ബിഗ് ബോസ് സീസൺ 2 വിൽ നടൻ ഷെയിൻ നിഗവും? സത്യം ഇതാണ്, വെളിപ്പെടുത്തൽ...

സമൂഹത്തിന്റെ വിവിധ തലങ്ങളിൽ തിളങ്ങി നിൽക്കുന്ന വ്യത്യസ്തമായ 16 പേരാണ് ബിഗ് ബോസിൽ എത്തുന്നത്. ഷോയുടെ പ്രഖ്യാപനം മുതൽ സമൂഹമാധ്യമങ്ങളിൽ സിനിമ സീരിയൽ താരങ്ങൾ, സമൂഹിക പ്രവർത്തകർ, എന്നീ മേഖലയിൽ തിളങ്ങി നിൽക്കുന്ന നിരവധി പേരുകൾ ഉയർന്നിരുന്നു. എന്നാൽ അണിയറ പ്രവർത്തകരിൽ നിന്ന് കൃത്യമായ സ്ഥിരീകരണം ലഭിച്ചിട്ടില്ല.

നടൻ ഷെയിൻ നിഗത്തിന്റെ പേരും സമൂഹമാധ്യമങ്ങളിൽ ഉയർ‌ന്നിരുന്നു. താരത്തിന്റെ ബിഗ് ബോസ് എൻട്രിയെ കുറിച്ചുള്ള വാർത്തകൾ സോഷ്യൽ മീഡിയയിൽ വൻ ചർച്ചയായിരുന്നു. ഇപ്പോഴിത ഷെയിന്റെ റിയാലറ്റി ഷോയിലേയ്ക്കുള്ള എൻട്രിയെ കുറിച്ചുളള ചിത്രം ലഭിച്ചിരിക്കുകയാണ്. താരവുമായി ബന്ധപ്പെട്ട് അടുത്ത വൃത്തങ്ങളാണ് ഇക്കാര്യം വ്യക്തമാക്കിയിരിക്കുന്നത്. ഷെയിൻ ബിഗ് ബോസിൽ ഉണ്ടാകില്ലെന്നാണ് ലഭിക്കുന്ന വിവരം. ഏഷ്യനെറ്റാണ് ഇതു സംബന്ധമായ വാർത്ത റിപ്പോർട്ട് ചെയ്തിരിക്കുന്നത്

ഒരു വർഷത്തെ ഇടവേളയ്ക്ക് ശേഷമാണ് ബിഗ് ബോസ് വീണ്ടും മലയാളി പ്രേക്ഷകരുടെ സ്വീകരണ മുറിയിൽ എത്തുന്നത്. മലയാളത്തിനു പുറമേ ഇന്ത്യൻ ഭാഷകളായ തമിഴ്, തെലുങ്ക്, കന്നഡ, മറാത്തി, ഹിന്ദി എന്നീ ഭാഷകളിലും മികച്ച പ്രേക്ഷക സ്വീകാര്യത നേടി മുന്നേറുകയാണ്. ഹിന്ദിയിൽ സൽമാൻഖാനാണ് ഷോയുടെ അവതാരകൻ തമിഴിൽ കമൽ ഹാസൻ. തുടക്കത്തിൽ ബിഗ് ബോസിന്റെ മലയാളം ആദ്യഭാഗത്തിന് രണ്ട് അഭിപ്രായമായിരുന്നു. എന്നാൽ ദിവസങ്ങൾ കഴിന്തോറും ഷോയെ കുറിച്ചുളള അഭിപ്രായവും മാറുകയായിരുന്നു.ബിഗ് ബോസിന്റെ ആദ്യ ഭാഗം അവസാനിക്കുമ്പോൾ മികച്ച ഓഡിയൻസിനെയായിരുന്നു ഷോ സ്വന്തമാക്കിയത്.

ആദ്യ ഭാഗത്ത് ടെലിവിഷൻ അവതാരകനും നടനുമായ സാബു മോനായിരുന്നു ബിഗ് ബോസിന്റെ വിജയ് ആയത്. നടയും അവതാരികയുമായ പേളി മാണി രണ്ടാം സ്ഥാനക്കാരിയായി. രഞ്ജിനി ഹരിദാസ്, അർച്ചന സുശീലൻ, ശ്രീനിഷ്, അരവിന്ദ്, അരസ്റ്റോ സുരേഷ്, ഷിയാസ്, ശ്രീലക്ഷ്മി, അഞ്ജലി അമീർ, അനൂപ് ചന്ദ്രൻ എന്നിവരായിരുന്നു ബിഗ് ബോസിലെ മറ്റ് പ്രധാനക്കാർ. പലരുടേയും ഇമേജ് മാറാൻ ഷോയിലൂടെ കഴിഞ്ഞിരുന്നു. പേളി ശ്രീനീഷ് വിവാഹമായിരുന്നു ബിഗ് ബോസിന്റെ പ്രധാനപ്പെട്ട് ഒരു ഹൈലൈറ്റ്. പുതിയ സീസൺ ആരംഭിക്കുമ്പോൾ ഏറെ പ്രതീക്ഷയോടെയാണ് ഷോയ്ക്കായി പ്രേക്ഷക കാത്തിരിക്കുന്നത്. തിങ്കൾ മുതൽ വെളളി വരെ രാത്രി 9.30 ക്കു ശനി ഞായർ ദിവസങ്ങളിൽ രാത്രി 9 മണിക്കുമാണ് പരിപാടി സംപ്രേക്ഷണം ചെയ്യുന്നത്.