'സ്റ്റണ്ട് ചെയ്ത് തോളിലും കൈയ്യിലും പരിക്കേറ്റു, അതെല്ലാം രണ്ടാം ഭാ​ഗത്തിലുണ്ടാകും'; അറിയാക്കഥകൾ പറഞ്ഞ് തൃഷ!

സംഗീതം എ.ആര്‍ റഹ്മാനും ഛായാഗ്രഹണം രവി വര്‍മനുമാണ് നിര്‍വഹിച്ചിരിക്കുന്നത്. ഇളങ്കോ കുമാരവേലാണ് സിനിമയുടെ തിരക്കഥാകൃത്ത്. തമിഴ്, ഹിന്ദി, തെലുങ്കു, മലയാളം, കന്നട എന്നീ അഞ്ച് ഭാഷകളിലാണ് ചിത്രം ഒരുക്കിയിരിക്കുന്നത്.

500 കോടി മുതല്‍ മുടക്കില്‍ ഒരുങ്ങുന്ന ചിത്രം മണിരത്നത്തിന്റെ ഉടമസ്ഥതയിലുള്ള മദ്രാസ് ടാക്കീസും ലൈക പ്രൊഡക്ഷനും ചേര്‍ന്നാണ് നിര്‍മിച്ചിരിക്കുന്നത്. സിനിമ കണ്ടിറങ്ങിയവരെല്ലാം ഒരുപോലെ പുകഴ്ത്തുന്ന ഒരു കഥാപാത്രമാണ് ചിത്രത്തിൽ തൃഷ അവതരിപ്പിച്ചിരിക്കുന്ന കുന്ദവൈ എന്ന കഥാപാത്രം.

പൊന്നിയൻ സെൽവനിലെ താരത്തിന്റെ ക്യാരക്ടർ പോസ്റ്റർ പുറത്തുവന്നപ്പോൾ മുതൽ‌ മികച്ച പ്രതികരണമാണ് ലഭിച്ചത്. ഇപ്പോഴിത കുന്ദവൈയ്ക്ക് വേണ്ടി താൻ ചെയ്ത പ്രയത്നങ്ങൾ എന്തൊക്കെയാണെന്ന് വെളിപ്പെടുത്തിയിരിക്കുകയാണ് തൃഷ. 'പൊന്നിയൻ സെൽവനിൽ ഞാനും ചില സ്റ്റണ്ട് സീനുകൾ ചെയ്തിട്ടുണ്ട്.'

'അത് പക്ഷെ രണ്ടാ‌മത്തെ ഭാ​ഗത്തിലാണ് ഉണ്ടാവുക. സ്റ്റണ്ട് ചെയ്യുന്നതിനിടെ തോളിനും കൈക്കും പരിക്കേൽക്കുകയും ചെയ്തിരുന്നു. മാത്രമല്ല ചിത്രത്തിൽ അരുൺമൊഴി വർമന്റെ പ്രണയിനിയായ വാനതിയായി അഭിനയിച്ച ശോഭിത ധൂലിപാലയ്ക്കും സ്റ്റണ്ടിനിടെ പരിക്കേറ്റിരുന്നു. സംഘട്ടനം ചെയ്തപ്പോൾ അവരുടെ ചെവിയിൽ നിന്നും രക്തം വന്നിരുന്നു' തൃഷ പറഞ്ഞു.

Also Read: 'ലൂസിഫർ അത്ര ഇഷ്ടപ്പെട്ടില്ല, ​ഗോഡ്ഫാദർ കുറച്ച് കൂടി നന്നാക്കിയിട്ടുണ്ട്'; ചിരഞ്ജീവി

ലൈം ലൈറ്റിൽ നിന്നും പിന്നോട്ട് പോവുകയായിരുന്ന തൃഷയ്ക്ക് അപ്രതീക്ഷിതമായ തിരിച്ചുവരവ് കിട്ടിയത് വിജയ് സേതുപതി ചിത്രം 96ലൂടെയായിരുന്നു. താൻ എത്രത്തോളം കഴിവുള്ള നടിയാണെന്ന് ഇപ്പോഴിത തൃഷ പൊന്നിയിൻ സെൽവനിലൂടെയും തെളിയിച്ചിരിക്കുകയാണ്.

മോഹൻലാലിനൊപ്പമുള്ള റാം, ഷബീർ കല്ലറയ്ക്കൽ, സന്തോഷ് പ്രതാപ് എന്നിവർ അഭിനയിക്കുന്ന ദി റോഡ് എന്നിവയാണ് തൃഷയുടെ വരാനിരിക്കുന്ന സിനിമകൾ. എച്ച്. വിനോദിന്റെ രചനയിൽ അരവിന്ദ് സ്വാമി നായകനാകുന്ന സതുരംഗ വേട്ടൈ എന്ന ചിത്രവും ഈ വർഷം റിലീസ് ചെയ്യാനിരിക്കുന്ന തൃഷയുടെ സിനിമകളാണ്.

പൊന്നിയിൻ സെൽവൻ പ്രമോഷൻ ചടങ്ങിലും ഐശ്വര്യ റായിയെക്കാൾ തിളങ്ങിയത് തൃഷയായിരുന്നു. പലരും വിണ്ണയ് താണ്ടി വരുവായയിലെ തൃഷയുടെ ലുക്കും ഇപ്പോഴുള്ള തൃഷയുടെ ലുക്കും പ്രശംസിച്ച് കമന്റുകളും ട്രോളും ഇറക്കിയിരുന്നു.

നാൽപ്പതിനോട് അടുത്തിട്ടും തൃഷയുടെ സൗന്ദര്യം ഇപ്പോഴും മുപ്പതിലേതുപോലെ നിലനിൽക്കുന്നുവെന്നാണ് ആരാധകരിൽ ഏറെപ്പേരും കുറിച്ചത്. ​

ഹേയ് ജൂഡ് എന്ന സിനിമയിലൂടെയാണ് തൃഷ ആദ്യമായി മലയാളത്തിൽ അരങ്ങേറിയത്. എങ്കിലും തൃഷയ്ക്ക് നിരവധി ആരാധകർ തമിഴ് സിനിമകളിലൂടെ കേരളത്തിലുണ്ടായിട്ടുണ്ട്.