'ഒരു സൂചന തരാമായിരുന്നു, സർപ്രൈസ് ആയിപ്പോയി', പേർളിയുടെ ജീവിതത്തിലെ പുതിയ സന്തോഷം ഇതാണ്!

ഇരുവരുടേയും വിവാഹ ജീവിതം മകൾ നിലയ്ക്കൊപ്പം മൂന്നാം വർഷത്തിൽ എത്തി നിൽക്കുകയാണ്. സീരിയലുകളിൽ കൂടി ശ്രദ്ധേയനായ ശ്രീനിഷ് മകൾ നില പിറന്ന ശേഷം അഭിനയ ജീവിതം അവസാനിപ്പിച്ച് പേർളിക്കും മകൾക്കും ഒപ്പം യുട്യൂബ് ചാനലും യാത്രകളുമായിട്ടാണ് ജീവിതം ആഘോഷിക്കുന്നത്. അടുത്തിടെയാണ് ഇരുവരും ദുബായിൽ കുടുംബത്തോടൊപ്പം അവധി ആഘോഷിച്ച് തിരികെ എത്തിയത്. പേർളിയും ശ്രീനിഷും ബി​ഗ് ബോസ് ഹൗസിൽ വെച്ച് പ്രണയിക്കാൻ തുടങ്ങിയപ്പോൾ മുതൽ ഇരുവരും പേർളിഷ് എന്ന ഓമനപേരിലാണ് ആരാധകർക്കിടയിൽ അറിയപ്പെടുന്നത്. ഇരുവരുടേയും വീഡിയോകളും ഫോട്ടകളും നിമിഷ നേരം കൊണ്ടാണ് ജനശ്രദ്ധ ആ​ഘർഷിക്കുന്നത്. അച്ഛനും അമ്മയ്ക്കും ഉള്ളപോലെ തന്നെ ഇരുവരുടേയും ഏക മകൾ നിലയ്ക്കും വലിയൊരു ഫാൻ ഫോളോയിങ് സോഷ്യൽമീഡിയയിൽ ഉണ്ട്.

കുഞ്ഞ് നില ജനിച്ചപ്പോൾ മുതൽ സോഷ്യൽമീഡിയയിൽ സെലിബ്രിറ്റിയാണ്. നിലയുടെ വിശേഷങ്ങളും ചിത്രങ്ങളും പങ്കുവെക്കാൻ വേണ്ടി നിലയുടെ പേരിൽ ശ്രീനിഷും പേർളിയും ചേർന്ന് അടുത്തിടെ ഒരു ഇൻസ്റ്റ​ഗ്രാം അക്കൗണ്ട് തുറക്കുകയും ചെയ്തിരുന്നു. ഇപ്പോൾ ജീവിതത്തിലെ പുതിയൊരു സന്തോഷം പങ്കുവെച്ച് എത്തിയിരിക്കുകയാണ് പേർളി മാണി. ബോളിവുഡ് സിനിമയിലേക്കുള്ള അരങ്ങേറ്റത്തിന് ശേഷം പേർളി ഇപ്പോൾ തമിഴ് സിനിമാ രം​ഗത്തും അരങ്ങേറിയിരിക്കുകയാണ് എന്നതാണ് പുതിയ സന്തോഷം. ബോളിവുഡ് ചിത്രത്തിന് ശേഷമായി തമിഴിലും അഭിനയിച്ചിരുന്നു താരം. അജിത്തിനൊപ്പം വലിമൈയിൽ പേളിയും പ്രധാന കഥാപാത്രത്തെ അവതരിപ്പിച്ചിട്ടുണ്ട്. കാത്തിരിപ്പിനൊടുവിലായി കഴിഞ്ഞ ദിവസമായിരുന്നു ചിത്രത്തിന്റെ ട്രെയിലർ പുറത്തുവിട്ടത്. ട്രെയിലറിൽ നടൻ അജിത്തിനൊപ്പമുള്ള സീനിന്റെ ചിത്രം പങ്കുവെച്ചുകൊണ്ട് പേർളി തന്നെയാണ് തമിഴ് അരങ്ങേറ്റത്തെ കുറിച്ച് അറിയിച്ചത്.

Recommended Video

Pearle maaney shares daughter nila's first theatre experience

'അജിത് സർ... എനിക്ക് ഇപ്പോൾ എങ്ങനെ തോന്നുന്നു എന്ന് വാക്കുകളിൽ വിശദീകരിക്കാൻ കഴിയുന്നില്ല. ഞാൻ സന്തോഷവതിയും നന്ദിയുള്ളവളുമാണ്. വലിമൈ ട്രെയിലർ പുറത്തിറങ്ങി. തരുന്ന സ്നേഹത്തിന് എല്ലാവർക്കും നന്ദി' പേർളി കുറിച്ചു. പേർളിയു‌ടെ പുതിയ നേട്ടത്തിന് ആരാധകരും സിനിമാ മേഖലയിലുള്ളവരും അടക്കം നിരവധി പേർ ആശംസകളുമായി എത്തി. അജിത്ത് കുമാറിനെ നായകനാക്കി എച്ച്.വിനോദ് രചനയും സംവിധാനവും നിർവഹിച്ചിരിക്കുന്ന സിനിമയാണ് വലിമൈ. രണ്ടര വർഷത്തെ ഇടവേളയ്ക്ക് ശേഷമെത്തുന്ന അജിത്ത് ചിത്രം എന്ന നിലയിൽ ഇതിനകം വൻ ഹൈപ്പ് ലഭിച്ചിരിക്കുന്ന ചിത്രമാണിത്. ആക്ഷൻ, ബൈക്ക് റേസിംഗ് രംഗങ്ങളാൽ സമ്പന്നമായ ചിത്രത്തിൻറെ മൂന്ന് മിനിറ്റ് ദൈർഘ്യമുള്ള ട്രെയ്‍ലർ ആണ് പുറത്തെത്തിയിരിക്കുന്നത്. ആക്ഷൻ ത്രില്ലർ വിഭാഗത്തിൽ പെടുന്ന ചിത്രത്തിൽ പൊലീസ് യൂണിഫോണിലാണ് അജിത്ത് കുമാർ പ്രത്യക്ഷപ്പെടുന്നത്. യാമി ഗൗതം, ഇലിയാന ഡിക്രൂസ്, ഹുമ ഖുറേഷി എന്നിവരാണ് ചിത്രത്തിൽ നായികമാർ. കാർത്തികേയ, രാജ് അയ്യപ്പ, അച്യുത് കുമാർ, സുമിത്ര, ബാനി, പുകഴ് എന്നിവർക്കൊപ്പം മലയാളത്തിൽ നിന്ന് പേളി മാണിക്ക് പുറമെ ദിനേശ് പ്രഭാകറും ചിത്രത്തിൽ അഭിനയിച്ചിട്ടുണ്ട്. ബേവ്യൂ പ്രോജക്റ്റ്സ് എൽഎൽപിയുടെ ബാനറിൽ ബോണി കപൂറും സീ സ്റ്റുഡിയോസും ചേർന്നാണ് നിർമ്മാണം.