അച്ഛനും അമ്മയും ജ്യോതിഷം നോക്കും, 18ാം വയസിലെ വിവാഹത്തെ കുറിച്ച് ആര്യ

ബഡായി ബംഗ്ലാവിലൂടെ

ബഡായി ബംഗ്ലാവ് എന്ന ടെലിവിഷന്‍ ഷോയിലൂടെയാണ് ആര്യ പ്രേക്ഷക ശ്രദ്ധ നേടുന്നത്. 2007ലെ അമൃത ടിവിയിലെ ഓഫീസര്‍ എന്ന പ്രോഗ്രാമിലൂടെയായിരുന്നു തുടക്കം.

സിനിമയിലേക്ക്

2015ല്‍ ലൈല ഓ ലൈല എന്ന മോഹന്‍ലാല്‍ ചിത്രത്തിലൂടെ സിനിമയില്‍ എത്തി. ഒരു സെക്കന്റ് ക്ലാസ് യാത്ര, കുഞ്ഞിരാമായണം തുടങ്ങിയ ചിത്രങ്ങളില്‍ അഭിനയിച്ചു. രഞ്ജിത്ത് ശങ്കര്‍ സംവിധാനം ചെയ്ത പ്രേതത്തിലാണ് ആര്യ ഒടുവില്‍ അഭിനയിച്ചത്.

വിവാഹം 18ാം വയസില്‍

18ാം വയസിലായിരുന്നു വിവാഹം. അച്ഛനും അമ്മയ്ക്കും ജ്യോതിഷത്തില്‍ വിശ്വാസമാണ്. 18ാം വയസില്‍ വിവാഹം നടന്നില്ലെങ്കില്‍ പിന്നെ 32ാം വയസിലെ നടക്കുകയുള്ളൂ എന്നാണ് ജ്യോതിഷം പറഞ്ഞത്. അതുക്കൊണ്ട് തന്നെ അച്ഛന്റെയും അമ്മയുടെയും വിശ്വാസ പ്രകാരം 18ാം വയസില്‍ വിവാഹം കഴിച്ചു.

പ്രണയ വിവാഹം

നോര്‍ത്ത് ഇന്ത്യക്കാരനാണ് രോഹിത്. പത്താം ക്ലാസില്‍ പഠിക്കുമ്പോഴാണ് രോഹിത് കേരളത്തില്‍ എത്തുന്നത്. ഒരു കോമണ്‍ ഫ്രണ്ട് വഴിയാണ് ഞങ്ങള്‍ പരിചയപ്പെടുന്നത്. ഇപ്പോള്‍ ബാംഗ്ലൂരില്‍ ടാറ്റ കണ്‍സള്‍ട്ടന്‍സി നെറ്റ് വര്‍ക്കിങ് സിസ്റ്റം എഞ്ചിനീയറായി ജോലി നോക്കുകയാണ്. ഒരു ഡാന്‍സര്‍ കൂടിയാണ് രോഹിത്.

മകളുണ്ട്

ഒരു മോളുണ്ട്. റോയ എന്നാണ് പേര്. ഈ വര്‍ഷം എല്‍കെജിയിലാണ്.