'ഷൂട്ടിങ് ഫ്ലാറ്റിലാണെന്നറിഞ്ഞപ്പോൾ അമ്മ സമ്മതിച്ചില്ല, അവസാനം അവർ വീട്ടിൽ വന്ന് ചിത്രീകരിച്ചു'

സംവിധായകൻ സിദ്ധാർഥ് ശിവ വഴിയാണ് മറിമായത്തിൽ എത്തിയതെന്നും ആദ്യ എപ്പിസോഡുകൾ സംവിധായകനും അണിയറപ്രവർത്തകരും അമ്മയുടെ നിർബന്ധമൂലം വീട്ടിൽ വന്നാണ് ചിത്രീകരിച്ചതെന്നും സ്നേഹ പറയുന്നു. 'മറിമായത്തിലേക്ക് സിദ്ധാർഥ് ശിവ വഴിയാണ് എത്തിപ്പെട്ടത്. ആദ്യം ക്യാമറയെ എങ്ങനെ അഭിമുഖീകരിക്കുമെന്ന് ഭയമായിരുന്നു. ശേഷം ചെയ്യാൻ തീരുമാനിച്ചു. ഷൂട്ടിങ് ഫ്ലാറ്റിലാണ് എന്ന് അറിഞ്ഞതോടെ അമ്മ പോകാൻ അനുവ​ദിച്ചില്ല. വേണമെങ്കിൽ വീട്ടിൽ വന്ന് ചിത്രീകരിക്കാൻ അറിയിച്ചു. ശേഷം മറിമായത്തിന്റെ അണിയറപ്രവർത്തകർ വീട്ടിലെത്തി ആദ്യത്തെ എപ്പിസോഡുകൾ ചിത്രീകരിച്ചു' സ്നേഹ പറഞ്ഞു.

ശ്രീകുമാർ അമൃത ടിവിയിൽ സംപ്രേഷണം ചെയ്തിരുന്ന ബെസ്റ്റ് ആക്ടർ റിയാലിറ്റി ഷോയിലൂടെയാണ് സിനിമാ ജീവിതം ആരംഭിച്ചത്. ശേഷം മറിമായം, ഉപ്പും മുകളും, ചക്കപ്പഴും തുടങ്ങി നിരവധി സീരിയലുകളുടേയും ആടുപുലിയാട്ടം, മെമ്മറീസ് അടക്കമുള്ള സിനിമകളുടേയും ഭാ​ഗമായി. ഇപ്പോൾ ശ്രീകുമാർ തെലുങ്ക് സിനിമയിൽ അഭിനയിച്ചുകൊണ്ടിരിക്കുകയാണ്. രണ്ട് തെലുങ്ക് സിനിമകളിൽ അഭിനയിക്കാൻ അവസരം ലഭിച്ചതായും ശ്രീകുമാർ വെളിപ്പെടുത്തി. പ്രശസ്ത സംവിധായകൻ ലിം​ഗുസ്വാമി സംവിധാനം ചെയ്യുന്ന ഒരു സിനിമയിലാണ് അഭിനയിച്ചുകൊണ്ടിരിക്കുന്നത്. ഫ്ലവേഴ്സിലെ ചക്കപ്പഴം എന്ന കോമഡി സീരിയലിൽ ഉത്തമൻ എന്ന കഥാപാത്രത്തെ ശ്രീകുമാർ അവതരിപ്പിച്ചപ്പോൾ ഏറെ ശ്രദ്ധിക്കപ്പെട്ടിരുന്നു. എന്നാല്‍ ചക്കപ്പഴം പരമ്പരയിലെ ഉത്തമന്‍ എന്ന കഥാപാത്രമായി താന്‍ ഇനി പരമ്പരയിലുണ്ടാകില്ല എന്നാണ് ശ്രീകുമാര്‍ അടുത്തിടെ സോഷ്യൽമീഡിയ വഴി പറഞ്ഞത്. വാര്‍ത്ത ഞെട്ടലോടെയാണ് ആരാധകര്‍ സ്വീകരിച്ചത്. എന്ത് കാരണത്താലാണ് പിന്മാറുന്നതെന്ന് താരം വ്യക്തമാക്കിയിട്ടില്ല. ഇത്രനാള്‍ ഉത്തമന്‍ എന്ന കഥാപാത്രത്തിന് കിട്ടിയ സ്വീകാര്യതയ്ക്ക് നന്ദി പറഞ്ഞുകൊണ്ടാണ് ശ്രീകുമാര്‍ കുറിപ്പ് പങ്കുവെച്ചത്.

Recommended Video

അവരെ അപമാനിക്കാന്‍ ഉദ്ദേശിച്ചല്ല പറഞ്ഞതെന്ന് സ്‌നേഹ| Filmibeat Malayalam

പ്രണയത്തെ കുറിച്ചും ഇരുവരും സംസാരിച്ചു. ശ്രീകുമാർ ഒട്ടും സംസാരിക്കാത്ത വ്യക്തിയാണെന്നും മറിമായത്തിൽ അഭിനയിച്ചുകൊണ്ടിരിക്കുമ്പോൾ ആദ്യ നാളുകളിൽ തങ്ങൾ പരസ്പരം സംസാരിക്കാറില്ലായിരുന്നുവെന്നും ശ്രീകുമാറും സ്നേ​ഹയും പറയുന്നു. വിവാഹശേഷമാണ് കുറച്ചെങ്കിലും മാറ്റം വന്നതെന്നും ശ്രീകുമാർ പൊതുവെ അധികം സംസാരിക്കാത്ത കൂട്ടത്തിലാണെന്നും സ്നേഹ പറയുന്നു. മനപൊരുത്തം കണ്ടുപിടിക്കാനുള്ള മത്സരത്തിലും ഇരുവും മികച്ച പ്രകടനമാണ് റെഡ് കാർപെറ്റിൽ കാഴ്ചവെച്ചത്. ഇരുവരും തുടർന്നും സന്തോഷത്തോടെ ദാമ്പത്യ ജീവിതം നയിക്കണമെന്നാണ് താനും ആ​ഗ്രഹിക്കുന്നതെന്ന് സ്വാസികയും ആശംസകൾ നേർന്നുകൊണ്ട് പറഞ്ഞു.