കറുത്തവനെന്ന് പറഞ്ഞ് പ്രണയാഭ്യർത്ഥന നിരസിച്ചു; ശേഷം ഉറച്ച തീരുമാനമെടുത്ത രജിനികാന്ത്

80 കളിൽ ബില്ല, മുരട്ടുക്കാളെ. പോക്കിരി രാജ, താനിക്കാട്ടു രാജ, നാൻ മഹാൻ അല്ലെെ തുടങ്ങിയ സിനിമകളിലൂടെ നടൻ സൂപ്പർ താര പദവിയിലേക്കുയർന്നു. 90 കളോടെ നടനെ ആരാധകർ വലിയ തോതിൽ ആഘോഷിക്കാൻ തുടങ്ങി. അക്കാലത്തിറങ്ങിയ മന്നൻ, മുത്തു. ബാഷ. പടയപ്പ തുടങ്ങിയ സിനിമകൾ നടനെ തമിഴകത്തെ പകരം വെക്കാനില്ലാത്ത താരമാക്കി.

കരിയറിൽ മുന്നേറുമ്പോഴും നടന്റെ വ്യക്തി ജീവിതം മറ്റ് താരങ്ങളെ പോലെ ​ഗോസിപ്പ് കോളങ്ങളിൽ നിറഞ്ഞിരുന്നില്ല. തികഞ്ഞ ഫാമിലിമാനായാണ് രജനി വ്യക്തി ജീവിതത്തിൽ അറിയപ്പെടുന്നത്. 1981 ലാണ് രജനി ഭാര്യ ലതയെ വിവാഹം കഴിക്കുന്നത്.

ഇരുവർക്കും സൗന്ദര്യ, ഐശ്വര്യ എന്നീ രണ്ട് കുട്ടികളും ജനിച്ചു. ഐശ്വര്യ ഇന്ന് തമിഴിൽ അറിയപ്പെടുന്ന സംവിധായിക ആണ്. ലതയെ വിവാ​ഹം കഴിക്കുന്നതിന് മുമ്പ് രജിനികാന്തിന് ഒരു പെൺകുട്ടിയോട് സ്നേഹമുണ്ടായിരുന്നത്രെ.

ഡോ ​ഗായത്രി ശ്രീകാന്ത് എഴുതിയ നടന്റെ ജീവചരിത്രത്തിലാണ് ഇക്കാര്യം സൂചിപ്പിച്ചിരുന്നത്. ബാം​ഗ്ലൂരിൽ ബസ് കണ്ടക്ടറായി ജോലി ചെയ്യവെ ആയിരുന്നു ഇത്. ഈ കുട്ടിയെ വിവാഹം കഴിക്കാനും രജിനി ആ​ഗ്രഹിച്ചിരുന്നത്രെ. എന്നാൽ പിന്നീട് തിരക്കുകളിലായതോടെ ഈ പെൺകുട്ടിയെ നടൻ പതിയെ മറന്നു.

Recommended Video

Dr. Robin - Arathy Podi Marriage?ആരതി പൊടിയുമായ കല്യാണം ഉറപ്പിച്ചത് ലാലേട്ടന്റെ വീട്ടിലോ?

പിന്നീട് മറ്റൊരു പെൺകുട്ടിയോട് രജിനി വിവാഹാഭ്യർത്ഥന നടത്തി. എന്നാൽ കറുത്ത നിറമാണെന്നും കാണാൻ കള്ളനെ പോലെ ഉണ്ടെന്നും പറഞ്ഞ് പെൺകുട്ടി രജിനിയെ നിരസിച്ചു. ഒരു വെളുത്ത സുന്ദ​രിയെ തന്നെ താൻ വിവാ​ഹം കഴിക്കുമെന്ന് നടൻ പിന്നീട് ഉറച്ച തീരുമാനമെടുത്തെന്നും അങ്ങനെയാണ് ലതയെ വിവാഹം കഴിക്കുന്നതെന്നുമാണ് അക്കാലത്ത് പുറത്തു വന്ന വിവരം.

വിവാഹ ശേഷം ​ഗോസിപ്പ് കോളങ്ങളിലൊന്നും നടനെ കണ്ടിട്ടേ ഇല്ല. അനാവശ്യ ​ഗോസിപ്പുകളെഴുതാൻ നടന്റെ വലിയ ആരാധക വൃന്ദത്തെ ഭയന്ന് ആരും മുതിർന്നില്ലെന്നും സംസാരമുണ്ട്.