എന്റെ സീരിയലുകള്‍ ഹിറ്റായത് സ്ത്രീകളെ അടുത്തറിയാവുന്നത് കൊണ്ട്; ഹിറ്റ് മേക്കര്‍ എഎം നസീര്‍ പറയുന്നതിങ്ങനെ

ഒത്തിരി സ്ത്രീ ആരാധകരുള്ളതിന്റെ കാരണമെന്താണെന്ന ചോദ്യത്തിന് സ്ത്രീകളെ അടുത്ത് അറിയാവുന്നത് കൊണ്ടാണെന്നാണ് നസീര്‍ പറയുന്നത്. എന്റെ അമ്മ, സഹോദരങ്ങള്‍, ഭാര്യ, ബന്ധുക്കള്‍ തുടങ്ങിയവരുടെ വികാര വിചാരങ്ങള്‍ക്കാണ് ഞാന്‍ മുന്‍തൂക്കം കൊടുത്തിട്ടുള്ളത്. അത്തരം വിഷയങ്ങള്‍ ചര്‍ച്ച ചെയ്യപ്പെടുന്ന മേഖലയാണ് സീരിയല്‍. അവരുമായി കണക്ട് ചെയ്യുന്ന വിഷയങ്ങള്‍ ചര്‍ച്ച ചെയ്യപ്പെടുന്നത് കൊണ്ട് ഇത് ഹിറ്റാവുന്നതെന്ന് നസീര്‍ പറയുന്നു.

എവിടെയെങ്കിലും പോയാല്‍ ഒരു ഗ്ലാസ് ചായ ചോദിച്ചാലോ, ഇനി വണ്ടിയുടെ ടയര്‍ പഞ്ചറായെന്ന് പറഞ്ഞാലോ അത് മാറ്റി ഇട്ട് തരാന്‍ സ്ത്രീകള്‍ തന്നെ മുന്നോട്ട് വരും. പത്ത് മുപ്പത് വര്‍ഷമായി ഞാനൊരു സംവിധായകനായിട്ടെത്തിയിട്ട്. അതിന്റെ ഗുണമാണതെന്നും സീരിയല്‍ ടുഡേ എന്ന യൂട്യൂബ് ചാനലിന് നല്‍കിയ അഭിമുഖത്തിലൂടെ സംവിധായകന്‍ പറയുന്നു.

സീരിയലിന്റെ തുടക്കകാലത്ത് ഒരു പ്രത്യേക വിഷയം ചെയ്താല്‍ ശ്രദ്ധിക്കപ്പെടുമെന്ന് വിചാരിച്ചിട്ട് ഞാനും എന്റെ സുഹൃത്തും ചേര്‍ന്ന് കഥയെഴുതി. ദൂരദര്‍ശനില്‍ പോയി അനുവാദം വാങ്ങി. അതാണ് പറുദീസയിലേക്കുള്ള പാത എന്ന പേരില്‍ പുറത്തിറക്കി. ബിജു മേനോനും സുധീഷുമാണ് അതില്‍ അഭിനയിച്ചത്. അവിടെ നിന്നുമാണ് ബിജു മേനോന്‍ കൂടുതല്‍ സിനിമകളിലേക്ക് പോവുന്നത്. ആ വര്‍ക്കാണ് എന്റെ കരിയറിന്റെ തുടക്കത്തിന് കാരണമായത്. ആ സമയത്ത് എനിക്ക് സിനിമയിലേക്കോ സീരിയലിലേക്കോ ശ്രമിക്കാമായിരുന്നു.

സീരിയലില്‍ നിന്നുമാണ് നിരവധി അവസരം വന്നത്. ഓരോന്ന് കഴിയുമ്പോള്‍ പുതിയ ചാനലുകള്‍ വരും. അതിലേക്ക് വിളിക്കും. അങ്ങനെ കടന്ന് പോയ വഴികളൊന്നും അറിയത്തില്ലെന്ന് നസീര്‍ പറയുന്നു.

കുട്ടിക്കാലം മുതല്‍ അത്യാവശ്യം വായിക്കുന്ന ആളാണ്. പ്രമുഖരായ പല എഴുത്തുകാരും എന്റെ സുഹൃത്തുക്കളാണ്. വീട്ടില്‍ ഒരു ലൈബ്രററി പോലും ഉണ്ട്. സിനിമയിലെ ഒരുപാട് പേരും സുഹൃത്തുക്കളായി.