അധികം വായ തുറക്കരുത്, ജ്യോതികയോട് ഉര്‍വശി പറഞ്ഞത്; അത്ഭുതപ്പെട്ടുപോയി എന്ന് ജോ

ഞങ്ങളുടെ കെമിസ്ട്രി

ചിത്രത്തില്‍ എനിക്കും ഉര്‍വശി മാമിനും ധാരളം കോമ്പിനേഷന്‍ രംഗങ്ങളുണ്ട്. ഞങ്ങള്‍ തമ്മില്‍ നല്ലൊരു കെമിസ്ട്രിയുണ്ടായിരുന്നു. വളരെ നാച്വറലായ അഭിനയമാണ് മാമിന്റേത്.

വാ തുറക്കരുത് എന്ന്

സഹതാരങ്ങളെ ഉര്‍വശി മാം നന്നായി സഹായിക്കും. എനിക്കും കുറേ ടിപ്‌സുകള്‍ പറഞ്ഞു തന്നു. ഞാന്‍ ആദ്യമായി ഡബ്ബ് ചെയ്യുന്നത് ഈ ചിത്രത്തിന് വേണ്ടിയാണ്. അപ്പോള്‍ അധികം വായ തുറന്ന് സംഭാഷണങ്ങള്‍ പറയരുത് എന്ന് മാം പറഞ്ഞു തരും.

പലതും പഠിപ്പിച്ചു

സംഭാഷണങ്ങള്‍ പറയുമ്പോള്‍ ശ്രദ്ധിക്കേണ്ട കാര്യങ്ങളും, നാച്വറലായി അഭിനയിക്കുന്ന കാര്യങ്ങളുമൊക്കെ ഉര്‍വശി മാം പറഞ്ഞു തന്നു. അവരില്‍ നിന്ന് കണ്ട് പഠിക്കാനും ഏറെയുണ്ട്.

കമല്‍ സാറിനെ പോലെ

കമല്‍ ഹസന്‍ സര്‍ അഭിനയിക്കുമ്പോള്‍ നമ്മള്‍ അറിയാതെ നോക്കി നിന്ന് പോവും. ക്യാമറയ്ക്ക് മുന്നിലാണ് നില്‍ക്കുന്നത് എന്നാലോചിക്കാതെ കമല്‍ സാറിനെ നോക്കി നിന്നത് പോലെ ഉര്‍വശി മാമിനെയും നോക്കി നിന്നു പോയിട്ടുണ്ട്.

നാച്വറലായ അഭിനയം

വളരെ നാച്വറലായ അഭിനയമാണ് ഉര്‍വശിമാമിന്റേത്. ചില എക്‌സ്പ്രഷനും അഭിനയവുമൊക്കെ വരുമ്പോള്‍, ഇതെങ്ങനെ സംഭവിയ്ക്കുന്നു എന്നോര്‍ത്ത് അത്ഭുതപ്പെട്ടിട്ടുണ്ട്- ജ്യോതിക പറഞ്ഞു

വീണുപോയി..

സിനിമ കാണുമ്പോള്‍ നിങ്ങള്‍ക്കുമത് ബോധ്യമാവും എന്ന് ജ്യോതിക പറയുന്നു. എന്തായാലും ഈ സിനിമയ്ക്ക് ശേഷം ജ്യോതിക ഉര്‍വശിയുടെ കടുത്ത ആരാധിതകയായത്രെ.