വരലക്ഷ്മിയും വിശാലും തമ്മിലുള്ള ബന്ധം എന്താണെന്ന് ഈ ചിത്രം പറയും

തമിഴ് നടന്‍ ശരത്ത് കുമാറിന്റെ മകള്‍ വരലക്ഷ്മി ശരത്ത് കുമാറും വിശാലും തമ്മിലുള്ള പ്രണയം പല അവസരത്തിലും ഇരുവരും ഒളിഞ്ഞും മറഞ്ഞും സമ്മതിച്ചതാണ്. പക്ഷെ താരസംഘടനയായ നടികര്‍ സംഘത്തിന്റെ പ്രശ്‌നം വന്നപ്പോള്‍ ആ ബന്ധത്തില്‍ വിള്ളലേറ്റതായി പലരും പറഞ്ഞു നടന്നു.

വരലക്ഷ്മിയുടെ പിതാവ് ശരത്ത് കുമാറും വിശാലും തമ്മിലാണ് വാക്ക് തര്‍ക്കും മറ്റും നടന്നത്. എന്നാല്‍ ഈ തര്‍ക്കമൊന്നും വിശാലിന്റെയോ വരലക്ഷ്മിയുടെയോ പ്രണയത്തെ ബാധിച്ചിട്ടില്ല എന്നതാണ് പുതിയ വാര്‍ത്ത.

വിശാല്‍ തന്റെ ട്വിറ്ററില്‍ ട്വീറ്റ് ചെയ്ത ഫോട്ടോയാണ് ഇതിന് തെളിവ്. വരലക്ഷ്മിയ്ക്കും ഒരു നായ്ക്കുട്ടിയ്ക്കുമൊപ്പമുള്ളതാണ് ഫോട്ടോ. ഈ ചിത്രം എല്ലാം പറയും എന്ന് അതിന് അടികുറിപ്പും നല്‍കിയിരിയ്ക്കുന്നു.

അടുത്തിടെ ഒരു അഭിമുഖത്തില്‍ വിവാഹത്തെ കുറിച്ച് ചോദിച്ചപ്പോള്‍ നടികര്‍ സംഘത്തിന്റെ കെട്ടിടത്തിന്റെ പണി പൂര്‍ത്തിയായാല്‍ ഉടന്‍ വിവാഹം ഉണ്ടാവുമെന്നും ലക്ഷ്മിഗ്രാമണപ്പെണ്ണായിരിക്കും വധു എന്നും വിശാല്‍ പറഞ്ഞിരുന്നു