹാലക്ഷ്മിയും എത്തിയിരിക്കുകയാണ്.

പരസ്പരം സ്‌നേഹിക്കുന്നതിനെ പറ്റി താരങ്ങള്‍ പറയുമ്പോഴും ചിലര്‍ വിമര്‍ശനവുമായി തന്നെ വരികയാണ്. ഇപ്പോഴും പലര്‍ക്കും താരങ്ങള്‍ വിവാഹം കഴിച്ചത് ഉള്‍കൊള്ളാന്‍ സാധിച്ചിട്ടില്ല. എന്നാല്‍ പിന്തുണ നല്‍കുന്നവരും ഇക്കൂട്ടത്തിലുണ്ട്. നിങ്ങള്‍ എത്രയും സന്തോഷത്തോടെ ജീവിക്കുകയാണ് വേണ്ടത്. മറ്റുള്ളവരുടെ കമന്റുകള്‍ക്കൊന്നും പ്രധാന്യം കൊടുക്കേണ്ടതില്ല. എന്നും സന്തോഷത്തോടെ കഴിയാന്‍ സാധിക്കട്ടേ എന്ന് ആശംസിക്കുകയാണ് സുഹൃത്തുക്കള്‍.