റോബിന്‍ കെട്ടാന്‍ പോവുന്ന പെണ്‍കുട്ടിയുമായി അവരെ താരതമ്യം ചെയ്യരുത്; ആശംസകള്‍ അറിയിച്ച് ഫാന്‍സ് ക്ലബ്ബും

എന്റെ വിവാഹം ഫെബ്രുവരിയില്‍ ഉണ്ടാവും. ഞാന്‍ വിവാഹം കഴിക്കാന്‍ പോവുന്ന ആളുടെ പേര് ആരതി പൊടി എന്നാണ് റോബിന്‍ പൊതുവേദിയില്‍ വിളിച്ച് പറഞ്ഞത്. പേര് പറയുന്നതിന് മുന്‍പ് തന്നെ ആരതിയല്ലേന്ന് ആരാധകര്‍ വിളിച്ച് ചോദിച്ചിരുന്നു. ഒടുവില്‍ ഈ സന്തോഷ വാര്‍ത്ത പങ്കുവെച്ച റോബിനെ അഭിനന്ദിച്ച് കൊണ്ടാണ് ആരാധകരെത്തുന്നത്. ഒപ്പം ബിഗ് ബോസില്‍ സഹതാരമായി ഉണ്ടായിരുന്നവരെ വിമര്‍ശിക്കരുതെന്ന നിര്‍ദ്ദേശം കൂടി ഫാന്‍സ് ക്ലബ്ബ് മുന്നോട്ട് വെക്കുന്നുണ്ട്.

റോബിന്‍ ഫാന്‍സ് ക്ലബ്ബിന്റെ അഡ്മിന്റെ പോസ്റ്റിന്റെ പൂര്‍ണരൂപം ഇങ്ങനെയാണ്..

'ഞാന്‍ നേരത്തെ പറഞ്ഞിരുന്നു വ്യക്തമായി ഒരു വിവരം ലഭിക്കാതെ റോബിന്‍-ആരതി വിവാഹത്തെ കുറിച്ച് ഒന്നും ഈ ഗ്രൂപ്പില്‍ പറയില്ലെന്ന്. എല്ലാം പറഞ്ഞ് സെറ്റായ സ്ഥിതിയ്ക്ക് ഈ ഗ്രൂപ്പിലും ഔദ്യോഗികമായി തന്നെ അറിയിക്കുന്നു. എല്ലാ ഡോക്ടര്‍ ഫാന്‍സും വന്ന് ആശംസകള്‍ അറിയിച്ചാലും..

NB: മറ്റൊരു കാര്യം. ദില്‍ഷയെയും ആരതിയെയും കമ്പെയര്‍ ചെയ്തുള്ളതും ദില്‍ഷയെ കുറ്റം പറയുന്നതുമായ കമന്റുകള്‍ ദയവായി ഇവിടെ ഇടരുത്. ഓരോ മനുഷ്യരും ഓരോ വ്യക്തിത്വങ്ങളാണ്. ദാമ്പത്യം എന്നാല്‍ 2 വ്യക്തികള്‍ തമ്മിലുള്ള മാനസികവും വൈകാരികവുമായ യോജിപ്പ് ആണ്. അല്ലാതെ പൊരുത്തക്കേടുകളെ കൂട്ടിക്കെട്ടലല്ല. ഡോക്ടര്‍ക്ക് പോലും ദില്‍ഷയോടു വിരോധം ഇല്ലെന്ന് കൂടി ഓര്‍ക്കുക.

വിവാഹിതരാകാന്‍ പോകുന്ന ഡോക്ടര്‍ റോബിനും ആരതിക്കും ഡോ. റോബിന്‍ ഫ്രണ്ടസ് ആന്‍ഡ് ഫാമിലി ഗ്രൂപ്പിന്റെ എല്ലാ മംഗളങ്ങളും നേരുന്നു..' എന്നുമാണ് ഗ്രൂപ്പിന്റെ അഡ്മിന്‍ പങ്കുവെച്ച കുറിപ്പിലൂടെ പറയുന്നത്.

Recommended Video

Dr. Robin - Arathy Podi Marriage?ആരതി പൊടിയുമായ കല്യാണം ഉറപ്പിച്ചത് ലാലേട്ടന്റെ വീട്ടിലോ?

മലയാളം ബിഗ് ബോസിന്റെ നാലാം സീസണിലൂടെയാണ് റോബിന്‍ ശ്രദ്ധേയനാവുന്നത്. മത്സരത്തില്‍ വിജയിക്കാതെ പുറത്തായെങ്കിലും വിന്നറായവര്‍ക്ക് പോലും ലഭിക്കാത്ത ജനപ്രീതിയാണ് റോബിന് ലഭിച്ചത്. ബിഗ് ബോസിനകത്ത് പ്രണയം തുറന്ന് പറഞ്ഞെങ്കിലും സഹമത്സരാര്‍ഥിയായ താരം അത് നിഷേധിച്ചു. ഇതോടെ ആരതി പൊടി എന്ന യുവതിയുമായി റോബിന്‍ അടുപ്പത്തിലായി. ഇരുവരും ഒരുമിച്ചുള്ള ചിത്രങ്ങളും വീഡിയോസും പുറത്ത് വന്നത് മുതല്‍ ആരാധകരും പ്രതീക്ഷയിലായിരുന്നു.