സാന്ത്വനത്തിലെ താരങ്ങള്‍ക്കൊപ്പം നടി ചിപ്പി, മകള്‍ അവന്തികയുമുളള ചിത്രം പങ്കുവെച്ച് താരം

അതേസമയം സാന്ത്വനം പരമ്പരയുടെ ലൊക്കേഷനില്‍ നിന്നും ചിപ്പി പങ്കുവെച്ച എറ്റവും പുതിയ ചിത്രങ്ങള്‍ സോഷ്യല്‍ മീഡിയയില്‍ ഒന്നടങ്കം വൈറലായിരുന്നു. സമൂഹ മാധ്യമങ്ങളില്‍ ആത്ര ആക്ടീവല്ലെങ്കിലും സീരിയല്‍ വിശേഷങ്ങള്‍ പങ്കുവെച്ച് ഇടയ്ക്കിടെ നടി എത്താറുണ്ട്. എന്റെ പ്രിയപ്പെട്ട പെണ്‍കുട്ടികള്‍ എന്ന ക്യാപ്ഷന്‍ നല്‍കികൊണ്ടാണ് മകള്‍ അവന്തികയെയും പരിചയപ്പെടുത്തി നടി ചിത്രം പോസ്റ്റ് ചെയ്തിരിക്കുന്നത്. .

ഈ ചിത്രത്തിന് പുറമെ സാന്ത്വനത്തിലെ മറ്റു താരങ്ങളുമുളള ചിത്രവും ചിപ്പി പങ്കുവെച്ചിരുന്നു. പിന്നാലെ നിരവധി പേരാണ് ചിപ്പിയുടെ ചിത്രങ്ങള്‍ക്ക് താഴെ കമന്റുകളുമായി എത്തിയിരിക്കുന്നത്. ആരാധകര്‍ക്കൊപ്പം സഹതാരങ്ങളും നടിയുടെ പോസ്റ്റിന് താഴെ എത്തിയിരുന്നു. ബ്രേക്ക് ടൈം പിക് എന്നാണ് രണ്ടാമത്തെ ചിത്രത്തിന് നടി ക്യാപ്ഷന്‍ നല്‍കിയിരിക്കുന്നത്.

അതേസമയം വാനമ്പാടിക്ക് ശേഷമാണ് ചിപ്പി സാന്ത്വനത്തില്‍ എത്തിയിരിക്കുന്നത്. വാനമ്പാടിയില്‍ നന്ദിനി എന്ന കഥാപാത്രത്തെയാണ് നടി അവതരിപ്പിച്ചിരുന്നത്. സുരേഷ് ഗോപിയുടെ തലസ്ഥാനം എന്ന ചിത്രത്തിലാണ് ചിപ്പി ആദ്യമായി മലയാളത്തില്‍ അഭിനയിച്ചിരുന്നത്. തുടര്‍ന്ന് നായികയായും സഹനടിയായുമെല്ലാം നടി മോളിവുഡില്‍ തിളങ്ങിയിരുന്നു.

മലയാളത്തിന് പുറമെ കന്നഡ, തമിഴ്, തെലുങ്ക് ഭാഷകളിലെല്ലാം അഭിനയിച്ചിരുന്നു നടി. കന്നഡത്തില്‍ ജനുമദ ജോഡി എന്ന ചിത്രത്തിലെ പ്രരടനത്തിന് മികച്ച നടിക്കുളള കര്‍ണാക സംസ്ഥാന പുരസ്‌കാരവും ഫിലിം ഫെയര്‍ അവാര്‍ഡും ചിപ്പിക്ക് ലഭിച്ചിരുന്നു. മലയാളത്തില്‍ കാറ്റ് വന്ന് വിളിച്ചപ്പോള്‍ എന്ന ചിത്രമാണ് ചിപ്പിയുടെതായി ഒടുവില്‍ പുറത്തിറങ്ങിയത്.

Recommended Video

Pooja Jayaram Interview | FilmiBeat Malayalam

2001ലാണ് നിര്‍മ്മാതാവ് രഞ്ജിത്തുമായുളള നടിയുടെ വിവാഹം കഴിഞ്ഞത്. വിവാഹ ശേഷം സൂര്യ ടിവിയിലെ സ്ത്രീജന്മം എന്ന പരമ്പരയിലൂടെയാണ് നടി തിരിച്ചെത്തിയത്. തുടര്‍ന്ന് വിവിധ ചാനലുകളിലായി നിരവധി പരമ്പരകളില്‍ നടി അഭിനയിച്ചിരുന്നു. അഭിനയത്തിന് പുറമെ നിര്‍മ്മാതാവായും പരമ്പരകളില്‍ എത്തിയിരുന്നു താരം.