ഇഷ്ടമുള്ളതെല്ലാം കഴിച്ചു കൊണ്ട് ശരീരഭാരം കുറച്ചു, ആ രഹസ്യം പരസ്യമാക്കി അനു ജോസഫ്

15 ദിവസം കൊണ്ട് 5 കിലോയാണ് ഇത്തരത്തിൽ അനു കുറച്ചിരിക്കുന്നത്. ശരീരഭാരം കൂടിയതിന്റെ പേരിൽ ബുദ്ധിമുട്ടുകൾ തോന്നിയതിനെ തുടർന്നാണ് ശരീരഭാരം കുറയ്ക്കാൻ തീരുമാനിക്കുന്നതെന്ന് ആമുഖമായി പറഞ്ഞു കൊണ്ടാണ് തന്റെ വെയിറ്റ് ലോസ് യാത്രയെ കുറിച്ച് പറഞ്ഞത് .ഡയറ്റിനെ കുറിച്ച് തിരഞ്ഞ് കൊണ്ട് ഇരിക്കുമ്പോഴാണ് ലക്ഷ്മി നക്ഷത്രയുടെ വീഡിയോ ശ്രദ്ധയിൽപ്പെട്ടതെന്നും അനു പറയുന്നു. ആ വീഡിയോയിൽ തന്നെ ആകർഷിച്ചത് ഭക്ഷണം കഴിച്ച് കൊണ്ട് ശരീരഭാരം കുറയ്ക്കാം എന്നതാണ്. 65 കിലോ ആയിരുന്നു ഡയറ്റ് ചെയ്യുമ്പോഴുള്ള ശരീരഭാരം. ഇത് 15 ദിവസം കൊണ്ട് 60 ആയി കുറഞ്ഞിരിക്കുകയാണ്.

രാവിലെ വെറും വയറ്റിൽ ഉണക്കമുന്തിരി ഇട്ട വെള്ളത്തിൽ നിന്നാണ് ഭക്ഷണം കഴിച്ച് തുടങ്ങുന്നത്. 15 മീൽസാണ് ഒരു ദിവസം കഴിക്കാനുള്ളത്. മുന്തിരി ഇട്ട വെളളം കുടിച്ചതിന് ശേഷം 15 മിനിറ്റ് കഴിയുമ്പോഴാണ് അടുത്ത ഭക്ഷണം കഴിക്കാനുള്ളത്. ഒരു റോബസ്റ്റ പഴം ആണ് അടുത്തത്. അത് കഴിഞ്ഞ് വർക്കൗട്ട് ചെയ്യണം. ഒരു ദിവസം ഒരു നേരം അരി ആഹാരം കഴിക്കം. അനു രാവിലേയും ഉച്ചയ്ക്കും ഗോതമ്പ് ഭക്ഷണമായിരുന്നു തിരഞ്ഞെടുത്തത്. പാൽ ചായ കഴിവതും ഒഴിവാക്കണം. പിന്നീട് പ്രഭാതഭക്ഷണത്തിന് ശേഷം ആപ്പിൾ, ഒറഞ്ച് എന്നിങ്ങനെയുള്ള എന്തെങ്കിലും ലഘുഭക്ഷണം കഴിക്കാം.

ഉച്ചയ്ക്ക് ഒരു പച്ചക്കറി കൊണ്ടുള്ള സാലഡും ഭക്ഷണത്തിൽ ഉൾപ്പെടുത്തണം. അത് കഴിഞ്ഞ് ആപ്പിൾ, ഒറഞ്ച് എന്നിങ്ങനെയുള്ള എന്തെങ്കിലും ഒന്ന് വൈകുന്നേരം ഇടഭക്ഷണമായി കഴിക്കാം. അത് കഴിഞ്ഞ് നടത്തം. ശേഷം രാത്രി ഭക്ഷണം. ദോശയാണ് അനു കഴിച്ചിരിക്കുന്നത്. ചിക്കൻ , മീൻ,മുട്ട തുടങ്ങിയ ഭക്ഷണത്തിൽ ഉൾപ്പെടുത്താം, എന്നാൽ വറുത്ത ചിക്കനും മീനും ഉപയോഗിക്കാൻ പാടില്ല. ട്രെയിനേഴ്സ് ഇവരുടെ ഭക്ഷണവും വ്യായമവുമൊക്കെ കൃത്യമായ നിരീക്ഷിക്കുന്നുണ്ട്. . രാത്രി ഒരു ഹെൽത്ത് ഡ്രിങ്കോട് കൂടിയാണ് അന്നത്ത ഭക്ഷണം അവസാനിപ്പിക്കുന്നത്.

Recommended Video

Kerala State Film Awards 2020 Winners List: Jayasurya, Anna Ben, The Great Indian Kitchen Win Big!

അനുവിന്റെ വീഡിയോ സോഷ്യൽ മീഡിയയിൽ വൈറവായിട്ടുണ്ട്. മികച്ച കമന്റുകളാണ് വീഡിയോയ്ക്ക് ലഭിക്കുന്നത്. ശരീരഭാരം കുറയ്ക്കാൻ ആഗ്രഹിക്കുന്നവർക്ക് ഉപകാരപ്പെടുന്ന വീഡിയോ ആണ് ഇതെന്നാണ് പ്രേക്ഷകർ പറയുന്നത്. അടിപൊളിയായിട്ടുണ്ടെന്നും ആരാധകർ പറയുന്നുണ്ട്. കൂടാതെ കാര്യം നിസ്സാരത്തിലെ അനുവിന്റെ വണ്ണമാണ് കാണൻ ഭംഗിയെന്നും ഒരു ആരാധിക റയുന്നുണ്ട്. വളരെ പോസിറ്റീവ് ആയിട്ടാണ് അനുവിന്റെ വീഡ‍ിയോ പ്രേക്ഷകർ എടുത്തിയിരിക്കുന്നത്.